नहेम्‍याह 5:12 - नेवाः बाइबल

¹² इमिसं धाल, “जिमिसं लितबी, इमिके छुं काये मखुत। जिमिसं छिं धाःथें हे याये।” अले जिं पुजाहारीतय्‌त सःताः इमिगु न्‍ह्यःने भारदारत व हाकिमतय्‌त इमिगु थ्‍व बचंकथं ज्‍या यायेत पाफय्‌का।

नहेम्‍याह 5:12 ပူးပေါင်းရင်းမြစ်များ

एज्रा 10:12

अले सभाय् मूंपिं सकल मनूतय्‌सं तःसलं लिसः बिल, “छिं गथे धयादिल, जिमिसं अथे हे याये।

एज्रा 10:5

थथें हे एज्रां मू पुजाहारीत, लेवीत व सकल इस्राएलीतय्‌त शकन्‍याहं धाःथें ज्‍या याये धकाः पाफय्‌कल। अले इमिसं पाफल।

नहेम्‍याह 10:29

मिलय् जुयाः थथे धकाः पाफल, परमेश्‍वरया दास मोशापाखें बियादीगु परमेश्‍वरया व्‍यवस्‍थाकथं जुये अले इपिं परमप्रभुयागु फुक्‍क आज्ञा, बिधि व नियम बांलाक मानय् याये।

नहेम्‍याह 10:30

“जिमिसं थःम्‍ह्याय्‌पिं मेगु जातियापिं मनूतलिसें ब्‍याहा यानाबी मखु अथवा जिमि काय्‌पिनिगु लागि इमि म्‍ह्याय्‌पिं हये नं मखु।

नहेम्‍याह 10:31

“उपिं मेगु जातियापिन्‍सं शबाथ खुन्‍हु वा मेगु पवित्र न्‍हिखुन्‍हु मी हःगु अन्‍न वा मेगु सामान जिमिसं न्‍याये मखु। न्‍हय्‌गूगु दँ पतिकं जिमिसं बुँइ अन्‍न पी मखु अले फुक्‍क त्‍यासा त्‍वःताबी।

नहेम्‍याह 13:25

जिं इमित हक्‍काः सराः बिया, जिं छुं मनूतय्‌त दायाः अले इमिगु सँ पुया। अले जिं इमित जिपिं व जिमि काय् म्‍ह्याय्‌पिन्‍सं आवंलि गुबलय् नं मेगु जातिलिसे ब्‍याहा याये मखु धकाः परमेश्‍वरया नामय् पाफय्‌का।

नहेम्‍याह 5:11

थौं हे इमिगु बुँ, दाखक्‍यब व जैतूनया क्‍यब व छेँ इमित लितब्‍यु। छिमिसं इमित धिबा, अन्‍न, न्‍हूगु दाखमद्य, चिकं त्‍यासा ब्‍यूबलय् इमिके काःगु ब्‍याज नं लितब्‍यु।”

मत्ती 26:63

वय्‌कलं छुं हे धयामदी। अले दकलय् तःधंम्‍ह पुजाहारीं हानं धाल – “म्‍वाःम्‍ह परमेश्‍वरयागु नामं जिं छन्‍त धयाच्‍वना – छ परमेश्‍वरया काय्, मुक्ति बीम्‍ह ख्रीष्‍ट खः ला?”

लूका 19:8

जखायसं प्रभुयात धाल – “स्‍वयादिसँ प्रभु, जिं जिगु बच्‍छि सम्‍पत्ति नये मखंपिन्‍त इनाबी। अले जिं सुयागुं थगय् यानाः कयातयागु दुसा, वयात प्‍यदुगं अप्‍वः तनाबी।”