नहेम्‍याह 3:30 - नेवाः बाइबल

³⁰ वया नापसं, शेलेम्‍याहया काय् हनन्‍याह व सालापया खुम्‍हम्‍ह काय् हानूनं मेगु छगू ब्‍व दय्‌कल। इमि नापसं बेरेक्‍याहया काय् मशुल्‍लामं थःगु कोथाया न्‍ह्यःनेयागु ब्‍व दय्‌कल।

नहेम्‍याह 3:30 ပူးပေါင်းရင်းမြစ်များ

नहेम्‍याह 13:13

देगःया धुकू स्‍वयेत जिं पुजाहारी शेलेम्‍याह, व्‍यवस्‍थाया स्‍यनामि सादोक व लेवी पदायाहयात जिम्‍मा बिया। जक्‍कूरया काय् व मत्तन्‍याहया छय् हानानयात इमि ग्‍वाहालिमि ल्‍यया। छाय्‌धाःसा इमित विश्‍वास बहःपिं मानय् याइगु अले थः दाजुकिजापिनिगु दथुइ इनेगु इमिगु ज्‍या खः।

नहेम्‍याह 3:29

इमि नापसं इम्‍मेरया काय् सादोकं थःगु छेँया न्‍ह्यःनेया ब्‍व दय्‌कल। पुर्बयागु ध्‍वाखाय् पिवाः च्‍वनीम्‍ह शकन्‍याहया काय् शमायाहं वया लिक्‍कसं च्‍वंगु ब्‍व दय्‌कल।

नहेम्‍याह 3:31

मल्‍कियाह धाःम्‍ह लुँकःमिं छगू ब्‍व दय्‌काः देगलय् सेवा याइपिं व बन्‍जातय्‌सं छ्यलिगु छेँ तक पःखाः थ्‍यंकल। थ्‍व छेँ पखाःया उत्तर पुर्बपाखे कुन्‍चाया च्‍वय् दय्‌कूगु क्‍वथाया न्‍ह्यःने देगःया मिफकद धाःगु ध्‍वाखाया लिक्‍क लाः।

नहेम्‍याह 3:4

मेगु ब्‍व उरियाहया काय्, हक्‍कोसया छय् मरेमोतं दय्‌कल। बेरेक्‍याहया काय्, मशेजेबेलया छय् मशुल्‍लामं वयाः नापसं च्‍वंगु ब्‍व दय्‌कल। वया नापसं च्‍वंगु ब्‍व बानाया काय् सादोकं दय्‌कल।

नहेम्‍याह 6:18

यहूदायापिं यक्‍व मनूतय्‌सं वयात ग्‍वाहालि बी धकाः पाफःगु जुयाच्‍वन। छाय्‌धाःसा तोबियाया ससःअबु आराया काय् शकन्‍याह यहूदी खः। अले वया काय् यहोहानानं बेरेक्‍याहया काय् मशुल्‍लामया म्‍ह्याय्‌लिसें ब्‍याहा याःगु खः।