नहेम्‍याह 8:15 - नेवाः बाइबल

¹⁵ अले इमिसं थथःगु शहरय् व यरूशलेमय् थज्‍याःगु बुखँ छ्वल, “व्‍यवस्‍थाय् च्‍वया तः थें पहाडय् हुँ, जैतून, थकुराः, मेहदी, ताय्‌गः सिमा व मेमेगु यक्‍व हः दुगु सिमाया कचामचा कयाहयाः बल्‍चा दय्‌कि।”

नहेम्‍याह 8:15 ပူးပေါင်းရင်းမြစ်များ

उत्‍पत्ति 8:11

बहनिइ लिहां वःबलय् सुकुभत्तुया त्‍वाथय् नकतिनि त्‍वाथला हःगु जैतूनया हः छहः नं दु। अले नोआं पृथ्‍वीइ लः पाः जुइ धुंकल धकाः सीकाकाल।

लेवी 23:4

“‘परमप्रभुं क्‍वःछिनातःगु जितः तःधंकेत छिमिसं थःथवय् मुनाः हनेमाःगु नखःचखः थ्‍व हे खः।

लेवी 23:40

न्‍हापांगु दिं छिमिसं थःथाय् सःगु भिंभिंगु फल, बल्‍चा दय्‌केत ताय्‌गः सिमाया कचा, ततःमागु सिमाया कचा, लहरे पिपलया कचा ज्‍वनाः न्‍हय्‌न्‍हु तक परमप्रभु छिमि परमेश्‍वरया न्‍ह्यःने लय्‌ताया च्‍वँ।

जकरिया 1:8

चान्‍हय् दर्शनय् जिं छम्‍ह मनूयात ह्याउँम्‍ह सल गयाच्‍वंगु खना। व यरूशलेमया छगू न्‍हसिकापय्‌ दुगु मेहदीया सिमातय् दथुइ दनाच्‍वन। वयागु ल्‍युने ह्याउँपिं, भुयुपिं व तुयुपिं सल दु।

मत्ती 21:1

वय्‌कःपिं यरूशलेमया सत्तीक लाःगु जैतून डाँडायागु बेथफागे धाःगु थासय् थ्‍यंकः झाःबलय् येशूं निम्‍ह चेलायात थथे धयाः छ्वयादिल –

यूहन्‍ना 12:13

उकिं इमिसं ताय्‌गः सिमाया कचामचा ज्‍वनाः– “होसन्‍ना, इस्राएलयाम्‍ह जुजु परमप्रभुयागु नामं झाःम्‍हय्‌सिया जयजय जुइमा” धकाः हा हां वय्‌कःयात लसकुस याः वन।

व्‍यवस्‍था 16:16

परमप्रभु छिमि परमेश्‍वरं ल्‍ययादीगु थासय् दँय् स्‍वक्‍वः छिमि मिजंत धाक्‍व वय्‌कःया न्‍ह्यःने खनेदः वनेमाः, सोडा मतःगु मरिया नखःबलय्, सामाज्‍याया नखःबलय् अले बल्‍चाबाय्‌या नखःबलय् परमप्रभुया न्‍ह्यःने सुं नं खालि ल्‍हातं वने मते।

प्रकाश 7:9

थुलि जुइ धुंकाः जिं स्‍वयाबलय् जात जातियापिं मनूत, कुल कुलयापिं मनूत व फुक्‍क देश देशयापिं मनूत, थीथी भाषां नवाइपिं मनूत तुयुगु वसतं पुनाः ल्‍हातिइ ताय्‌गः सिमायागु कचा ज्‍वनाः सिंहासन व चीधिकःम्‍ह भ्‍याःचाया न्‍ह्यःने दनाच्‍वंगु जिं खना।