नहेम्‍याह 6:17 - नेवाः बाइबल

¹⁷ उबलय् नं यहूदायापिं भारदारतय्‌सं तोबियाथाय् यक्‍व पौ छ्वयाच्‍वंगु जुल, अले तोबियाया लिसः नं इमिथाय् वयाच्‍वंगु जुल।

नहेम्‍याह 6:17 ပူးပေါင်းရင်းမြစ်များ

नहेम्‍याह 13:28

दकलय् तःधंम्‍ह पुजाहारी एल्‍यासीबया काय् योयादाया छम्‍ह काय् होरोनी सन्‍बलतया जिलाजं खः, उकिं जिं वयात जिथासं तापाक्‍क लिना छ्वया।

नहेम्‍याह 13:4

थ्‍व जुइ न्‍ह्यः, जिमि परमेश्‍वरया देगःया धुकू स्‍वइम्‍ह पुजाहारी एल्‍यासीबयागु तोबियालिसें यक्‍व हे बांलाःगु स्‍वापु दुगु जुयाच्‍वन।

नहेम्‍याह 3:5

मेगु ब्‍व तकोयापिं मनूतय्‌सं दय्‌कल। इमि घरानिया मनूतय्‌सं धाःसा थःपिन्‍त नायःतय्‌सं ब्‍वःगु थाकुगु ज्‍या यायेत म्‍हाः धाल।

नहेम्‍याह 5:7

जिं छुं यायेगु क्‍वःछिना अले जिं भारदारत व हाकिमतय्‌त द्वपं बिया। जिं इमित धया, “छिमिसं थः यहूदी दाजुकिजापिन्‍के हे अप्‍वः ब्‍याज कयाच्‍वंगु दु।” थ्‍व समस्‍याया बारे सहलह यायेत जिं सकसितं छगू सभाय् मुंका।

नहेम्‍याह 6:16

जिमि शत्रुतय्‌सं थ्‍व खँ न्‍यंबलय् अले जःखः च्‍वंपिं फुक्‍क मेगु जातियापिन्‍सं थ्‍व खंबलय् इपिं तसकं लज्‍या चाल। अले थ्‍व ज्‍या जिमि परमेश्‍वरया ग्‍वाहालिं पूवंगु खः धकाः इमिसं सिल।

नहेम्‍याह 6:18

यहूदायापिं यक्‍व मनूतय्‌सं वयात ग्‍वाहालि बी धकाः पाफःगु जुयाच्‍वन। छाय्‌धाःसा तोबियाया ससःअबु आराया काय् शकन्‍याह यहूदी खः। अले वया काय् यहोहानानं बेरेक्‍याहया काय् मशुल्‍लामया म्‍ह्याय्‌लिसें ब्‍याहा याःगु खः।