नहेम्‍याह 2:14 - नेवाः बाइबल

¹⁴ अले जि फोहरा ध्‍वाखा व जुजुयागु पुखूपाखे वना। अय्‌नं अन जि गयावयाम्‍ह पशु दुहां वनेत तक थाय् मदु।

नहेम्‍याह 2:14 ပူးပေါင်းရင်းမြစ်များ

२ राजा 18:17

अश्‍शूरयाम्‍ह जुजुं हमला यायेत सेनापति, जर्नल व कप्‍तानयात छगू तःधंगु सेना बियाः लाकीशं यरूशलेमय् हिजकिया जुजुयाथाय् छ्वत। यरूशलेमय् थ्‍यंकः वयाः इपिं धोबितय्‌गु बुँइ वनीगु च्‍वय् लाःगु पुखूया धः लिक्‍कयागु लँय् दित।

२ राजा 20:20

हिजकिया जुजु जुयाच्‍वंबलय् जूगु फुक्‍क खँ, वयागु बहादुरी व गुकथं वं पुखू व सुरुङ दय्‌काः शहरय् लः हल व फुक्‍क यहूदाया जुजुपिनिगु इतिहासया सफुलिइ च्‍वयातःगु दु।

२ इतिहास 32:30

गीहोन बुँगाःचाया च्‍वय्‌यागु मुहान तिनाः क्‍वय्‌पाखे दाऊदया शहरया पच्‍छिमपाखे लः यंकूम्‍ह थ्‍व हे हिजकिया जुजु खः। वं याःगु फुक्‍क ज्‍याय् धात्‍थें हे व ताःलात।

नहेम्‍याह 12:37

इपिं फोहरा ध्‍वाखा जुयाः सिधा दाऊदया शहरया त्‍वाथलय् पखाःया सिथय् गल। अले दाऊदया छेँ दुगु थाय् च्‍वय् जुयाः पुर्बपाखे लः ध्‍वाखा तक वन।

नहेम्‍याह 3:15

फोहरा ध्‍वाखा मिस्‍पा जिल्‍लायाम्‍ह शासक कोल-होजेया काय् शल्‍लूनं दय्‌कल। वं दुहां वनीगु थाय् च्‍वय् पलिं चिल। ध्‍वाखा तयाः अले चुकू व खगः तल। वं जुजुयागु क्‍यब लिक्‍कयागु सिलोआमया पुखूयागु पखाः दाऊदया शहरं क्‍वय् क्‍वहां वनेगु त्‍वाथः तक हे दय्‌कल।

नहेम्‍याह 3:16

वया उखे बेथ-सरयाम्‍ह बच्‍छि जिल्‍लायाम्‍ह शासक अज्‍बूकया काय् नहेम्‍याहं दाऊदया चिहानं भचा उखे तकया ब्‍व दय्‌कल अले पुखू तक, अले सिपाइँतय्‌गु छेँ तक दय्‌कल।

उपदेशक 2:6

उपिं तसकं बांलाःगु झ्‍वःलाक वनाच्‍वंगु सिमातय्‌गु निंतिं व ख्‍वःसिँया निंतिं लः बीत जिं ततःधंगु पुखूत दय्‌का।