नहेम्‍याह 5:13 - नेवाः बाइबल

¹³ जिं थःगु वसःया गुजि दुथाय् थाथा यानाः धया, “थःगु बचं पूमवंकीपिं सकलें मनूतय्‌त परमेश्‍वरं इमिगु छेँ व धन सम्‍पत्तिं थुकथं हे थाथा यानाः लिकया दीमा।” थ्‍व जुइ धुंकाः सभाय् मूंपिं सकल मनूतय्‌सं धाल, “अथे हे जुइमा!” इमिसं परमप्रभुयात तःधंकल। अले मनूतय्‌सं थःगु थ्‍व बचंकथं ज्‍या यात।

नहेम्‍याह 5:13 ပူးပေါင်းရင်းမြစ်များ

२ राजा 23:3

जुजुं थांया लिक्‍क दनाः “जि परमप्रभुया ल्‍यू वने, वय्‌कःया आज्ञा, विधि व नियम तनमन बियाः पालन याये अले थ्‍व सफुलिइ च्‍वयातःगु खँ पूवंके धकाः बाचा चिल।” फुक्‍क मनूतय्‌सं नं थथे धकाः हे बाचा चिल।

१ इतिहास 16:36

परमप्रभु इस्राएलयाम्‍ह परमेश्‍वरया न्‍ह्याबलें प्रशंसा जुइमा। अले सकल मनूतय्‌सं धाल, “आमेन! परमप्रभुया प्रशंसा जुइमा।”

नहेम्‍याह 8:6

एज्रां परमप्रभु दकलय् तःधंम्‍ह परमेश्‍वयात प्रशंसा यात। अले सकल मनूतय्‌सं थथःगु ल्‍हाः ल्‍ह्वनाः थथे धकाः लिसः बिल, “आमेन, आमेन!” अले बँय् तक छ्यं क्‍वछुकाः इमिसं परमप्रभुयात आराधना यात।

भजनसंग्रहया सफू 119:106

छिगु धार्मिक विधि पालन याये धकाः जिं पाफयागु दु, अले उकियात जिं पक्‍का यानागु दु।

भजनसंग्रहया सफू 50:14

परमेश्‍वरयात सुभाय्‌या बलि छा, अले दकलय् तःधंम्‍हय्‌सिगु लागि थःगु भाकल पूवंकि!

भजनसंग्रहया सफू 76:11

छिमिसं छिमि परमप्रभु परमेश्‍वरया नामय् छु भाकल यानागु खः, व पूवंकि। वय्‌कःया प्‍यखेरं च्‍वंपिं सकसिनं भय काये बहःम्‍ह वय्‌कःयात देछा छायेत हति।

हितोपदेश 28:4

व्‍यवस्‍था मानय् मयाइपिन्‍सं दुष्‍टतय्‌त तःधंकी, तर व्‍यवस्‍था मानय् याइपिन्‍सं इमिगु विरोध याइ।

उपदेशक 5:5

भाकल यानाः नं पूमवंकेगु स्‍वयाः ला भाकल हे मयायेगु बांलाः।

गन्‍ती 5:22

थ्‍व लः छंगु प्‍वाथय् दुहां वनाः प्‍वाः मनावयेमा, अले छंगु गर्भ ध्‍वग्‍गिकादीमा।” “‘अले व मिसां “आमेन, थथे हे जुइमा” धायेमा।

मत्ती 10:14

गुगुं नं छेँय् अथवा शहरय् छिमित दुमकाःसा व छिमिगु खँ तकं मन्‍यंसा छिपिं अनं वनाछ्व। अनं वनेत छिमिसं थःगु पालिइ थाःगु धू तकं थाथा यानाः हुँ।

प्रेरित 13:51

अले इपिं थःगु लाकामय् च्‍वंगु धू थाथा यानाः आइकोनियनय् वन।

प्रेरित 18:6

यहूदीतय् नायःतय्‌सं वयात विरोध यानाः तसकं बेइज्‍जत यात। अले वं थःगु लनय् च्‍वंगु धू थाथा यानाः इमित थथे धाल – “छिकपिं नाश जुल धाःसा थुकिया दोष छिकपिन्‍त हे लाइ, जितः लाइ मखु। आवंलि यहूदीमखुपिन्‍थाय् वनाः न्‍यंके।”

१ कोरिन्‍थी 14:16

परमेश्‍वरयात सुभाय् बीत छंगु आत्‍मां जक प्रार्थना याःसा मेपिं न्‍यना च्‍वंपिन्‍सं मथुइकं गथे यानाः “आमेन” धकाः धायेगु?

१ शमूएल 15:28

शमूएलं वयात धाल, “थौं परमप्रभुं इस्राएलया राज्‍य छिगु ल्‍हातं लाकाः छि स्‍वयाः भिंम्‍ह मनूयात बियादीगु दु।