नहेम्‍याह 8:10 - नेवाः बाइबल

¹⁰ नहेम्‍याहं इमित धाल, “आः छेँ वनाः भिंगु नसा व साःगु दाखमद्यनापं भ्‍वय् न हुँ। थःगु निंतिं भ्‍वय् ज्‍वरय् याये मफुपिन्‍त नं ब्‍व छ्वयाब्‍यु। थौंया दिं झी प्रभुया निंतिं पवित्र जू। नुगः मछिंके मते, परमप्रभुयागु लसता हे छिमिगु बल खः।”

नहेम्‍याह 8:10 ပူးပေါင်းရင်းမြစ်များ

१ राजा 8:66

नखः सिधय् धुंकाः सोलोमनं मनूतय्‌त छेँय् लितछ्वल। परमप्रभुं थः दास दाऊद व थः प्रजा इस्राएलयात भिं यानादीगुलिं इपिं सकलें लय्‌तायाः जुजुयात प्रशंसा यायां थथःगु छेँय् लिहां वन।

१ इतिहास 16:27

महिमा व गौरव वय्‌कःया न्‍ह्यःने दु, वय्‌कःयाथाय् बल व लसता दु।

नहेम्‍याह 8:11

लेवीतय्‌सं थथे धयाः मनूतय्‌त सुम्‍क तल, “सुम्‍क च्‍वँ, थौंया दिं पवित्र दिं खः, नुगः मछिंके मते।”

नहेम्‍याह 8:12

अले सकल इस्राएलीत छेँ वनाः न्‍ह्यइपुइकाः भ्‍वय् नल। थःके दुगु नसा मेपिन्‍त इनाबिल, छाय्‌धाःसा व्‍यवस्‍थाया सफुतिं ब्‍वनाः न्‍यंकूगु खँ इमिसं बांलाक थुल।

एस्‍तर 9:19

अथे जुयाः तापाक गामय् च्‍वनिपिं यहूदीतय्‌सं अदार लाया झिंप्‍यन्‍हुया दिंखुन्‍हु लसता व नखः हन। अले उखुन्‍हु इमिसं छम्‍हय्‌सिनं मेम्‍हय्‌सित कोसेलि बीगु यात।

एस्‍तर 9:22

उबलय् यहूदीतय्‌त थः शत्रुपाखें बचय् जुयाः न्‍हूगु जीवन दुगुलिं इमिगु दुःखपाखें खुशी व लसताय् हिउगु दु धकाः नं च्‍वल। अले इमिसं उपिं दिंखुन्‍हु लसताया नखःकथं छम्‍हय्‌सिनं मेम्‍हय्‌सित नयेगु नसा बीगु व नये मखंपिन्‍त नं कोसेलि बीगु दिंकथं हनय् यायेमाः धकाः वं च्‍वल।

भजनसंग्रहया सफू 149:2

इस्राएल थःत सृष्‍टि यानादीम्‍हय्‌सिया कारणं लय्‌तायेमा, सियोनयापिं मनूत थः जुजुया कारणं लय्‌तायेमा!

भजनसंग्रहया सफू 89:17

छाय्‌धाःसा छि हे इमिगु महिमा व शक्ति खः। अले छिगु हे दया मायां जिमित बल्‍लाकादीगु दु।

हितोपदेश 17:22

चक्‍कंगु नुगः भिंगु वासः थें खः, न्‍ह्याबलें नुगः मछिंकाच्‍वन कि म्‍हया क्‍वँय् हे गनावनी।

उपदेशक 11:2

छं थःगु सामान न्‍हय्‌म्‍ह वा च्‍याम्‍हय्‌सित इनाब्‍यु, छाय्‌धाःसा देशय् गज्‍याःगु विपत्ति वयेफु व छं मस्‍यू।

उपदेशक 2:24

मनुखं नयेगु त्‍वनेगु व थःगु थाकुगु ज्‍यां लुधंकिगु स्‍वयाः मेगु बांलाःगु छु हे याये फइ धकाः। थ्‍व नं जिं परमेश्‍वरया ल्‍हातं वःगु खना।

उपदेशक 3:13

फुक्‍क मनूतय्‌सं बांलाक नयेगु, त्‍वनेगु यायेमा अले थःपिन्‍सं दुःखसिया याःगु ज्‍याय् लुधंकाच्‍वनेमा। थ्‍व परमेश्‍वरया दान खः।

उपदेशक 5:18

अनंलि जिं थ्‍व खँ थुल। परमेश्‍वरं बियादीगु थ्‍व चिहाकःगु जीवन दतले थ्‍व संसारय् नयेगु, त्‍वनेगु अले थःम्‍हं तसकं दुखसिया यानागु ज्‍याय् लुधंका च्‍वनेत कुतः यायेगु मनूतय्‌गु निंतिं भिं जुइ, छाय्‌धाःसा व हे इमिगु भाग खः।

उपदेशक 9:7

थःगु लँपुइ हुँ, थःम्‍हं नयेगु नसाय् लय्‌ताया च्‍वँ, लय्‌तातां दाखमद्य त्‍वँ, छाय्‌धाःसा छं याःगु ज्‍यायात परमेश्‍वरं ज्‍यू धाःगु दु।

श्रेष्‍ठगीत 5:1

हे जिमि तसकं यःम्‍ह मय्‌जु, जिमि भम्‍चा, जि जिगु बगैँचाय् वयागु दु, जिं जिगु नस्‍वाःगु मसलानापं मूर्र मुनागु दु। जिं जिगु हाप्‍वः व कस्‍ति नयागु दु। जिं जिगु दाखमद्य व दुरु त्‍वना। नयेगु या, हे जिमि पासा, त्‍वँ, अले मतिनां मजाःतले त्‍वँ, जिमि प्रिय।

यशैया 49:5

परमप्रभुं जितः वय्‌कःया दास जुयाः याकूबयात हाकनं वय्‌कःयाथाय् हयेत अले इस्राएलयात वय्‌कःयाथाय् मुंकेत दय्‌कादिल। जि बुइ न्‍ह्यः हे मांया प्‍वाथय् दय्‌कादिल, छाय्‌धाःसा परमप्रभुया मिखाय् जि हनाबना दुम्‍ह खः, अले परमेश्‍वर हे जिगु बल खः।

यशैया 61:10

जि परमप्रभुया कारणं तसकं लय्‌ताये। जिगु प्राणं जिमि परमेश्‍वरयाके लय्‌ताइ। छाय्‌धाःसा वय्‌कलं जितः उद्धारया वसः पुंकादीगु दु, अले वय्‌कलं जितः धार्मिकताया वसतं त्‍वपुयादीगु दु। गथे ब्‍याहा याइम्‍ह मिजंनं थःगु छेनय् पुजाहारीं थें समाः याइ अले भम्‍चां थःत तसकं मू मू वंगु तिसां समाः याइ।

योएल 2:23

हे सियोनयापिं मनूत, लय्‌ता, परमप्रभु थः परमेश्‍वरयाके लय् लय्‌ताता न्‍ह्यइपुइकाच्‍वँ! छाय्‌धाःसा वय्‌कलं दकलय् न्‍हापां वइगु वा छिमित बियादीगु दु, छाय्‌धाःसा वय्‌कः विश्‍वास याये बहःम्‍ह खः। अले छिमिगु निंतिं माक्‍व वा वय्‌कादी न्‍हापागु वा व लिपायागु वा न्‍हापा थें हे वय्‌कादी।

जकरिया 14:21

यरूशलेम व यहूदाय् दुगु थलबल दक्‍व शक्ति दुम्‍ह परमप्रभुया निंतिं पवित्र जुइ। थ्‍व थलबल बां बीपिं मनूतय्‌सं बांया ला दय्‌केत छ्यली। उखुन्‍हुंनिसें दक्‍व शक्ति दुम्‍ह परमप्रभुया देगलय् सुं नं न्‍यायेमिइ याइपिं दइ मखु।

लूका 11:41

भु व ख्‍वलाय् च्‍वंगु नये मखंपिन्‍त ब्‍यु, अले छिपिं दुनेंनिसें यचुइ।”

२ कोरिन्‍थी 8:2

न्‍ह्याथें ज्‍याःगु दुःखकष्‍ट वःसां इपिं लय्‌तायाच्‍वन, अले थःत मगाः मचाःबलय् इमिसं नुगः चक्‍कंकाः मेपिन्‍त ग्‍वाहालि बियाच्‍वन।

फिलिप्‍पी 3:4

शरीरयागु ज्‍याखँय् हे भरोसा तयेगु खःसां जिं दकलय् अप्‍वः भरोसा तये फु।

प्रकाश 11:10

अबलय् पृथ्‍वीइ च्‍वंपिं मनूत फुक्‍कं इपिं सीगुलिं लय्‌लय्‌ताइ। थ्‍व निम्‍ह अगमवक्तातय्‌सं यानाः पृथ्‍वीइ च्‍वंपिन्‍त तसकं सास्‍ती जुयाच्‍वंगुलिं इपिं लय्‌लय्‌तातां थःथवय् कोसेलि बीगु याइ।

१ शमूएल 25:8

छिकपिनि थः मनूतय्‌के न्‍यनादिसँ, अले इमिसं छितः फुक्‍कं सत्‍य खँ धयाबी। जिमि मनूतय्‌त दया यानाः स्‍वीकार यानादिसँ छाय्‌धाःसा थौंयागु न्‍हि तसकं भिं अले छिकपिनि दासतय्‌त व छपिनि काय् दाऊदयात छु बी फु बियादिसँ।’”