नहेम्‍याह 5:17 - नेवाः बाइबल

¹⁷ न्‍ह्याबलें जिं थःनापं सछि व नेय्‌म्‍ह यहूदी व हाकिमतय्‌त नकेगु याना। इपिं त्‍वःताः जःखः च्‍वंगु देशं जितः नापलाः वइपिं मनूतय्‌त नं जिनापं हे नका।

नहेम्‍याह 5:17 ပူးပေါင်းရင်းမြစ်များ

२ शमूएल 9:13

अले मपीबोशेत यरूशलेमय् हे च्‍वनाच्‍वन, छाय्‌धाःसा न्‍ह्याबलें व जुजुया टेबिलय् च्‍वनाः जुजुनापं तुं नयेगु याइ। व निपा तुतिं खुत्‍यांम्‍ह खः।

२ शमूएल 9:7

दाऊदं धाल, “ग्‍याये मते। जिं छन्‍त छिमि अबु जोनाथनया कारणं दया याये। जिं छिमि बाज्‍या शाऊलया जग्‍गा छन्‍त लितबी। अले छ जिनापं न्‍ह्याबलें हे टेबिलय् च्‍वनाः नयेगु जुइ।”

१ राजा 18:19

आः छिं कर्मेल डाँडाय् जितः नापलायेत इस्राएलं फुक्‍क मनूतय्‌त सःतादिसँ। अले ईजेबेलया टेबिलय् च्‍वनानइपिं बालया प्‍यसः व नेय्‌म्‍ह (४५०) अगमवक्ता व अशेरामय्‌जुया प्‍यसःम्‍ह (४००) अगमवक्तातय्‌त नं ब्‍वनाहयादिसँ।”

१ राजा 5:3

“थःगु जःखः च्‍वंगु शत्रु देशतनापं जिमि अबु दाऊदं लडाइँ याना हे च्‍वनेमाल। उकिं परमप्रभुं वय्‌कःया शत्रुतय्‌त वय्‌कःया अधीनय् तया मदितले परमप्रभु थः परमेश्‍वरया नांया निंतिं वय्‌कलं देगः दय्‌कादी मफुगु खँ छिं सी हे स्‍यू।

नहेम्‍याह 5:16

उकिया पलेसा जिं पखाः दय्‌केगु ज्‍याय् तसकं मेहनत याना। जिमि सकलें मनूत अन मुन। जिमिसं इमिके छकुचा नं जमिन मकया।

यशैया 32:8

तर भिंपिं मनूतय्‌सं हनेबहःगु ज्‍यायागु योजना दय्‌की अले हनेबहःगु ज्‍या यानां तुं च्‍वनी।

रोमी 12:13

मगाःमचाःपिं दाजुकिजापिन्‍त ग्‍वाहालि या। छेँय् पाहां वःपिन्‍त दुनुगलंनिसें सेवा यायेगु या।