नहेम्‍याह 6:11 - नेवाः बाइबल

¹¹ अय्‌नं जिं शमायाहयात धया, “जि थें ज्‍याःम्‍ह मनू बिस्‍युं वनेगु ला? छु जि थें ज्‍याःम्‍ह मनू बचय् जुइत देगलय् वनेगु ला? जि वने मखु।”

नहेम्‍याह 6:11 ပူးပေါင်းရင်းမြစ်များ

नहेम्‍याह 6:12

हानं जिं थ्‍व खँय् बिचाः याना, शमायाहलिसें परमेश्‍वर न्‍ववानादीगु मखु, अय्‌नं तोबिया व सन्‍बलतं धिबा नकाः वयात अथे धाय्‌कूगु खः धकाः जिं सिल।

नहेम्‍याह 6:3

उकिं जिं थथे धायेत दूतत छ्वयाः, “थुबलय् जिगु ल्‍हातय् छगू तःधंगु ज्‍या दु, व ज्‍या त्‍वःताः जि वयेमफु। थनयागु ज्‍या दिकाः जि छिमित नापलाः वयेमफु।”

नहेम्‍याह 6:9

जिपिं कमजोर जुइमा अले जिमिगु ज्‍या गुबलें सिमधय्‌मा धइगु बिचाः यानाः इमिसं ज्‍या दिकेत जिमित ख्‍यायेत स्‍वइगु। जिं प्रार्थना याना, “हे परमेश्‍वर, जिमिगु ल्‍हाः बल्‍लाकादिसँ।”

भजनसंग्रहया सफू 112:6

धर्मी मनू गुबलें लिचिले माली मखु, वयागु लुमन्‍ति न्‍ह्याबलें दयाच्‍वनी।

भजनसंग्रहया सफू 112:8

वयागु नुगः क्‍वातु, उकिं व ग्‍याइ मखु, वं थः शत्रुत बूगु खनी।

हितोपदेश 28:1

सुनानं लिना महःसां दुष्‍ट मनूत बिस्‍युं बिस्‍युं जुइ, धर्मी मनूत धाःसा सिंह थें मग्‍यासे च्‍वनी।

उपदेशक 10:1

गथे सीम्‍ह भुजिंनं नस्‍वाःगु अत्तरयात नवय्‌का बी, अथे हे चिचाधंगु मूर्ख ज्‍यां बुद्धि व हनाबनायात ज्‍यालगय् मजुइकाबी।

यशैया 10:18

जंगलयागु गौरव परमप्रभुं भस्‍म यानादी, अले इमिगु बांलाक अन्‍न सइगु बुँत दक्‍व भस्‍म यानादी, गथे तच्‍वःगु ल्‍वचं म्‍हंमफया च्‍वंम्‍ह मनूयात स्‍याइ।

गन्‍ती 3:10

छं हारून व वया काय्‌पिन्‍त पुजाहारी जुयाः सेवा यायेत ति। वने मत्‍यःपिं सुनानं नापलायेगु पालया सतिक वनेत स्‍वल धाःसा वयात स्‍यायेमाः।”

प्रेरित 20:24

न्‍ह्याथे हे जूसां जिं जिगु च्‍यूताः तये मखु, अले परमेश्‍वरं यानादीगु दया मायायागु भिंगु खँ न्‍यंका जुयाः प्रभु येशूं बियादीगु ज्‍या जक पूवंके दःसा गाः।”

प्रेरित 21:13

पावलं धाःसा थथे लिसः बिल – “छिकपिन्‍सं थथे ख्‍वयाः हालाः जिगु मन क्‍वतुंकेत स्‍वयां छु याये? प्रभु येशूयागु नामय् ज्‍वनाः चिकेत जक छु सीत तकं लिचिले मखु।”

प्रेरित 8:1

थथे स्‍तिफनसयात स्‍याःगुलिइ शाऊलयागु नं ल्‍हाः दु। अबलय् हे यरूशलेमय् च्‍वंपिं विश्‍वासीतय्‌त फयां फये मफय्‌क दुःख जूवल। थथे दुःख जूगुलिं फये मफयाः फुक्‍क विश्‍वासीत यहूदिया व सामरिया न्‍यंक उखेंथुखें छ्यालब्‍याल जुयाः वन। प्रेरितत धाःसा गनं मवँसे यरूशलेमय् हे च्‍वनाच्‍वन।

फिलिप्‍पी 2:17

छिमिगु विश्‍वासयागु बलिदान व सेवाय् थःगु हि तकं हाय्‌के माःसां जि लय्‌ताः। अले जि छिपिंनापं लय्‌ताये।

फिलिप्‍पी 2:30

ख्रीष्‍टयागु ज्‍याया निंतिं जितः ग्‍वाहालि बीत वं थःगु ज्‍यान तकं पात। छिमिसं जिगु निंतिं पूवंके मफुगु ज्‍या वं पूवंकल।

हिब्रू 11:27

विश्‍वासं हे जुजुयागु तं खनाः मग्‍यासे मोशां मिश्र देश त्‍वःतावन। अले खने मदुम्‍ह परमेश्‍वरयात खं थें च्‍वंक नुगः क्‍वात्तुकाच्‍वन।

१ शमूएल 19:5

व पलिश्‍तीयात स्‍याःबलय् वं थःगु ज्‍यान तकं पात। परमप्रभुं इस्राएलीतय्‌त तःधंगु विजय बियादिल, अले छि व खनाः लय्‌तायादीगु खः। छम्‍ह छुं दोष मदुम्‍ह मनूयात छिं छाय् मभिं याये त्‍यनागु, छाय् छुं कारण हे मदय्‌क दाऊदयात स्‍याये त्‍यनागु?”