नहेम्‍याह 3:5 - नेवाः बाइबल

⁵ मेगु ब्‍व तकोयापिं मनूतय्‌सं दय्‌कल। इमि घरानिया मनूतय्‌सं धाःसा थःपिन्‍त नायःतय्‌सं ब्‍वःगु थाकुगु ज्‍या यायेत म्‍हाः धाल।

नहेम्‍याह 3:5 ပူးပေါင်းရင်းမြစ်များ

२ शमूएल 14:2

अथे जुयाः वं तकोय् सुं छम्‍ह मनू छ्वयाः छम्‍ह बुद्धि दुम्‍ह मिसायात सःतके छ्वत। अले अन थ्‍यंकाः वं मिसायात धाल, “छं दुखं च्‍वनीम्‍ह मिसां थें पहः या। दुखं च्‍वनीबलय् फीगु वसः फ्‍यु। छेनय् चिकं तये मते, अले तःन्‍हु तक दुखं च्‍वंम्‍ह मिसा थें च्‍वंकी।

२ इतिहास 11:6

वं पखालं ग्‍वयाः बल्‍लाकूगु यहूदा व बेन्‍यामीनया शहरत थुपिं खः – बेथलेहेम, एताम, तको,

नहेम्‍याह 3:27

इमि नापसं, तकोयापिं मनूतय्‌सं मेगु ब्‍व दय्‌कूगु तःधंगु धरहरांनिसें ओफेलया पखाः तक दय्‌कल।

नहेम्‍याह 3:4

मेगु ब्‍व उरियाहया काय्, हक्‍कोसया छय् मरेमोतं दय्‌कल। बेरेक्‍याहया काय्, मशेजेबेलया छय् मशुल्‍लामं वयाः नापसं च्‍वंगु ब्‍व दय्‌कल। वया नापसं च्‍वंगु ब्‍व बानाया काय् सादोकं दय्‌कल।

नहेम्‍याह 3:6

येशना ध्‍वाखा पसेहया काय् योयादा व बसोदयाहया काय् मशुल्‍लामं दय्‌कल। इमिसं धलिं व लुखा तल अले लुखा तीत चुकू व खगः तल।

यर्मिया 27:12

यहूदाया जुजु सिदकियाहयात जिं थ्‍व फुक्‍क खँ नं धया। जिं धया, “बेबिलोनयाम्‍ह जुजुया जुवा थःगु ककुइ ति अले वयात व वया मनूतय्‌त सेवा या। अले छ म्‍वाइ।

यर्मिया 27:2

परमप्रभुं जितः थथे धयादिल, “छेंगूया खिपः व सिँया गजबारं छगू जुवा दय्‌कि, अले छंगु ककुइ ति।

यर्मिया 27:8

“‘“अय्‌नं छुं जाति वा देशं बेबिलोनयाम्‍ह जुजुया सेवा मयात धाःसा वा वया जुवाया क्‍वय् थःगु ककु मतल धाःसा जिं उगु जातियात वयागु ल्‍हातं नाश मयाःतले तरवार, अनिकाल व महामारीं सजाँय बी, जि, परमप्रभुं धाये।

यर्मिया 6:1

“हे बेन्‍यामीन कुलयापिं मनूत, बचय् जुइत बिस्‍युं हुँ! यरूशलेम शहरं बिस्‍युं हुँ! तको शहरय् तुरही पु! बेथहक्‍केरेमय् झण्‍डा धस्‍वाकि! छाय्‌धाःसा उत्तरपाखें विपत्ति व छगू तःधंगु नाश वयाच्‍वंगु दु।

आमोस 1:1

तकोय् च्‍वंपिं फैजवाःत मध्‍ये छम्‍ह आमोसया वचन। वं इस्राएलय् भुखाय् ब्‍वःगु निदँ न्‍ह्यः इस्राएलया बारे थ्‍व दर्शन खन। उबलय् उज्‍जियाह यहूदाया जुजु व येहोआशया काय् यारोबाम इस्राएलया जुजु खः।

मत्ती 11:29

जिगु जुवा छिमिसं क्‍वब्‍यु, अले जिके स्‍यना का, छाय्‌धाःसा जि स्‍वजाम्‍ह व क्‍वमिलुम्‍ह खः। अले छिमिसं दुनुगलंनिसें आराम कायेखनी।

प्रेरित 15:10

अय्‌सा झीसं व झी तापाःबाज्‍यापिन्‍सं क्‍वबी मफुगु कुयात चेलातय्‌त क्‍वबिकाः छाय् परमेश्‍वरयागु मन स्‍वयेगु?

१ कोरिन्‍थी 1:26

यःपिं दाजुकिजापिं, परमेश्‍वरं सःतादीबलय् छिपिं गज्‍याःपिं खः छकः लुमंका स्‍व। मनूतय्‌गु न्‍ह्यःने छिपिं गुम्‍हं गुम्‍हं जक बुद्धिमान, शक्ति दुपिं, अले तःधंपिं खः।

न्‍यायकर्ता 5:23

परमप्रभुया दूतं, ‘मेरोजयात सराः ब्‍यु’ धाल, ‘सराः ब्‍यु, वया मनूतय्‌त सराः ब्‍यु छाय्‌धाःसा इमिसं परमप्रभुयात भतिचा नं ग्‍वाहालि मब्‍यू, परमप्रभुयात बल्‍लाःपिंलिसें ल्‍वायेत ग्‍वाहालि मब्‍यू।’”