नहेम्‍याह 2:13 - नेवाः बाइबल

¹³ जि चान्‍हय् ब्‍यासिया ध्‍वाखां पिने पिहां वया, अले दच्‍छिनपाखे अजिङ्‌गरे धयागु लःया फोहरा पुलाः जि सौ ध्‍वाखा तक वना। लँय् जिं यरूशलेमया दुंगु पखाः व मिं नाश जूगु ध्‍वाखात स्‍वयाः जाँचय् याना।

नहेम्‍याह 2:13 ပူးပေါင်းရင်းမြစ်များ

२ इतिहास 26:9

उज्‍जियाहं कुन्‍चा ध्‍वाखा, ब्‍यासि ध्‍वाखा व पखाःया ध्‍याकुन्‍चा दुथाय् धरहरात दय्‌काः यरूशलेमयात अज्‍ज बल्‍लाकल।

नहेम्‍याह 1:3

इमिसं जितः धाल, “लिहांवःपिं यहूदीतय्‌त थाकुयाच्‍वंगु दु। जःखः च्‍वंपि बिदेशीतय्‌सं इमित हेपय् याइगु, यरूशलेमया पखाः आः तक नं दुनाच्‍वंगु दु अले उकिया ध्‍वाखा मिं नयाः नाश जुइ धुंकल।”

नहेम्‍याह 12:31

अले जिं यहूदायापिं नायःतय्‌त पखालय् थत यंका। नापं सुभाय् बीत निगू तःधंगु भजन हालिपिनिगु पुचः दय्‌का। उपिं मध्‍ये छपुचः पखाःया च्‍वय् जवय्‌पाखे, सौ ध्‍वाखापाखे वन।

नहेम्‍याह 2:12

जि चान्‍हय् दना थःनाप छुं मनूत ज्‍वनाः जि शहरं पिहां वना। परमेश्‍वरं जितः यरूशलेमय् छु यायेत छ्वयाहयादीगु खः व खँ जिं सुयातं मधया। जिं गयाम्‍ह पशु त्‍वःताः जिके मेपिं पशु मदु।

नहेम्‍याह 2:15

उकिं जि चान्‍हय् किद्रोन ब्‍यासिइ थाहां वना शहरया पःखाः स्‍वस्‍वं वना। लिपतय् जि लिहां वया अले ब्‍यासि ध्‍वाखां शहरय् दुहां वया।

नहेम्‍याह 2:17

अनंलि जिं इमित धया, “झीत गज्‍याःगु दुःख जुयाच्‍वंगु दु व खँ छिमिसं बांलाक स्‍यू। यरूशलेम तहसनहस जूगु दु, अले थुकिया ध्‍वाखा मिं नःगु दु। झीसं यरूशलेमया पखाः हाकनं दय्‌केनु। थुकिं झीपिं लिपा मछाय्‌का च्‍वने मालि मखु।”

नहेम्‍याह 2:3

अय्‌नं जिं जुजुयात धया, “महाराज सदां म्‍वानादीमा। जिमि पुर्खात थुंगु शहर तहसनहस जूगु दु अले उकिया ध्‍वाखा मिं नयाः नाश जुइ धुंकूगु दु धाःसा जिगु ख्‍वाः छाय् खिउँसे मच्‍वनी?”

यर्मिया 5:10

“वनाः इमिगु दाखक्‍यब स्‍यंकाब्‍यु, तर भज्‍यंक नाश याये मते! उकिया कचात त्‍वथुलाः वांछ्वयाब्‍यु। छाय्‌धाःसा थुपिं मनूत परमप्रभुया मनूत मखु।