नहेम्‍याह 6:18 - नेवाः बाइबल

¹⁸ यहूदायापिं यक्‍व मनूतय्‌सं वयात ग्‍वाहालि बी धकाः पाफःगु जुयाच्‍वन। छाय्‌धाःसा तोबियाया ससःअबु आराया काय् शकन्‍याह यहूदी खः। अले वया काय् यहोहानानं बेरेक्‍याहया काय् मशुल्‍लामया म्‍ह्याय्‌लिसें ब्‍याहा याःगु खः।

नहेम्‍याह 6:18 ပူးပေါင်းရင်းမြစ်များ

१ इतिहास 3:21

हनन्‍याहया काय्‌पिं पलत्‍याह व यशयाह खः। यशयाहया काय् रपायाह खः, रपायाहया काय् अर्नान खः। अर्नानया काय् ओबदिया व ओबदियाया काय् शकन्‍याह खः।

एज्रा 2:5

आराया सन्‍तान ७७५ म्‍ह

नहेम्‍याह 3:30

वया नापसं, शेलेम्‍याहया काय् हनन्‍याह व सालापया खुम्‍हम्‍ह काय् हानूनं मेगु छगू ब्‍व दय्‌कल। इमि नापसं बेरेक्‍याहया काय् मशुल्‍लामं थःगु कोथाया न्‍ह्यःनेयागु ब्‍व दय्‌कल।

नहेम्‍याह 3:4

मेगु ब्‍व उरियाहया काय्, हक्‍कोसया छय् मरेमोतं दय्‌कल। बेरेक्‍याहया काय्, मशेजेबेलया छय् मशुल्‍लामं वयाः नापसं च्‍वंगु ब्‍व दय्‌कल। वया नापसं च्‍वंगु ब्‍व बानाया काय् सादोकं दय्‌कल।

नहेम्‍याह 6:17

उबलय् नं यहूदायापिं भारदारतय्‌सं तोबियाथाय् यक्‍व पौ छ्वयाच्‍वंगु जुल, अले तोबियाया लिसः नं इमिथाय् वयाच्‍वंगु जुल।

नहेम्‍याह 6:19

मनूतय्‌सं जिगु न्‍ह्यःने तोबियायात तःधंकीगु अले जिं धयागु खँ नं वयात न्‍यंकीगु। तोबियां जितः ख्‍यायेत पौ छ्वयाहया च्‍वनीगु।

नहेम्‍याह 7:10

आराया सन्‍तान ६५२ म्‍ह