नहेम्‍याह 7:5 - नेवाः बाइबल

⁵ उकिं भारदारत, हाकिमत व मनूतय्‌त, परिवार परिवार यानाः धलखय् नां च्‍वयेगु निंतिं मुंकेत जिमि परमेश्‍वरं जितः हःपाः बियादिल। जिं दकलय् न्‍हापा लिहां वःपिनिगु वंशावली लुइका। उकी थथे च्‍वयातःगु जिं खना।

नहेम्‍याह 7:5 ပူးပေါင်းရင်းမြစ်များ

एज्रा 2:62

थुपिं मनूतय्‌सं पुर्खातय्‌गु धलखय् थःगु नां माल अय्‌नं लुइके मफुत। उकिं इपिं अशुद्ध ठहरय् जुयाः इमित पुजाहारीया ज्‍यां लिकाल।

एज्रा 7:27

परमप्रभु झी पुर्खातय् परमेश्‍वर धन्‍य खः। वय्‌कलं हे यरूशलेमय् दुगु परमप्रभुया देगःयात हनाबना तयेत जुजुयागु मनय् थ्‍व बिचाः तयादिल,

नहेम्‍याह 5:19

“हे जिमि परमेश्‍वर, जिं थ्‍व जातिया निंतिं यानागु फुक्‍क ज्‍या जिगु भिंया निंतिं लुमंका तयादिसँ।”

नहेम्‍याह 6:14

“हे जिमि परमेश्‍वर, तोबिया, सन्‍बलत, अगमवादिनी नोअदिया व जितः ख्‍यायेत स्‍वःपिं ग्‍वःम्‍ह अगमवक्तात दु, इपिं फुक्‍कसिगु थज्‍याःगु ज्‍या लुमंका तयादिसँ।”

नहेम्‍याह 7:4

शहर तःधं अले थाय् यक्‍व दु। मनूत धाःसा कम अले आः तक नं छेँ मदय्‌कानी।

नहेम्‍याह 7:64

इमिसं वंशावलीइ थथःपिनिगु नां माल अय्‌नं लुइके मफुत, उकिं इमित अशुद्ध मानय् यानाः पुजाहारीया ज्‍यां लिकाल।

हितोपदेश 2:6

छाय्‌धाःसा परमप्रभुं हे बुद्धि बियादी। अले वय्‌कःया म्‍हुतुं ज्ञान व दुग्‍यांया खँ पिहां वइ।

हितोपदेश 3:6

न्‍ह्यागु याःसां परमप्रभुयात लुमंकि, वय्‌कलं छन्‍त लँ क्‍यनादी।

१ कोरिन्‍थी 15:10

अथेसां परमेश्‍वरं जितः दया माया यानादीगुलिं जि थथे जुइ खन। वय्‌कलं जितः दया माया यानादीगु नं ला जिं सितिं मछ्वया। फुक्‍क प्रेरिततय्‌सं स्‍वयाः नं जिं यक्‍व दुःख सियाः ज्‍या यानाच्‍वनागु दु। जिं हे जक ला थथे ज्‍या यानाच्‍वनागु मखु, बरु जितः ज्‍या याकातःगु ला परमेश्‍वरयागु दया मायां खः।

२ कोरिन्‍थी 3:5

थ्‍व ज्‍या जिमिगु हे शक्तिं याये फु धकाः धायेगु जिमिगु शक्ति मदु। थ्‍व ज्‍या जिमित याये फय्‌कादीम्‍ह परमेश्‍वर हे खः।

२ कोरिन्‍थी 8:16

परमेश्‍वरं यानाः तीतसं नं जिं थें छिमित ग्‍वाहालि बी मास्‍ति वय्‌काच्‍वंगुलिं जिमिसं परमेश्‍वरयात सुभाय् बियाच्‍वनागु दु।

कलस्‍सी 1:29

ख्रीष्‍ट येशूं बियादीगु तःधंगु शक्तिं हे जिं थथे दुःख सियाः थ्‍व ज्‍या यानाच्‍वना।

याकूब 1:16

यःपिं दाजुकिजापिं, थःम्‍हं थःत धोखा बी मते।