नहेम्‍याह 3:14 - नेवाः बाइबल

¹⁴ सौ ध्‍वाखा बेथ-हक्‍केरेम जिल्‍लायाम्‍ह शासक रेकाबया काय् मल्‍कियाहं दय्‌कल। वं लुखा थाय् थासय् तल अले लुखा तीत चुकू व खगः तल।

नहेम्‍याह 3:14 ပူးပေါင်းရင်းမြစ်များ

२ शमूएल 4:2

ईश्‍बोशेतया निम्‍ह मनूत दु। उपिं शत्रुतय् शहर लुतय् याइपिं वया सिपाइँतय् नायःत खः। इमिगु नां बानाह व रेकाब खः। इपिं बेन्‍यामीन कुलयाम्‍ह बेरोती रिम्‍मोनया काय्‌पिं खः। बेरोत नं बेन्‍यामीननापं हे ल्‍याः खाःगु दु।

२ राजा 10:15

येहू अनं वन। लँय् रेकाबया काय् यहोनादाबं वयात नापलात। येहूं वयात ज्‍वजलपा यानाः धाल, “छु झीगु मन छगू हे खः ला? छ सुयापाखे दु?” यहोनादाबं लिसः बिल, “जि छिपाखे दु।” येहूं धाल, “अथे खःसा छंगु ल्‍हाः जितः ब्‍यु।” वं अथे हे यात, येहूं वयात रथय् च्‍वनेत ग्‍वाहालि यात।

१ इतिहास 6:40

शिमेअ मिखाएलया काय् खः। मिखाएल बासेयाहया काय् खः। बासेयाह मल्‍कियाहया काय् खः।

नहेम्‍याह 12:31

अले जिं यहूदायापिं नायःतय्‌त पखालय् थत यंका। नापं सुभाय् बीत निगू तःधंगु भजन हालिपिनिगु पुचः दय्‌का। उपिं मध्‍ये छपुचः पखाःया च्‍वय् जवय्‌पाखे, सौ ध्‍वाखापाखे वन।

नहेम्‍याह 2:13

जि चान्‍हय् ब्‍यासिया ध्‍वाखां पिने पिहां वया, अले दच्‍छिनपाखे अजिङ्‌गरे धयागु लःया फोहरा पुलाः जि सौ ध्‍वाखा तक वना। लँय् जिं यरूशलेमया दुंगु पखाः व मिं नाश जूगु ध्‍वाखात स्‍वयाः जाँचय् याना।

नहेम्‍याह 3:9

मेगु ब्‍व यरूशलेमया बच्‍छि जिल्‍लायाम्‍ह शासक हूरया काय् रपायाहं दय्‌कल।

यर्मिया 6:1

“हे बेन्‍यामीन कुलयापिं मनूत, बचय् जुइत बिस्‍युं हुँ! यरूशलेम शहरं बिस्‍युं हुँ! तको शहरय् तुरही पु! बेथहक्‍केरेमय् झण्‍डा धस्‍वाकि! छाय्‌धाःसा उत्तरपाखें विपत्ति व छगू तःधंगु नाश वयाच्‍वंगु दु।