नहेम्‍याह 5:5 - नेवाः बाइबल

⁵ मेपिं यहूदीत थें जिपिं नं यहूदीत खः। जिमि काय्‌म्‍ह्याय्‌पिं इमि काय्‌म्‍ह्याय्‌पिं थें च्‍वँ। अय्‌नं जिमिसं थःकाय् म्‍ह्याय्‌पिन्‍त दास दय्‌काः च्‍वनागु दु। गुलिंसिया म्‍ह्याय्‌पिं ला न्‍हापा हे दासी जुइ धुंकूगु दु। अय्‌नं जिमिसं छुं नं याये मफु, छाय्‌धाःसा जिमिगु बुँ व दाखक्‍यब मेपिनिगु जुइ धुंकूगु दु।”

नहेम्‍याह 5:5 ပူးပေါင်းရင်းမြစ်များ

उत्‍पत्ति 29:14

अले लाबानं धाल, “छ जिगु हे ला व हि खः।” याकूब वलिसे च्‍वंगु लच्‍छि दये धुंकाः छन्‍हु

उत्‍पत्ति 37:27

बरु वयात इश्‍माएलीतय्‌गु ल्‍हातिइ मियाछ्वये। वयात ल्‍हाः धाःसा मवाये। न्‍ह्यागु जूसां व झी किजा खः, झीगु हे ला हि खः।” फुक्‍कसिनं वयागु खँ न्‍यन।

२ राजा 4:1

अगमवक्तातय् पुचःयाम्‍ह छम्‍हय्‌सिया कलातं एलीशायात चिल्‍लाय् दनाः थथे धाल, “छिकपिनि दास जिमि भाःत सित। वय्‌कः परमप्रभुयात तसकं मानय् याइम्‍ह धकाः ला छिं सी हे स्‍यू। तर वय्‌कलं ध्‍यबा पुलेमाःम्‍ह छम्‍ह मनू जिमि निम्‍ह काय्‌पिन्‍त दास दय्‌केत काःवयाच्‍वंगु दु।”

हितोपदेश 22:7

चीमिपिं तःमिपिनि दास जुइ। त्‍यासा काःम्‍ह त्‍यासा ब्‍यूम्‍हय्‌सिया दास जुइ।

यशैया 50:1

परमप्रभुं थथे धयादी, “जिं छिमि मांयात पारपाचुकेगु पौ बियाः तापाक मछ्वया! अले जिं छन्‍त गुम्‍हं साहुया ल्‍हातय् ममिया! तर स्‍व, छिमिगु हे पापं यानाः छिपिं मियाछ्वःगु खः, अले छिमिगु हे मभिंगु ज्‍याया कारणं छिमि मांयात तापाक छ्वःगु खः।

यशैया 58:7

थःगु नसा नये मखंपिन्‍त इनाबीगु, अले छेँ मदुपिं मगाःमचाःपिन्‍त शरण बीगु व पचिनांगापिं खनाः लं फिकाबिगु अले थः थःथितिपिन्‍त ग्‍वाहालि बीगु, थ्‍व हे मखु ला?

मत्ती 18:25

व च्‍यःयाके त्‍यासा पुलेत धिबा मदुगुलिं जुजुं वयात थः कलाः, काय्‌म्‍ह्याय्‌पिं, दुगु सर्बय व थःत तकं मियाःसां त्‍यासा पुले हजि धकाः उजं बिल।