नहेम्‍याह 6:6 - नेवाः बाइबल

⁶ उकी थथे च्‍वयातःगु दु, “छ व यहूदीतय्‌सं विद्रोह यायेगु ग्‍वःसा ग्‍वयाच्‍वंगु दु, उकिं छिमिसं पखाः दय्‌काच्‍वंगु दु धयागु खँ जाति जातितय्‌थाय् हल्‍ला जुयाच्‍वंगु दु धकाः गेशेमं जितः धाःगु दु। छ थः हे इमि जुजु जुइत्‍यंगु दु धकाः मनूतय्‌सं नं धयाच्‍वंगु दु।

नहेम्‍याह 6:6 ပူးပေါင်းရင်းမြစ်များ

एज्रा 4:12

“छःपिनिगु राज्‍ययागु थीथी थासं वःपिं यहूदीत यरूशलेमय् च्‍वनाच्‍वंगु अले व दुष्‍ट व विद्रोही शहरयात हाकनं दय्‌काच्‍वंगु खँ महाराजं सीकादिसँ। अले इमिसं उकियागु जग ल्‍ह्वनाः पखाः दय्‌काच्‍वंगु दु धयागु खँ सीकादिसँ।

एज्रा 4:15

पुलांगु भ्‍वँतय् माला स्‍वल धाःसा थ्‍व यरूशलेम शहर छगू विद्रोही शहर जूगु व पुलांगु इलंनिसें हे जुजुपिं व प्रदेशयापिं शासकतय्‌त दुःख बियावयाच्‍वंगु खँ छःपिन्‍सं सीकादी। अथे जुयाः हे थ्‍व शहरयात नाश याःगु खः।

नहेम्‍याह 2:19

थ्‍व खँ न्‍यनाः होरोनी सन्‍बलत, अम्‍मोनी हाकिम तोबिया व अरबी गेशेमं जिमित गिजय् यात, अले जिमित क्‍वह्यंकाः थथे धाल, “थ्‍व छिमिसं छु यानाच्‍वनागु? छु छिमिसं जुजुलिसें विद्रोह यायेगु ला?”

नहेम्‍याह 6:13

शमायाहं जितः ख्‍यानाः पाप याकेत अले बेइज्‍जत यायेत धिबा काःगु खः।

नहेम्‍याह 6:5

अले सन्‍बलतं थः छम्‍ह च्‍यःयात झौ छाप मदुगु पौ बियाः न्‍याक्‍वः खुसी जिथाय् छ्वयाहल।

नहेम्‍याह 6:7

‘यहूदाय् छम्‍ह जुजु दु’ धकाः घोषणा यायेत छं अगमवक्तात तःगु दु हँ। जुजुं थ्‍व खँ न्‍यँ हे न्‍यनी। उकिं वा, झीपिं नाप च्‍वनाः थुकिया बारे खँल्‍हाबल्‍हा यायेनु।”

यर्मिया 20:10

यक्‍वसिनं खुसखुस खँ ल्‍हाःगु जिं न्‍यनागु दु, “प्‍यखें भय हे भय दु, उकिया बारे खबर बीनु, खः, उकिया बारे खबर बीनु!” जिमि फुक्‍क पासापिन्‍सं थथे धयाः जिगु पतन पियाच्‍वंगु दु, “सके वं धोखा नइ ला? अले झीसं वयात त्‍याकाः वयाके बदला काये फइ।”

मत्ती 5:11

“जितः विश्‍वास याःगुलिं छिमित मनूतय्‌सं मभिंका जुइ, हेस्‍याना जुइ, दुःखकष्‍ट बियाजुइ। अय्‌जूगुलिं छिपिं धन्‍यपिं खः।

लूका 23:2

अले इमिसं वय्‌कःयात थथे धकाः पाः यात – “थ्‍व मनुखं जिमिगु जातियापिं मनूतय्‌त मखुगु खँ स्‍यना जूगु, कैसरयात कर पुले मते धकाः धयाजूगु व थःत ख्रीष्‍ट जुजु खः धकाः धयाजूगु जिमिसं न्‍यनागु खः।”

यूहन्‍ना 19:13

थ्‍व न्‍यनाः पिलातसं वय्‌कःयात पिने हल, अले ल्‍वहँतं सियातःगु थासय् वनाः न्‍याय आसनय् फ्‍यतुत। थ्‍व थाय्‌यात हिब्रू भाषां “गब्‍बथा” धाइ।

रोमी 3:8

गुम्‍हं गुम्‍हय्‌सिनं जितः तसकं बांमलाकाः जिं थथे धाल धकाः धाइ – “मभिंगु यानाः भिं जुया वइगु खःसा मभिंगु जक छाय् मयायेगु?” थज्‍याःपिं मनूतय्‌सं तःधंगु सजाँय फयेमाली।

२ कोरिन्‍थी 6:8

जिमित तःधंकूसां, क्‍वह्यंकूसां, भिंकूसां, मभिंकूसां जिमिसं परमेश्‍वरयागु सेवा याना। सत्‍य खँ ल्‍हाना जूसां जिपिं फताहा थें जुइ माल।

१ पत्रुस 3:16

थथे लिसः बीबलय् हनाबना तयाः, मिजासं नुगः यचुकाः नवा। थज्‍याःगु भिंगु चालचलनं यानाः छिमित बांमलाका व ब्‍वः बिया च्‍वंपिं मनूत थः हे लज्‍या चाये माली।