नहेम्‍याह 6:13 - नेवाः बाइबल

¹³ शमायाहं जितः ख्‍यानाः पाप याकेत अले बेइज्‍जत यायेत धिबा काःगु खः।

नहेम्‍याह 6:13 ပူးပေါင်းရင်းမြစ်များ

नहेम्‍याह 6:12

हानं जिं थ्‍व खँय् बिचाः याना, शमायाहलिसें परमेश्‍वर न्‍ववानादीगु मखु, अय्‌नं तोबिया व सन्‍बलतं धिबा नकाः वयात अथे धाय्‌कूगु खः धकाः जिं सिल।

नहेम्‍याह 6:6

उकी थथे च्‍वयातःगु दु, “छ व यहूदीतय्‌सं विद्रोह यायेगु ग्‍वःसा ग्‍वयाच्‍वंगु दु, उकिं छिमिसं पखाः दय्‌काच्‍वंगु दु धयागु खँ जाति जातितय्‌थाय् हल्‍ला जुयाच्‍वंगु दु धकाः गेशेमं जितः धाःगु दु। छ थः हे इमि जुजु जुइत्‍यंगु दु धकाः मनूतय्‌सं नं धयाच्‍वंगु दु।

हितोपदेश 22:1

धनसम्‍पत्ति स्‍वयाः नां ल्‍ययेगु बांलाः, लुँ वहः दइगु स्‍वयाः हनाबना तय्‌काः च्‍वनेगु बांलाः।

हितोपदेश 29:5

थः पासापिन्‍त फुरफुरे याना जुइपिन्‍सं थःम्‍हं थःत जाः ग्‍वइ।

उपदेशक 7:1

भिंगु नां तसकं नस्‍वाःगु अत्तर स्‍वयाः भिं, अले सीगु दिं बूगु दिं स्‍वयाः नं बांलाः।

यशैया 51:7

“सुनां धार्मिकता स्‍यू जिगु खँ न्‍यँ, अले सुयागु नुगलय् जिं स्‍यनातयागु खँ दु, मनूतय्‌सं दोष बी धकाः ग्‍याये मते, अले इमिसं क्‍वह्यंकी धकाः नं ग्‍याये मते।

यशैया 57:11

“छिमिसं सुयागु भय कयाः जितः मखुगु खँ ल्‍हानागु? अले छाय् छिमिसं जितः लुममंकागु व जितः नुगलय् मतयागु? छु जि यक्‍व ई तक सुम्‍क च्‍वनागुलिं छिमिसं जिगु भय मकयागु ला?

यर्मिया 1:17

“यर्मिया तयार जु! जिं छन्‍त उजं बियागु फुक्‍क खँ वनाः इमित धयाब्‍यु। आः इपिं खनाः ग्‍याये मते! मखुसा जिं छन्‍त इमिगु न्‍ह्यःने ग्‍याये माय्‌काबी।

यर्मिया 18:18

अले इमिसं धाल, “वा! झीसं यर्मियाया विरोधय् ग्‍वसाः ग्‍वयेनु। झीत स्‍यनीपिं पुजाहारी, सल्‍लाह बीपिं बुद्धि दुपिं मनूत व पमेश्‍वरया वचन न्‍यंकीपिं अगमवक्तात कम जुइ मखु। झीसं थःगु वचनं यर्मियायात हमला यायेनु अले वं धाःगु छुं नं खँय् ध्‍यान बी मते।”

यर्मिया 20:10

यक्‍वसिनं खुसखुस खँ ल्‍हाःगु जिं न्‍यनागु दु, “प्‍यखें भय हे भय दु, उकिया बारे खबर बीनु, खः, उकिया बारे खबर बीनु!” जिमि फुक्‍क पासापिन्‍सं थथे धयाः जिगु पतन पियाच्‍वंगु दु, “सके वं धोखा नइ ला? अले झीसं वयात त्‍याकाः वयाके बदला काये फइ।”

इजकिएल 2:6

“अय् सीमानिम्‍ह मनू, इपिं खनाः ग्‍याये मते अले इमिगु खँ न्‍यनाः ग्‍याये मते! छंगु प्‍यखें कंमा व कं दुसां वा बिच्‍छितय्‌गु दथुइ च्‍वनेमाःसां छ ग्‍याये मते! इमिसं न्‍ह्यागु धाःसां छ ग्‍याये मते! खः ला, इपिं विद्रोही सन्‍तान खः।

मत्ती 10:28

“म्‍ह जक स्‍याये फुपिं, आत्‍मा स्‍याये मफुपिंलिसे छिपिं ग्‍याये मते। बरु छिमिगु म्‍ह व आत्‍मा नितांयात नरकय् छ्वयादी फुम्‍हलिसे जक ग्‍याना च्‍वँ।

मत्ती 22:15

फरिसीतय्‌सं वनाः येशूयात वय्‌कःया खँय् हे ज्‍वनेगु ग्‍वसाः ग्‍वल।

मत्ती 26:59

तःधंपिं पुजाहारीतय्‌सं व अन वयाच्‍वंपिं फुक्‍कसिनं जानाः वय्‌कःयात स्‍यायेत मखुगु मखुगु द्वपं बीत स्‍वल।

प्रेरित 6:13

इमिसं अन नं मनूतय्‌त ग्‍वाकाः थथे धकाः मखुगु खँ धाय्‌कल – “थ्‍व मनुखं न्‍ह्याबलें झीगु देगः व व्‍यवस्‍थायात निन्‍दा यानाः जक नवाइगु।

२ कोरिन्‍थी 11:12

जिमिसं याना थें याना धकाः फुइँ याना जूपिं मेपिं प्रेरितय्‌त पनेत जिं थथे याना हे च्‍वने।

१ तिमोथी 5:14

अय्‌जूगुलिं भाःत मदय्‌ धुंकूपिं ल्‍यासेपिं मिसातय्‌सं ब्‍याहा यायेगु हे भिं जू। थुपिं मचाखाचा दय्‌काः छेँ बांलाक कःघाना च्‍वनीपिं जुइमाः। अथे जूसा झी शत्रुतय्‌सं नं धायेथाय् दइ मखु।

२ तिमोथी 1:7

परमेश्‍वरं झीत भयया आत्‍मा मखु, बरु झीत शक्ति, माया व थःत कःघाये फइगु आत्‍मा बियादीगु दु।

तीतस 2:8

सुनानं छुं धाये मफय्‌क नवा। अथे जूसा विरोधीतय्‌सं नं छुं धाये मफयाः थः हे लज्‍या चाये माली।

याकूब 4:17

अय्‌जूगुलिं सीक सीकं नं भिंगु ज्‍याखँ मयाइम्‍ह मनूयात पाप लाइ।

प्रकाश 21:8

“भुस्‍याःत, विश्‍वास त्‍वःतूपिं, घच्‍चायापुगु ज्‍या याइपिं, मनू स्‍याइपिं, व्‍यभिचार याइपिं, धामी झाँक्री ज्‍या याइपिं, मूर्ति पुजा याइपिं व मखुगु खँ ल्‍हाइपिं फुक्‍कसितं गन्‍धकयागु मि गालय् वांछ्वइ। निकः सीगु धाःगु थ्‍व हे खः।”