नहेम्‍याह 3:32 - नेवाः बाइबल

³² उगु कुन्‍चांया च्‍वय्‌या कोथांनिसें फै ध्‍वाखा तक लिपांगु ब्‍व लुँकःमित व बन्‍जातय्‌सं दय्‌कल।

नहेम्‍याह 3:32 ပူးပေါင်းရင်းမြစ်များ

नहेम्‍याह 12:39

अले एफ्राइम ध्‍वाखा, येशना ध्‍वाखा, न्‍या ध्‍वाखा, हननेलया धरहरा अले सछिम्‍हय्‌सिगु धरहरा जुयाः फै ध्‍वाखा तक वना। पिवाः च्‍वनीगु ध्‍वाखाय् इपिं दित।

नहेम्‍याह 3:1

शहरया पखाः थुकथं हानं दय्‌कल। दकलय् तःधंम्‍ह पुजाहारी एल्‍यासीब व मेपिं पुजाहारीतय्‌सं ज्‍या शुरु यानाः फै ध्‍वाखा हानं दय्‌कल। इमिसं उकियात देछाल अले उकिया लुखा थाय् थासय् तल। इमिसं सछिम्‍ह मनूयागु धरहरांनिसें कयाः हननेलया धरहरा तक हे दय्‌कल अले उकियात देछाल।

नहेम्‍याह 3:31

मल्‍कियाह धाःम्‍ह लुँकःमिं छगू ब्‍व दय्‌काः देगलय् सेवा याइपिं व बन्‍जातय्‌सं छ्यलिगु छेँ तक पःखाः थ्‍यंकल। थ्‍व छेँ पखाःया उत्तर पुर्बपाखे कुन्‍चाया च्‍वय् दय्‌कूगु क्‍वथाया न्‍ह्यःने देगःया मिफकद धाःगु ध्‍वाखाया लिक्‍क लाः।

नहेम्‍याह 3:8

लुँ कःमि हरयाहया काय् उज्‍जीएलं मेगु ब्‍व दय्‌कल। अत्तर दय्‌कीम्‍ह हनन्‍याहं व लिक्‍कसं च्‍वंगु ब्‍व दय्‌कल। वं यरूशलेमयागु तःब्‍यागु पखाः तक दय्‌कल।

यूहन्‍ना 5:2

यरूशलेमय् फै ध्‍वाखाया लिक्‍कसं न्‍याखेरं फः दुगु छगू पुखू दु। थ्‍व पुखूयात हिब्रू भाषां बेथेस्‍दा धाइ।