नहेम्‍याह 2:5 - नेवाः बाइबल

⁵ जुजुयात लिसः बिया, “थ्‍व खँ महाराजयात यःसा अले जि खनाः छःपिं लय्‌तासा जितः जिमि पुर्खात थुंगु शहर हाकनं दय्‌केत यहूदाय् छ्वयादिसँ।”

नहेम्‍याह 2:5 ပူးပေါင်းရင်းမြစ်များ

२ शमूएल 14:22

अनंलि योआबं क्‍वमिलु जुयाः बँय् भ्‍वसुलाः दण्‍डवत यात। अले जुजुयात हनाबना तयाः थथे धयाः बिदा जुल, “हे प्रभु, जिं क्‍वमिलु जुयाः छःपिन्‍त बिन्‍ति यानागु छःपिन्‍सं नालाकयादीगुलिं जितः छिगु दया दत धकाः जि छिकपिनि दासं सिल।”

एज्रा 5:17

अथे जुयाः महाराज! छिगु इच्‍छा दुसा जुजु कोरेसं थ्‍व यरूशलेमयागु देगः हाकनं दय्‌केत उजं ब्‍यूगु खः कि मखु धकाः बेबिलोनय् दुगु जुजुया सफूधुकुतिइ मालादिसँ। अनंलि महाराजया इच्‍छा छु खः व जिमित च्‍वयाः हयादिसँ।

नहेम्‍याह 2:4

जुजुं जिके न्‍यन, “छन्‍त छु माल?” अले जिं स्‍वर्गयाम्‍ह परमेश्‍वरयात प्रार्थना यानाः

नहेम्‍याह 2:6

थः रानीलिसें च्‍वनाच्‍वंम्‍ह जुजुं जितः न्‍यन, “छ गुलि ईया निंतिं यात्राय् वनेगु? छ गुबलय् लिहां वयेगु?” जितः छ्वयेत जुजु मानय् जुल। जि थूबलय् लिहां वये धकाः जुजुयात धया।

एस्‍तर 1:19

“छसपोलया इच्‍छा दःसा वश्‍ती रानी थनिंनिसें गुबलें छसपोलया न्‍ह्यःने वये दइ मखु धकाः शाही उजं बियादिसँ। थ्‍व उजं फारस व मादीतय्‌गु कानूनय् गुबलें महिलिगुकथं च्‍वकादिसँ। अले वश्‍ती रानी स्‍वयाः बहःम्‍ह व बांलाःम्‍ह मिसायात रानी जुइ बियादिसँ।

एस्‍तर 5:8

छसपोलं जितः यय्‌कादियागु खःसा जिं फ्‍वनागु खँ पूवंकादीगु खःसा अले जिं इनाप यानागु खँ छितः यल धाःसा, कन्‍हय् नं छसपोल व हामान जिं ज्‍वरय् यानागु भ्‍वय् भपीत झासँ। कन्‍हय् हे जिं छसपोलयात थःगु खँ धाये।”

एस्‍तर 7:3

एस्‍तर रानीं लिसः बिल, “छसपोलं जितः माया यानादी धयागु खःसा अले जिगु बिन्‍तिइ छसपोल राजी जुयादीसा, हे महाराज, जि व जिमि जातिया मनूतय्‌गु प्राणया रक्षा यानादिसँ।

एस्‍तर 8:5

एस्‍तरं धाल, “महाराज, छसपोलं जितः यय्‌कादियागु खःसा जिं फ्‍वनागु पूवंकादीगु खःसा अले जिं इनाप यानागु खँ छितः येल धाःसा अगागी हम्‍मदाताया काय् हामानं राज्‍यया फुक्‍क प्रान्‍तय् यहूदीतय्‌त नाश यायेगु ग्‍वसालं च्‍वयाछ्वःगु पौ रद्द यायेत, छसपोलं मेगु उजं पौ छगू च्‍वयाछ्वयादिसँ।

हितोपदेश 3:4

अले परमेश्‍वर व मनूतय्‌सं छन्‍त यय्‌की। अले इमिगु मिखाय् छंगु नां जाइ।

दानिएल 9:25

“थ्‍व सीकि अले थुइकि, यरूशलेमयात हाकनं दय्‌केत थ्‍व आज्ञा पिकाःगु इलंनिसें अभिषेक जूम्‍ह मनू, छम्‍ह शासक मवतले न्‍हय्‌गू वाः अले खुइनिगू वाः जुइ। दुःखया इलय् थ्‍व शहरयात लँ व चाकःछिं ताहाःगु गाःनापं हाकनं दय्‌की।

मत्ती 23:27

“शास्‍त्री व फरिसीत, छिमित धिक्‍कार दु। छिपिं निपाः ख्‍वाःपाः दुपिं खः, छाय्‌धाःसा छिपिं पिने ला सख्‍वाः पानातःगु चिहान थें बांलाः। दुने धाःसा छिपिं ध्‍वगीगु कँलाय् व नवःगुलिं जक जाः।

रुथया सफू 2:13

रुथं लिसः बिल, “हे जिमि प्रभु, छिं जितः तसक्‍कं माया यानादिल, जि छिकपिनि भ्‍वातिं जुइत मल्‍वःसां छिं जिलिसें बांलाक न्‍ववानाः जिगु मन तयादीगु दु।”