नहेम्‍याह 3:3 - नेवाः बाइबल

³ न्‍या ध्‍वाखा हस्‍सेनाया काय्‌पिन्‍सं दय्‌कल। इमिसं उकिया धलिं व लुखा थाय् थासय् तल अले लुखा तीत चुकू व खगः तल।

नहेम्‍याह 3:3 ပူးပေါင်းရင်းမြစ်များ

२ इतिहास 33:14

अनंलि मनश्‍शें दाऊदया शहरया पुर्बपाखे च्‍वंगु पिनेयागु पखाः अज्‍ज तःजाय्‌कल। गीहोन बुँगाःचाया दच्‍छिनंनिसें न्‍या ध्‍वाखा तक वं पःखाः अज्‍ज तःजाय्‌कल। ओफेल डाँडायात पखालं घेरय् यात। अले यहूदियाय् फुक्‍क पःखाः ग्‍वयातःगु शहरय् वं छम्‍ह छम्‍ह सेना नायःया अधीनय् छपुचः छपुचः सिपाइँत तल।

एज्रा 2:35

सेनाहयापिं मनूत ३,६३० म्‍ह

नहेम्‍याह 12:39

अले एफ्राइम ध्‍वाखा, येशना ध्‍वाखा, न्‍या ध्‍वाखा, हननेलया धरहरा अले सछिम्‍हय्‌सिगु धरहरा जुयाः फै ध्‍वाखा तक वना। पिवाः च्‍वनीगु ध्‍वाखाय् इपिं दित।

नहेम्‍याह 2:8

अले देगःया रक्षाया निंतिं दय्‌कूगु किल्‍लाया ध्‍वाखा दय्‌केत, शहरया पखाः दय्‌केत व जि च्‍वनेगु छेँ दय्‌केत माःगु सिँ बीत सरकारी गुँया पिवाः आसापया निंतिं नं उजं पौ बियादिसँ।” जिमि परमेश्‍वरया दया दुगु ल्‍हाः जिके दुगुलिं जिं फ्‍वनागु फुक्‍क खँ जुजुं बिल।

नहेम्‍याह 3:4

मेगु ब्‍व उरियाहया काय्, हक्‍कोसया छय् मरेमोतं दय्‌कल। बेरेक्‍याहया काय्, मशेजेबेलया छय् मशुल्‍लामं वयाः नापसं च्‍वंगु ब्‍व दय्‌कल। वया नापसं च्‍वंगु ब्‍व बानाया काय् सादोकं दय्‌कल।

नहेम्‍याह 3:6

येशना ध्‍वाखा पसेहया काय् योयादा व बसोदयाहया काय् मशुल्‍लामं दय्‌कल। इमिसं धलिं व लुखा तल अले लुखा तीत चुकू व खगः तल।

नहेम्‍याह 6:1

जिं पखाः दय्‌के धुंकूगु व उकी छगू नं खालि थाय् मदुगु खँ सन्‍बलत, तोबिया व अरबी गेशेम व जिमि मेपिं शत्रुतय्‌गु न्‍हाय्‌पनय् थ्‍यन। खः ला उबलय्‌ तक जिं ध्‍वाखातय् खापा धाःसा तयागु मदुनि।

नहेम्‍याह 7:1

पखाः दय्‌केगु ज्‍या सिधये धुंकाः जिं थाय् थासय् लुखा तया। अले देगलय् पिवाः च्‍वनीपिं मनूत, म्‍ये हालीपिं मनूत व लेवीत ल्‍यया।

नहेम्‍याह 7:38

सेनाहयापिं मनूत ३,९३० म्‍ह

भजनसंग्रहया सफू 147:13

छाय्‌धाःसा वय्‌कलं छंगु शहरया ध्‍वाखा बल्‍लाकादी, अले छन्‍थाय् च्‍वंपिं मनूतय्‌त सुवाः बियादी।

सपन्‍याह 1:10

परमप्रभुं धयादी, “उबले यरूशलेमयागु न्‍या ध्‍वाखां तस्‍सलं हाला हःगु सः, शहरया न्‍हूगु चुकपाखें ह्वाँय्‌ह्वाँय् ख्‍वया हःगु सः, डाँडा डाँडां विनाशया तसकं ध्‍यांग सः वइ।