नहेम्‍याह 4:10 - नेवाः बाइबल

¹⁰ छुं यहूदीतय्‌सं धाल, “ज्‍यामितय्‌गु बल कम जुयावनाच्‍वंगु दु, अले ल्‍वहँया कुचाकाचा यक्‍व दु। उकिं झीसं पखाः दय्‌के फइ मखु।”

नहेम्‍याह 4:10 ပူးပေါင်းရင်းမြစ်များ

२ इतिहास 2:18

अले सोलोमनं उपिं मध्‍ये न्‍हयेद्वःम्‍हय्‌सित (७०,०००) सामान क्‍वबिइत, चयद्वःम्‍हय्‌सित (८०,०००) डाँडां ल्‍वहँ चायेत व स्‍विखुसःम्‍हय्‌सित (३,६००) इमिगु ज्‍या स्‍वयेत ल्‍यल।

२ इतिहास 34:13

ज्‍यामित नं थुमिगु अधीनय् खः। थुमिसं हे फुक्‍क कथंया ज्‍या याइपिनिगु ज्‍या स्‍वइगु खः, गुलिं गुलिं लेवीतय्‌सं धाःसा छ्यान्‍जे, कसजु व लुखा पिवाःया ज्‍या याइगु।

नहेम्‍याह 4:11

जिमि शत्रुतय्‌सं नं धाल, “इमिसं सी न्‍ह्यः हे वा इमिसं झीत खने न्‍ह्यः हे झीसं हमला यानाः इमित स्‍यानाबी, अले थ्‍व ज्‍या दिकाबी।”

नहेम्‍याह 4:2

थःनापं ज्‍या याइपिं व सामरियाया सेना न्‍ह्यःने थथे धाल, “थुपिं बमलाःपिं यहूदीतय्‌सं छु यानाच्‍वंगु? छु थुमिसं थःगु पखाः हाकनं दय्‌कीगु ला? छु थुमिसं बां बीगु ला? छु थुमिसं थ्‍व ज्‍या छन्‍हुं हे सिधय्‌की ला? छु थुमिसं चाया द्वंयागु थुपिं मिं नःगु ल्‍वहँतय्‌त नं हाकनं न्‍हूगुकथं दय्‌कीगु ला?”

नहेम्‍याह 4:9

अय्‌नं जिमिसं थः परमेश्‍वरयात प्रार्थना याना। अले चान्‍हि इमिगु विरोधय् पिवाः च्‍वनेत मनूत तया।

इजकिएल 29:18

“अय् सीमानिम्‍ह मनू, बेबिलोनयाम्‍ह जुजु नबूकदनेसरं टुरोसयात घेरय् यायेत थः सेनायात थुलि थाकुगु ज्‍या याकल कि इमिगु छेनय् च्‍वंगु सँ हे हाया वन, फुक्‍कसिगु ब्‍वहयागु छेंगू च्‍वतुत, अय्‌नं थुलि दुःख याना नं जुजु व सेनां छुं नं काये मखन।

हाग्‍गै 1:2

दक्‍व शक्ति दुम्‍ह परमप्रभुं हाग्‍गैयात थथे धयादी, “थुमिसं परमप्रभुया देगः हाकनं दय्‌केगु ‘ई मत्‍यःनि धकाः धयाजुल।’ ”

गन्‍ती 13:31

तर व नापं वंपिं मनूतय्‌सं धाल, “झीसं उपिं मनूतय्‌त हमला याये फइ मखु। इपिं झीपिं स्‍वयाः बल्‍लाः।”

गन्‍ती 32:9

इमिसं एश्‍कोल धाःगु गालय् वनाः व थाय्‌यात स्‍वयाः परमप्रभुं बियादीगु व थासय् वनेत इस्राएलीतय्‌त लिचिकाब्‍यूगु खः।