नहेम्‍याह 4:21 - नेवाः बाइबल

²¹ थुकथं जिमिसं जिमिगु ज्‍या याना हे च्‍वना। सुथंनिसें नगु पिहां वइबलय् तक बच्‍छि मनूतय्‌सं भाला ज्‍वना हे च्‍वनीगु।

नहेम्‍याह 4:21 ပူးပေါင်းရင်းမြစ်များ

नहेम्‍याह 4:20

तुरहीया सः तायेवं छिपिं जिगु छचाःखेरं मुं वा। अले झी परमेश्‍वरं झीगु निंतिं ल्‍वानादी।”

नहेम्‍याह 4:22

उबलय् जिं थथे धया, “छिपिं सकलें थः च्‍यःतनापं चान्‍हय् यरूशलेम दुने हे च्‍वनेमाः। अथे यात धाःसा मनूतय्‌सं चान्‍हय् पाः च्‍वनेगु ज्‍या याये फइ अले न्‍हिनय् दय्‌केगु ज्‍या याये फइ।”

१ कोरिन्‍थी 15:10

अथेसां परमेश्‍वरं जितः दया माया यानादीगुलिं जि थथे जुइ खन। वय्‌कलं जितः दया माया यानादीगु नं ला जिं सितिं मछ्वया। फुक्‍क प्रेरिततय्‌सं स्‍वयाः नं जिं यक्‍व दुःख सियाः ज्‍या यानाच्‍वनागु दु। जिं हे जक ला थथे ज्‍या यानाच्‍वनागु मखु, बरु जितः ज्‍या याकातःगु ला परमेश्‍वरयागु दया मायां खः।

१ कोरिन्‍थी 15:58

अय्‌जूगुलिं यःपिं दाजुकिजापिं, क्‍वात्तुक विश्‍वास या, अले मन थातय् लाकाः च्‍वँ। प्रभुयागु ज्‍या याना हे च्‍वँ। थथे छिमिसं याःगु ज्‍या सितिं वनी मखु धकाः ला छिमिसं सि हे स्‍यू।

गलाती 6:9

अय्‌जूगुलिं भिंगु ज्‍या यायेत थाकु चाये मते। थाकु मचासे ज्‍या यानाच्‍वन धाःसा छन्‍हु झीत परमेश्‍वरं सिरपाः बियादी।

कलस्‍सी 1:29

ख्रीष्‍ट येशूं बियादीगु तःधंगु शक्तिं हे जिं थथे दुःख सियाः थ्‍व ज्‍या यानाच्‍वना।