नहेम्‍याह 5:9 - नेवाः बाइबल

⁹ जिं हाकनं धया, “छिमिसं खःगु ज्‍या यानाच्‍वंगु मदु। मेगु जातियापिं झी शत्रुतय्‌सं हेबाय् चबाय् मयायेमा धकाः छिपिं झी परमेश्‍वरया भय कयाः च्‍वने म्‍वा ला?

नहेम्‍याह 5:9 ပူးပေါင်းရင်းမြစ်များ

उत्‍पत्ति 20:11

अब्राहामं धाल, “जिगु मतिइ थन च्‍वंपिन्‍सं परमेश्‍वरयात मानय् याइ मखु। अले जिमि कलाःयात यंकेत जितः स्‍याइ धकाः जिं थथे यानागु खः।

उत्‍पत्ति 42:18

स्‍वन्‍हु दुखुन्‍हु वं इमित धाल, “जि परमेश्‍वरलिसे ग्‍याइम्‍ह मनू खः। छिमिसं थथे यात धाःसा छिपिं बचय् जुइ फइ।

२ शमूएल 12:14

तर थ्‍व ज्‍या यानाः छिं परमप्रभुया शत्रुतय्‌त हेस्‍यायेगु मौका ब्‍यूगु दु, अथे जुयाः छिपाखें दुम्‍ह काय् सी।”

नहेम्‍याह 4:4

अले जिं प्रार्थना याना, “हे जिमि परमेश्‍वर, जिमिगु प्रार्थना न्‍यनादिसँ! छाय्‌धाःसा इमिसं जिमित हेपय् यानाच्‍वंगु दु। इमिगु हेबाय् चबाय् इमिगु हे छेनय् लायेमा। अले इपिं मेगु देशय् कैदी जुयाः वनेमालेमा।

नहेम्‍याह 5:10

जि व जिमि किजापिन्‍सं अले जिगु अधीनय् दुपिं मनूतय्‌सं नं इमित धिबा व अन्‍न त्‍यासा बियाच्‍वनागु दु। झीसं ब्‍याज कायेगु त्‍वःताबी हे माः।

नहेम्‍याह 5:15

अय्‌नं जि स्‍वयाः न्‍हापायापिं राज्‍यपालतय्‌सं मनूतय्‌त क्‍वत्‍यलातःगु खः। अले इमिके मरि, दाखमद्य, अले थुपिंनापं पिइगू शेकेल वहः काइगु। इमि च्‍यःतय्‌सं नं मनूतय्‌त अत्‍याचार याःगु खः। अय्‌नं जिं थथे मयाना, छाय्‌धाःसा जि परमेश्‍वर खनाः ग्‍याः।

भजनसंग्रहया सफू 90:11

छिगु तंया शक्ति सुनां सीके फु? छिगु तं नं छिगु भय कायेगु ति हे तःधं धकाः सुनां स्‍यू?

हितोपदेश 16:29

ल्‍वापुखिचा मनूतय्‌सं थः पासापिन्‍त ह्यय्‌काः मखुगु लँय् यंकी।

हितोपदेश 17:26

भिंपिन्‍त दण्‍ड बीगु व बांलाःगु ज्‍या याःपिन्‍त सजाँय बीगु पाय्‌छि मजू।

हितोपदेश 18:5

दोषीया पंलिनाः निर्दोषम्‍हय्‌सित द्वपं बियेगु पाय्‌छि मजू।

हितोपदेश 19:2

ज्ञान मदय्‌क जोश जक दयां मगाः, हथासं याःगु ज्‍या स्‍यनी।

हितोपदेश 24:23

बुद्धि दुपिनिगु निंतिं मेमेगु खँ नं दनि, न्‍याय यायेबलय् पक्षपात यायेगु बांमलाः।

इजकिएल 36:20

इपिं उपिं जातितय्‌गु दथुइ वंबलय् इमिसं जिगु पवित्र नांयात अपवित्र यात, छाय्‌धाःसा मनूतय्‌सं इमिगु बारे थथे धयाहल, ‘थुपिं परमप्रभुया मनूत खः, अथे जूसा नं थुमिसं वय्‌कःया देश त्‍वःते माल।’

लेवी 25:36

इमित त्‍यासा ब्‍यूसां उकिया ब्‍याज काये मते। छिमिसं थः परमेश्‍वरया ग्‍याःभय का। अले थः इस्राएली दाजुकिजापिन्‍त थःनापं ति।

प्रेरित 9:31

थथे यहूदिया, गालील व सामरियाय् च्‍वंगु मण्‍डलीइ सुख शान्‍ति जुल। प्रभुयात हनेगु व वय्‌कःयागु खँ न्‍यनिगुलिं यानाः पवित्र आत्‍मायागु ग्‍वाहालि दयाः मण्‍डली च्‍वन्‍ह्याना वल, अले विश्‍वासीत नं यक्‍व दयावल।

रोमी 2:24

धर्मशास्‍त्रय् नं थ्‍व खँ थथे च्‍वयातःगु दु – “छिपिं थें ज्‍याःपिं मनूतय्‌सं यानाः हे खः, यहूदीमखुपिन्‍सं परमेश्‍वरयागु नां बांमलाकूगु।”

१ तिमोथी 5:14

अय्‌जूगुलिं भाःत मदय्‌ धुंकूपिं ल्‍यासेपिं मिसातय्‌सं ब्‍याहा यायेगु हे भिं जू। थुपिं मचाखाचा दय्‌काः छेँ बांलाक कःघाना च्‍वनीपिं जुइमाः। अथे जूसा झी शत्रुतय्‌सं नं धायेथाय् दइ मखु।

तीतस 2:5

अले इमिसं इमित थःत कःघाना च्‍वनेगु, पवित्र जुयाच्‍वनेगु, छेँ बांलाक कःघाना च्‍वनेगु, दया यायेगु व भाःतं धाःथें च्‍वनेगु खँ स्‍यनेकने याइ। थथे जूसा सुनानं परमेश्‍वरयागु वचनयात क्‍वह्यंकाः खँ ल्‍हाये फइ मखु।

१ पत्रुस 2:12

परमेश्‍वरयात म्‍हमस्‍यूपिं मनूतय्‌गु न्‍ह्यःने छिमिसं थःगु चालचलन बांलाका जु। छिमित आः मभिंका जूसां ख्रीष्‍ट येशू झायाः न्‍याय यानादीबलय् छिमिसं याःगु भिंगु ज्‍याखँ इमिसं सीकी, अले परमेश्‍वरयात तःधंकी।

१ शमूएल 2:24

थथे याये मज्‍यू जिमि काय्‌पिं! परमप्रभुया मनूतय्‌सं छिमिगु बारे धाःगु खँ तसकं बांमलाः।