नहेम्‍याह 5:19 - नेवाः बाइबल

¹⁹ “हे जिमि परमेश्‍वर, जिं थ्‍व जातिया निंतिं यानागु फुक्‍क ज्‍या जिगु भिंया निंतिं लुमंका तयादिसँ।”

नहेम्‍याह 5:19 ပူးပေါင်းရင်းမြစ်များ

उत्‍पत्ति 40:14

छिगु भिं जुइ धुंकाः धाःसा छिं जितः लुमंकादिसँ। फारोयात जिगु खँ बिन्‍ति यानाः जितः थ्‍व झ्‍यालखानां पिकयादिसँ।

२ राजा 20:3

“हे परमप्रभु, जिं दुनुगलंनिसें छिगु विश्‍वासबहः जुयाः छिगु सेवा यानागु खँ लुमंकादिसँ। जिं छितः यःगु ज्‍या हे यानावयाच्‍वनागु दु।” अले हिजकिया ह्वाँय्‌ह्वाँय् ख्‍वल।

नहेम्‍याह 13:14

हे जिमि परमेश्‍वर, जिगु थ्‍व ज्‍या जिगु भिंया निंतिं लुमंका तयादिसँ। अले जिं जिमि परमेश्‍वरया देगःयागु व उकिया सेवाया निंतिं थुलि विश्‍वास बहःम्‍ह जुयाः छु यानागु दु उकियात हुयाछ्‌वयादी मते।

नहेम्‍याह 13:22

अले जिं लेवीतय्‌त थःत शुद्ध यायेत व शबाथयात पवित्र तयेत वनाः ध्‍वाखाय् पिवाः च्‍वनेत आज्ञा बिया। हे जिमि परमेश्‍वर, थ्‍व नं जिगु निंतिं लुमंका तयादिसँ। अले छिगु दया मायां जितः दया यानादिसँ।

नहेम्‍याह 13:31

हानं जिं सिँया देछा हयेगु व न्‍हापा सःगु अन्‍न हयेगु ई क्‍वःछिना बिया। हे जिमि परमेश्‍वर, जिगु भिंया निंतिं जितः लुमंकादिसँ।

भजनसंग्रहया सफू 106:4

हे परमप्रभु, थः मनूतय्‌त दया माया यानादीबलय् जितः लुमंकादिसँ। इमित उद्धार यानादीबलय् जितः नं ग्‍वाहालि यानादिसँ।

भजनसंग्रहया सफू 40:17

तर जि ला चीमिम्‍ह व छुं मदुम्‍ह मनू खः। हे परमप्रभु, छि जितः उद्धार याइम्‍ह व जिम्‍ह परमेश्‍वर खः। जितः ग्‍वाहालि यायेत याकनं झासँ।

यर्मिया 29:11

छाय्‌धाःसा जिं छिमिगु निंतिं गुगु योजना दय्‌कागु दु, व जिं स्‍यू,” परमप्रभुं धयादी। “व छिमिगु भिंया लागि खः, छिमित स्‍यंकेत मखु, छिमित बांलाःगु भविष्‍य व आशा बीत।

मत्ती 10:42

जिं छिमित खःगु खँ धाये – सुनानं जिमि चेला खः धकाः दकलय् चिधंम्‍ह मनूयात तकं छगू गिलास जक लः त्‍वंकूसां वं सिरपाः कायेखनी।”

मर्कूस 9:41

जिं छिमित धात्‍थें धाये – सुनानं ख्रीष्‍टया मनूत धकाः छिमित लः जक त्‍वंकूसां वयात इनाम दइ।”