नहेम्‍याह 2:19 - नेवाः बाइबल

¹⁹ थ्‍व खँ न्‍यनाः होरोनी सन्‍बलत, अम्‍मोनी हाकिम तोबिया व अरबी गेशेमं जिमित गिजय् यात, अले जिमित क्‍वह्यंकाः थथे धाल, “थ्‍व छिमिसं छु यानाच्‍वनागु? छु छिमिसं जुजुलिसें विद्रोह यायेगु ला?”

नहेम्‍याह 2:19 ပူးပေါင်းရင်းမြစ်များ

नहेम्‍याह 13:28

दकलय् तःधंम्‍ह पुजाहारी एल्‍यासीबया काय् योयादाया छम्‍ह काय् होरोनी सन्‍बलतया जिलाजं खः, उकिं जिं वयात जिथासं तापाक्‍क लिना छ्वया।

नहेम्‍याह 2:10

इस्राएलयापिं मनूतय्‌गु भिं यायेत छम्‍ह मनू वःगु दु धयागु खँ न्‍यनाः होरेनी सन्‍बलत व अम्‍मोनी हाकिम तोबियाया ख्‍वाः खिउँल।

नहेम्‍याह 4:1

यहूदीतय्‌सं पखाः दय्‌काच्‍वंगु दु धयागु खँ न्‍यनाः सन्‍बलत तसक्‍कं तंचाल। तम्‍वय् वं यहूदीतय्‌त हेस्‍यानाः

नहेम्‍याह 6:6

उकी थथे च्‍वयातःगु दु, “छ व यहूदीतय्‌सं विद्रोह यायेगु ग्‍वःसा ग्‍वयाच्‍वंगु दु, उकिं छिमिसं पखाः दय्‌काच्‍वंगु दु धयागु खँ जाति जातितय्‌थाय् हल्‍ला जुयाच्‍वंगु दु धकाः गेशेमं जितः धाःगु दु। छ थः हे इमि जुजु जुइत्‍यंगु दु धकाः मनूतय्‌सं नं धयाच्‍वंगु दु।

नहेम्‍याह 6:9

जिपिं कमजोर जुइमा अले जिमिगु ज्‍या गुबलें सिमधय्‌मा धइगु बिचाः यानाः इमिसं ज्‍या दिकेत जिमित ख्‍यायेत स्‍वइगु। जिं प्रार्थना याना, “हे परमेश्‍वर, जिमिगु ल्‍हाः बल्‍लाकादिसँ।”

अय्‍यूब 30:1

“तर आः, जि स्‍वयाः चिधिकःपिं जि खनाः हेस्‍यानाः न्‍हिलीगु। इमि अबुपिन्‍त जिं जिगु फै पिवाः च्‍वनिपिं खिचातनापं तयेत तकं मल्‍वःपिं ताय्‌केगु।

भजनसंग्रहया सफू 123:4

तःमिपिनिगु पाखें जिमिसं हेबाय्‌चबाय् याकाच्‍वने माःगु दु। अले तःधंछुया जुइपिनिपाखें हिस्‍याका च्‍वनेमाःगु दु।

भजनसंग्रहया सफू 79:4

जवंखवं च्‍वंपिं जातितय्‌सं झीत हिस्‍यानाच्‍वन। झीत हेबाय्‌चबाय् यानाः इपिं न्‍हिलाच्‍वन।

भजनसंग्रहया सफू 80:6

छिं जिमित जःलाखःलाया जातितलिसे ल्‍वायेगु ल्‍वापु पुसा जक यानादिल। जिमि शत्रुतय्‌सं जिमित हेबाय्‌चबाय् याइगु।

भजनसंग्रहया सफू 80:7

दक्‍व शक्ति दुम्‍ह परमेश्‍वर, जिमित हाकनं छिपाखे लित ब्‍वनाहयादिसँ। जिमित थःगु ख्‍वाःया जलं खय्‌कादिसँ। अले जक जिपिं बचय् जुइ।

यशैया 36:5

छं धाइ, छंके लडाइँया योजना व सिपाइँतय् बल दु धकाः, तर छं ला बकंफुसुलु खँ धयाच्‍वन। छं सुयाके भलसा तयाच्‍वनागु दु? अले छाय् जिगु विरोधय् विद्रोही जुयागु?

यर्मिया 20:8

जिं नवाये पतिकं तःसलं हालाः “स्‍यायेसीगु व तहसनहस जुल” धकाः धायेगु। उकिं परमप्रभुया वचन न्‍हिच्‍छि हे जितः ब्‍वःबीगु व हेस्‍याइगु कारण जूगु दु।

यर्मिया 41:10

इश्‍माएलं मिस्‍पाय् ल्‍यंदुपिं सकलें मनूत अर्थात जुजुया सेनापति नबूजरदानं अहीकामया काय् गदल्‍याहया जिम्‍माय् बियाः अन त्‍वःताथकुपिं सकलें मनूत व जुजुया म्‍ह्याय्‌पिन्‍त ज्‍वनाः कुनाबिल। थुकथं नतन्‍याहया काय् इश्‍माएल थुपिं कैदीतय्‌त ज्‍वनाः पारि अम्‍मोनीतय्‌थाय् वनेत पिहां वन।

मत्ती 9:24

वय्‌कलं धयादिल – “छिपिं फुक्‍कं पिने हुँ। मचा मसीनि। द्यना जक च्‍वंगु खः।” वय्‌कलं थथे धयादीगुलिं इमिसं वय्‌कःयात हिस्‍यात।

मर्कूस 5:40

थ्‍व खँ न्‍यनाः इमिसं वय्‌कःयात गिजय् यात। वय्‌कलं इपिं फुक्‍कसित पितिनाछ्वयाः मचाया मांबौ व वय्‌कःया स्‍वम्‍ह चेलातय्‌त सीम्‍ह मचा तया तःथाय् ब्‍वना यंकादिल।

लूका 23:2

अले इमिसं वय्‌कःयात थथे धकाः पाः यात – “थ्‍व मनुखं जिमिगु जातियापिं मनूतय्‌त मखुगु खँ स्‍यना जूगु, कैसरयात कर पुले मते धकाः धयाजूगु व थःत ख्रीष्‍ट जुजु खः धकाः धयाजूगु जिमिसं न्‍यनागु खः।”

यूहन्‍ना 19:12

थ्‍व न्‍यनाः पिलातसं वय्‌कःयात त्‍वःतेत स्‍वल। तर यहूदीत थथे धकाः हाला हल – “छिं थ्‍व मनूयात त्‍वःतल धाःसा छि कैसरया मनू मखुत। सुनां थःत जुजु धकाः धया जुइ वं कैसरयागु विरोध याःगु जुइ।”

प्रेरित 24:5

थ्‍व मनू तसकं ग्‍यानापुम्‍ह, संसारय् च्‍वंपिं फुक्‍क यहूदीतय्‌त ल्‍वाका जूम्‍ह खः। अले थ्‍व नासरी पुचःयाम्‍ह नायः नं खः।

हिब्रू 11:36

गुलिसिनं हेस्‍याकाः जुइ माल, गुलिसिनं कोर्रां दाय्‌के माल, अले गुलिसिनं चिकाः झ्‍यालखानाय् कुंके माल।