नहेम्‍याह 2:17 - नेवाः बाइबल

¹⁷ अनंलि जिं इमित धया, “झीत गज्‍याःगु दुःख जुयाच्‍वंगु दु व खँ छिमिसं बांलाक स्‍यू। यरूशलेम तहसनहस जूगु दु, अले थुकिया ध्‍वाखा मिं नःगु दु। झीसं यरूशलेमया पखाः हाकनं दय्‌केनु। थुकिं झीपिं लिपा मछाय्‌का च्‍वने मालि मखु।”

नहेम्‍याह 2:17 ပူးပေါင်းရင်းမြစ်များ

एज्रा 9:9

जिपिं दासत जूसां झी परमेश्‍वरं जिमित व हे अवस्‍थाय् त्‍वःतामदी। छिगु कारणं फारसयाम्‍ह जुजुं जिमित ग्‍वाहालि याःगु दु। थ्‍व छिं जिमित न्‍हूगु जीवन बियादीगु थें खः। छिं जिमित छिगु देगः दय्‌केबिल अले जिमित यहूदा व यरूशलेमय् आराम बियादिल।

नहेम्‍याह 1:3

इमिसं जितः धाल, “लिहांवःपिं यहूदीतय्‌त थाकुयाच्‍वंगु दु। जःखः च्‍वंपि बिदेशीतय्‌सं इमित हेपय् याइगु, यरूशलेमया पखाः आः तक नं दुनाच्‍वंगु दु अले उकिया ध्‍वाखा मिं नयाः नाश जुइ धुंकल।”

नहेम्‍याह 2:13

जि चान्‍हय् ब्‍यासिया ध्‍वाखां पिने पिहां वया, अले दच्‍छिनपाखे अजिङ्‌गरे धयागु लःया फोहरा पुलाः जि सौ ध्‍वाखा तक वना। लँय् जिं यरूशलेमया दुंगु पखाः व मिं नाश जूगु ध्‍वाखात स्‍वयाः जाँचय् याना।

नहेम्‍याह 2:16

जि गन वनागु खः अले जिं छु यानागु खः व खँ शहरयापिं हाकिमतय्‌सं मस्‍यू। थुबलय् तक जिं थःगु ज्‍याय् ग्‍वाहालि कायेमाःपिं यहूदी दाजुकिजापिं, पुजाहारीत, तःधंपिं मनूत, हाकिमत व मेपिं मनूत सुयातं नं छुं धयागु मदुनि।

नहेम्‍याह 3:15

फोहरा ध्‍वाखा मिस्‍पा जिल्‍लायाम्‍ह शासक कोल-होजेया काय् शल्‍लूनं दय्‌कल। वं दुहां वनीगु थाय् च्‍वय् पलिं चिल। ध्‍वाखा तयाः अले चुकू व खगः तल। वं जुजुयागु क्‍यब लिक्‍कयागु सिलोआमया पुखूयागु पखाः दाऊदया शहरं क्‍वय् क्‍वहां वनेगु त्‍वाथः तक हे दय्‌कल।

भजनसंग्रहया सफू 102:15

जाति जातियापिं मनूतय्‌सं परमप्रभुया नांयात च्‍वछाइ, अले पृथ्‍वीयापिं सकलें जुजुपिन्‍सं वय्‌कःया महिमायात तःधंकी।

भजनसंग्रहया सफू 44:13

छिं जिमित जिमि जःलाखःलातय्‌त हेस्‍याके बियादीगु दु, जिमि जःखः च्‍वंपिन्‍सं जिमित हेपं ख्‍यानाः हेबाय्‌चबाय् याइगु।

भजनसंग्रहया सफू 44:14

छिं जिमित मेगु जातितय् दथुइ ख्‍यालिम्‍वः यानादिल। मनूतय्‌सं जिमित खन कि हेस्‍यानाः छ्यं संकीगु।

भजनसंग्रहया सफू 79:12

हे परमप्रभु! छितः हेस्‍याःपिं जःलाखःलायात न्‍हय्‌दुगं अप्‍वः ब्‍वला सायादिसँ।

भजनसंग्रहया सफू 79:4

जवंखवं च्‍वंपिं जातितय्‌सं झीत हिस्‍यानाच्‍वन। झीत हेबाय्‌चबाय् यानाः इपिं न्‍हिलाच्‍वन।

यर्मिया 24:9

जिं इमित छगू ग्‍यानापुगु विपत्तिं सजाँय बी अले थ्‍व खँ न्‍यनाः पृथ्‍वीयापिं फुक्‍क मनूत थरथर खाइ। जिं इमित गन गन लिनाछ्वये अन मनूत इपिं खनाः न्‍हिली, मनूतय्‌सं इमित सराः बी, इमित हेस्‍याइ अले इमिगु नामय् ख्‍याः याइ।

विलाप 2:2

परमप्रभुं छप्‍तिं हे दयामाया मयासें यहूदाया फुक्‍क बस्‍तीत नुनाछ्वयादिल। थःगु तम्‍वय् वय्‌कलं यहूदाया म्‍ह्याय्‌या किल्‍लात थुनादिल। वय्‌कलं व राज्‍य व वया शासकतय्‌त बँय् क्‍वथलाः क्‍वह्यंकादिल।

विलाप 3:51

यरूशलेमया मिसातय्‌गु दुःख खनाः जिगु नुगः स्‍याःगु दु।

इजकिएल 5:14

“उकिं, जिं छन्‍त तहसनहस यानाबी। छंगु प्‍यखेंपाखेंयापिं जातियापिं मध्‍ये सुं अनं जुयाः वनीबलय् वं छिमित हेस्‍याइ।

मीका 7:11

हे इस्राएल, छिमिगु पःखाःत दय्‌कीगु दिं वइ, छिमिगु सिमाना तापाक तक अप्‍वय्‌केगु दिं वइ।

१ शमूएल 11:2

तर नाहाशं इमित लिसः बिल, “छगू हे जक खँय् जिं छिपिंनापं सन्‍धि याये। जिं छिपिं मध्‍ये फुक्‍क मनूतय्‌गु जवय् च्‍वंगु मिखा लिकयाबी अले थुकिं यानाः फुक्‍क इस्राएलीतय्‌गु बेइज्‍जत जुइ।”