नहेम्‍याह 3:1 - नेवाः बाइबल

¹ शहरया पखाः थुकथं हानं दय्‌कल। दकलय् तःधंम्‍ह पुजाहारी एल्‍यासीब व मेपिं पुजाहारीतय्‌सं ज्‍या शुरु यानाः फै ध्‍वाखा हानं दय्‌कल। इमिसं उकियात देछाल अले उकिया लुखा थाय् थासय् तल। इमिसं सछिम्‍ह मनूयागु धरहरांनिसें कयाः हननेलया धरहरा तक हे दय्‌कल अले उकियात देछाल।

नहेम्‍याह 3:1 ပူးပေါင်းရင်းမြစ်များ

नहेम्‍याह 12:10

येशूअ योयाकीमया बौ, योयाकिम एल्‍यासीबया बौ, एल्‍यासीब योयादाया बौ,

नहेम्‍याह 12:30

पुजाहारी व लेवीतय्‌सं विधिकथं थःत शुद्ध याय् धुंकाः इमिसं मनूत, ध्‍वाखात व पखाः शुद्ध यात।

नहेम्‍याह 12:39

अले एफ्राइम ध्‍वाखा, येशना ध्‍वाखा, न्‍या ध्‍वाखा, हननेलया धरहरा अले सछिम्‍हय्‌सिगु धरहरा जुयाः फै ध्‍वाखा तक वना। पिवाः च्‍वनीगु ध्‍वाखाय् इपिं दित।

नहेम्‍याह 13:28

दकलय् तःधंम्‍ह पुजाहारी एल्‍यासीबया काय् योयादाया छम्‍ह काय् होरोनी सन्‍बलतया जिलाजं खः, उकिं जिं वयात जिथासं तापाक्‍क लिना छ्वया।

नहेम्‍याह 13:4

थ्‍व जुइ न्‍ह्यः, जिमि परमेश्‍वरया देगःया धुकू स्‍वइम्‍ह पुजाहारी एल्‍यासीबयागु तोबियालिसें यक्‍व हे बांलाःगु स्‍वापु दुगु जुयाच्‍वन।

नहेम्‍याह 3:20

वया नापसं जब्‍बैया काय् बारूकं तसकं मेहनत यानाः मेगु ब्‍ब कुंनिसें दकलय् तःधंम्‍ह पुजाहारी एल्‍यासीबया छेँयागु लुखा तक दय्‌कल।

नहेम्‍याह 3:21

हक्‍कोसया छय् उरियाहया काय् मरेमोतं मेगु ब्‍व एल्‍यासीबया छेँयागु लुखांनिसें छेँया सिथय् तक दय्‌कल।

नहेम्‍याह 3:32

उगु कुन्‍चांया च्‍वय्‌या कोथांनिसें फै ध्‍वाखा तक लिपांगु ब्‍व लुँकःमित व बन्‍जातय्‌सं दय्‌कल।

नहेम्‍याह 6:1

जिं पखाः दय्‌के धुंकूगु व उकी छगू नं खालि थाय् मदुगु खँ सन्‍बलत, तोबिया व अरबी गेशेम व जिमि मेपिं शत्रुतय्‌गु न्‍हाय्‌पनय् थ्‍यन। खः ला उबलय्‌ तक जिं ध्‍वाखातय् खापा धाःसा तयागु मदुनि।

नहेम्‍याह 7:1

पखाः दय्‌केगु ज्‍या सिधये धुंकाः जिं थाय् थासय् लुखा तया। अले देगलय् पिवाः च्‍वनीपिं मनूत, म्‍ये हालीपिं मनूत व लेवीत ल्‍यया।

भजनसंग्रहया सफू 30:1

हे परमप्रभु, जिं छितः तःधंके, छाय्‌धाःसा छिं जितः बचय् यानादिल। अले जिमि शत्रुतय्‌त जितः लाय्‌बुइके मफय्‌काबिल।

भजनसंग्रहया सफू 48:12

हे परमेश्‍वरया मनूत, सियोनया प्‍यखेरं चाःहिलाः ग्‍वःगः धरहरा दु ल्‍याःखा!

हितोपदेश 3:6

न्‍ह्यागु याःसां परमप्रभुयात लुमंकि, वय्‌कलं छन्‍त लँ क्‍यनादी।

हितोपदेश 3:9

थःके दुगु धन सम्‍पत्तिं व थःथाय् सःगु न्‍हापांगु बाली छायाः परमप्रभुयात हँ।

यर्मिया 31:38

परमप्रभुं धयादी, “हननेलया धरहरांनिसें कुन्‍चाय् च्‍वंगु मू लुखा तक थ्‍व शहर जिगु निंतिं हाकनं दय्‌कीगु दिं वयाच्‍वंगु दु।

दानिएल 9:25

“थ्‍व सीकि अले थुइकि, यरूशलेमयात हाकनं दय्‌केत थ्‍व आज्ञा पिकाःगु इलंनिसें अभिषेक जूम्‍ह मनू, छम्‍ह शासक मवतले न्‍हय्‌गू वाः अले खुइनिगू वाः जुइ। दुःखया इलय् थ्‍व शहरयात लँ व चाकःछिं ताहाःगु गाःनापं हाकनं दय्‌की।

जकरिया 14:10

उत्तरय् गेबांनिसें दच्‍छिन यरूशलेमय् रिम्‍मोन तक फुक्‍क जमिन माथं वनी। यरूशलेम शहर धाःसा तःजाः जुयाः बेन्‍यामीनया ध्‍वाखांनिसें न्‍हापांगु ध्‍वाखाया थाय् तक, कुन्‍चाया ध्‍वाखा तक, अले हननेलया धरहरांनिसें जुजुयागु दाख तिसीगु थाय् तक थःगु हे थासय् च्‍वनी।

यूहन्‍ना 5:2

यरूशलेमय् फै ध्‍वाखाया लिक्‍कसं न्‍याखेरं फः दुगु छगू पुखू दु। थ्‍व पुखूयात हिब्रू भाषां बेथेस्‍दा धाइ।

व्‍यवस्‍था 20:5

अले कप्‍तानतय्‌सं सेनातय्‌त थथे धायेमाः, “छेँ दय्‌काः नं देछाये मखंपिं थन सुं दुसा व थःगु छेँय् लिहां वनेमा। व लडाइँलय् सिनावंसा मेम्‍ह मनू वयागु छेँय् च्‍वनी।