नहेम्‍याह 4:14 - नेवाः बाइबल

¹⁴ अले जिं अनयागु फुक्‍क अवस्‍था स्‍वये धुंकाः भारदारत, हाकिमत व सकलें मनूतय्‌त थथे धया, “इपिं खनाः ग्‍याये मते। तःधंम्‍ह व मानय् यायेमाःम्‍ह प्रभुयात लुमंकि। अले थः दाजुकिजापिं, काय्‌म्‍ह्याय्‌पिं, कलाः व छेँया निंतिं लडाइँ या।”

नहेम्‍याह 4:14 ပူးပေါင်းရင်းမြစ်များ

२ शमूएल 10:12

बल्‍ला व साहसी जु! अले थःगु जाति व झी परमेश्‍वरया शहरतय्‌गु निंतिं मग्‍यासें लडाइँ यायेनु। अले परमप्रभुयात छु याये यः वय्‌कलं व हे यानादी।”

२ इतिहास 32:7

“साहस पिका अले थःत बल्‍लाकि। अश्‍शूरया जुजु व वनापं वइपिं ग्‍वाः ग्‍वाः मनूत खनाः ग्‍याये मते, नुगः क्‍वतुंके मते इमिगुपाखे स्‍वयाः झीगुपाखे यक्‍व शक्ति दु।

नहेम्‍याह 1:5

“हे परमप्रभु स्‍वर्गयाम्‍ह परमेश्‍वर, तःधंम्‍ह व मानय् यायेमाःम्‍ह! छि थःगु खँ न्‍यनीपिं व थःत माया याइपिं मनूतलिसें दयामायाया बाचा पूवंकादीम्‍ह खः।

अय्‍यूब 37:22

उत्तरपाखें लुँ रंग वःगु जः थें परमेश्‍वर झाइ। वय्‌कःया महिमां झीत वय्‌कःया भय काय्‌के बी।

भजनसंग्रहया सफू 143:5

अले जिं वने धुंकूगु खँ लुमंके। जिं छिगु ज्‍याया बारे ध्‍यान याये। अले छिगु ल्‍हातं याःगु ज्‍याया बारे बिचाः याये।

भजनसंग्रहया सफू 20:7

गुलिं मनूत थःगु रथया भलसाय् च्‍वनी, गुलिं मनूत थःगु सलया भलसाय् च्‍वनी, झी धाःसा परमप्रभु झी परमेश्‍वरया भलसाय् च्‍वने।

भजनसंग्रहया सफू 27:1

परमप्रभु जिगु जः व जितः मुक्ति बीम्‍ह खः। जि सु खनाः ग्‍यायेगु? परमप्रभु हे जिगु किल्‍ला खः। जि सुलिसे ग्‍यायेगु?

भजनसंग्रहया सफू 46:11

दक्‍व शक्ति दुम्‍ह परमप्रभु झीनापं दी, याकूबया परमेश्‍वर झीगु शरण कायेगु थाय् खः। सेला

भजनसंग्रहया सफू 65:5

हे जिमित उद्धार याइम्‍ह परमेश्‍वर, छिं जिमिगु प्रार्थनाया लिसः अजू चायापुगु ज्‍या यानाक्‍यनाः बियादी। पृथ्‍वीया कुंकुलामय् च्‍वंपिं मनूत व समुद्रया तापाक्‍क तापाक्‍क च्‍वंपिं मनूतय्‌सं नं छितः विश्‍वास याःगु दु।

भजनसंग्रहया सफू 66:3

परमेश्‍वरयात धा, “छिं यानादीगु ज्‍या गपाय्‌सकं अजू चायापु। छिगु शक्ति नं थुलि तःधं, शत्रुत छिगु न्‍ह्यःने ग्‍यानाः कय्‌कुनी।

भजनसंग्रहया सफू 66:5

परमेश्‍वरं छु यानादिल धकाः स्‍वः वा, वय्‌कलं मनूतय्‌थाय् गज्‍याः गज्‍याःगु अजू चायापुगु ज्‍या यानादिल।

प्रस्‍थान 14:14

परमप्रभु हे छिमिगु निंतिं ल्‍वानादी। छिपिं सुम्‍क जक च्‍वँ।”

प्रस्‍थान 14:25

इमिगु रथया घःचाः तुनाच्‍वन, उकिं इमित रथ सालेत थाकुल। अले मिश्रीतय्‌सं धाल, “थनं बिस्‍युं वनेनु, परमप्रभु इस्राएलीतय्‌गु पंलिनाः झीपिंलिसे ल्‍वानाच्‍वंगु दु।”

उपदेशक 12:1

दुःखया ई वये न्‍ह्यः, अले “थ्‍व ई वइगु जितः मयः” धकाः छं धाये न्‍ह्यः हे थःगु ल्‍याय्‌म्‍हया इलय् थःत दय्‌कादीम्‍हय्‌सित लुमंकेगु या!

दानिएल 11:32

बाचा त्‍वःतूपिन्‍त वं फुरफुरे यानाः स्‍यंकाबी। परमेश्‍वरयात मानय् याइपिन्‍सं धाःसा वयागु फुरफुरे याइगु खँ न्‍यनी मखु।

जकरिया 14:3

अनंलिपा लडाइँया इलय् थें परमप्रभु उपिं जातितलिसें लडाइँ यानादी।

गन्‍ती 14:9

उकिं छिपिं परमप्रभुया विरोधय् विद्रोह याये मते! अन च्‍वंपिं मनूतलिसे ग्‍याये मते, छाय्‌धाःसा इपिं झीगु शिकार खः। परमप्रभु झीपिं नाप दु, इमिके आः हाःनाः मदये धुंकल। इपिं खनाः ग्‍याये मते।”

मत्ती 10:28

“म्‍ह जक स्‍याये फुपिं, आत्‍मा स्‍याये मफुपिंलिसे छिपिं ग्‍याये मते। बरु छिमिगु म्‍ह व आत्‍मा नितांयात नरकय् छ्वयादी फुम्‍हलिसे जक ग्‍याना च्‍वँ।

व्‍यवस्‍था 1:21

स्‍व! परमप्रभु छिमि परमेश्‍वरं थ्‍व देश छिमित बियादीगु दु। अथे जुयाः वनाः थः पुर्खाया परमप्रभु परमेश्‍वरं धयादी थें उकियात अधिकार या। छिपिं ग्‍याये मते, नुगः क्‍वतुंके मते।”

व्‍यवस्‍था 10:17

परमप्रभु छिमि परमेश्‍वर हे ईश्‍वरतय्‌ परमेश्‍वर व प्रभुतय् नं प्रभु, अले दकलय् तःधंम्‍ह परमेश्‍वर खः। वय्‌कः ख्‍वाः स्‍वयाः ज्‍या यानामदीम्‍ह, घुस नयाःमदिम्‍ह, तःधंम्‍ह व भय कायेमाःम्‍ह परमेश्‍वर खः।

हिब्रू 13:6

अय्‌जूगुलिं झीसं संका मयासें धायेफु – “प्रभु जितः ग्‍वाहालि यानादीम्‍ह खः। जितः ग्‍याये माःगु मदु। मनूतय्‌सं जितः छुं हे याये फइ मखु।”

यहोशू 1:9

जिं छन्‍त आज्ञा बियागु, मखु ला? बल्‍ला व साहसी जु! ग्‍याये मते, नुगः क्‍वतुंके मते, छाय्‌धाःसा छ न्‍ह्याथाय् वंसां परमप्रभु छिमि परमेश्‍वर छनापं दइ।”

न्‍यायकर्ता 3:27

अले एफ्राइमया पहाडी देशय् थ्‍यनेधुंकाः वं तुरही पुल। अले इस्राएलीत पहाडं क्‍वहां वल। वं इमित न्‍ह्यः न्‍ह्यः तल।