नहेम्‍याह 3:20 - नेवाः बाइबल

²⁰ वया नापसं जब्‍बैया काय् बारूकं तसकं मेहनत यानाः मेगु ब्‍ब कुंनिसें दकलय् तःधंम्‍ह पुजाहारी एल्‍यासीबया छेँयागु लुखा तक दय्‌कल।

नहेम्‍याह 3:20 ပူးပေါင်းရင်းမြစ်များ

एज्रा 10:28

बेबैया परिवारं- येहोहानान, हनन्‍याह, जब्‍बै व अत्‍लै।

नहेम्‍याह 10:6

दानिएल, गिन्‍नतोन, बारूक,

नहेम्‍याह 13:28

दकलय् तःधंम्‍ह पुजाहारी एल्‍यासीबया काय् योयादाया छम्‍ह काय् होरोनी सन्‍बलतया जिलाजं खः, उकिं जिं वयात जिथासं तापाक्‍क लिना छ्वया।

नहेम्‍याह 13:4

थ्‍व जुइ न्‍ह्यः, जिमि परमेश्‍वरया देगःया धुकू स्‍वइम्‍ह पुजाहारी एल्‍यासीबयागु तोबियालिसें यक्‍व हे बांलाःगु स्‍वापु दुगु जुयाच्‍वन।

नहेम्‍याह 3:1

शहरया पखाः थुकथं हानं दय्‌कल। दकलय् तःधंम्‍ह पुजाहारी एल्‍यासीब व मेपिं पुजाहारीतय्‌सं ज्‍या शुरु यानाः फै ध्‍वाखा हानं दय्‌कल। इमिसं उकियात देछाल अले उकिया लुखा थाय् थासय् तल। इमिसं सछिम्‍ह मनूयागु धरहरांनिसें कयाः हननेलया धरहरा तक हे दय्‌कल अले उकियात देछाल।

नहेम्‍याह 3:21

हक्‍कोसया छय् उरियाहया काय् मरेमोतं मेगु ब्‍व एल्‍यासीबया छेँयागु लुखांनिसें छेँया सिथय् तक दय्‌कल।

उपदेशक 9:10

छंगु ल्‍हातय् छु ज्‍या दु व थःगु बलं फत्तले या, छाय्‌धाःसा पातालय् वनीबलय् अन न छुं ज्‍या याइ, न ग्‍वसाः ग्‍वइ, न ज्ञान दइ, न त बुद्धि हे दइ।

रोमी 12:11

यायेमाःगु ज्‍याय् अल्‍छी चाये मते। दुनुगलंनिसें जोश दय्‌काः प्रभुयात सेवा याना च्‍वँ।