नहेम्‍याह 7:70 - नेवाः बाइबल

⁷⁰ अले छुं परिवारयापिं नायःतय्‌सं ज्‍याया निंतिं देछा बिल। राज्‍यपालं धुकुतिइ ८.५ किलोग्राम ति लुँ, ५० गः ख्‍वल्‍चा व पुजाहारीतय्‌सं फीगु ५३० ज्‍वः वसः बिल।

नहेम्‍याह 7:70 ပူးပေါင်းရင်းမြစ်များ

१ राजा 7:45

थलबल, बेल्‍चा व छ्वाकिगु बातात। हुरामं जुजु सोलोमनया लागि परमप्रभुया देगःया निंतिं दय्‌कूगु फुक्‍क ज्‍वलं प्‍वालाप्‍वाला थीकातःगु कँय्‌यागु खः।

१ इतिहास 28:17

वं काँटा, छ्वाकिगु बाता व करुवायागु लागि भिंगु लुँयागु तौल अले फुक्‍क लुँ व वहःयागु खोल्‍चाया निंतिं माःगु तौल क्‍वःछिनाबिल।

२ इतिहास 4:11

हुरामं थलबल, बेल्‍चा व छ्वाकिगु बातात नं दय्‌कल। थुकथं हुरामं जुजु सोलोमनया लागि परमेश्‍वरया देगलय् यानाच्‍वंगु ज्‍या सिधय्‌कल।

२ इतिहास 4:8

वं झिगः तेबिल दय्‌काः देगलय् न्‍यागः तेबिल दच्‍छिनपाखे व न्‍यागः तेबिल उत्तरपाखे तयाबिल। वं लुँयागु सछिगः छ्वाकिगु बातात नं दय्‌कल।

नहेम्‍याह 10:1

बचं भ्‍वँतय् सही याःपिं थुपिं हे खः – हकल्‍याहया काय् राज्‍यपाल नहेम्‍याह, सिदकियाह,

नहेम्‍याह 7:65

उकिं राज्‍यपालं दकलय् तःधंम्‍ह पुजाहारीं “ऊरीम” व “तुम्‍मीम” छ्यलाः परमप्रभुयाके छु यायेगु धकाः मन्‍यंतले इमित तसकं पवित्र नसा छुं नं नये मते धकाः धाल।

नहेम्‍याह 7:69

४३५ म्‍ह ऊँट व ६,७२० म्‍ह गधा दु।

नहेम्‍याह 7:71

परिवारयापिं मेपिं नायःतय्‌सं ज्‍याया निंतिं धुकुतिइ १७० किलोग्राम ति लुँ व १,२५० किलोग्राम ति वहः बिल।

नहेम्‍याह 8:9

थथे व्‍यवस्‍थाया वचन न्‍यनाः सकलें मनूत ख्‍वयाच्‍वंगुलिं राज्‍यपाल नहेम्‍याह, शास्‍त्री पुजाहारी एज्रा व मनूतय्‌त स्‍यनाच्‍वंपिं लेवीतय्‌सं इपिं सकसितं धाल, “थौंया दिं परमप्रभु छिमि परमेश्‍वरया निंतिं पवित्र जू। उकिं ख्‍वये मते, हाले मते।”

प्रस्‍थान 12:22

हिसप घाँय्‌मायात प्‍वाँय् चिनाः उकियात हिइ थुनाः लुखाया जवंखवं व फुसय् इलाब्‍यु। छिपिं सुं नं थःपिनिगु छेँनं सुथय् मजुतले पिहां वने दइ मखु।

प्रस्‍थान 24:6

मोशां उकिया बच्‍छि हि कयाः ख्‍वल्‍चाय् तल, बच्‍छि हि धाःसा वेदीइ छ्वाकल।

यर्मिया 52:19

जुजुया अङ्गरक्षकतय् सेनापतिं भिंगु लुँ वा वहःयागु बातात, गुँगू मकःत, छ्वाकेगु बातात, थलबलत, त्‍वाःदेवात, त्‍वँसाबलि छाइगु ख्‍वला व बातात नं यंकल।