नहेम्‍याह 13:7 - नेवाः बाइबल

⁷ जि यरूशलेमय् लिहां वया। थन एल्‍यासीबं तोबियायात परमेश्‍वरया देगःया चुकय् छकू क्‍वथा बियाः मभिंगु ज्‍या याःगु जिं सिल।

नहेम्‍याह 13:7 ပူးပေါင်းရင်းမြစ်များ

१ इतिहास 3:24

एल्‍यहोएनैया न्‍हय्‌म्‍ह काय्‌पिं दु। थुपिं होदबिया, एल्‍यासीब, पलयाह, अक्‍कूब, योहानान, दलायाह व अनानी खः।

एज्रा 9:1

थ्‍व फुक्‍क ज्‍या यायेधुंकाः नायःत जिथाय् वयाः धाल, “इस्राएलयापिं मनूत, पुजाहारीत व लेवीतय्‌सं नं थः जःलाखःला कनानी, हित्ती, परिज्‍जी, यबूसी, अम्‍मोनी, मोआबी, मिश्री व एमोरीतय्‌गु घच्‍चाइपुगु पुजायागु ज्‍यापाखें थःत अलग तःगु मदुनि।

नहेम्‍याह 13:1

उखुन्‍हु हे मनूतय्‌त मोशाया सफू ब्‍वना न्‍यंकल। उकी सुं नं अम्‍मोनी वा मोआबी परमेश्‍वरयागु सभाय् गुबलें दुहां वने दइ मखु धकाः च्‍वयातःगु लुइकल।

नहेम्‍याह 13:5

उकिं वं तोबियायात छकू तःकूगु क्‍वथा छ्यलेत ब्‍यूगु जुयाच्‍वन। न्‍हापा व क्‍वथाय् अन्‍नबलि, धुपाँय् व देगःया सामान अले लेवीत, म्‍ये हालीपिं व देगलय् पिवाःतय्‌गु निंतिं झिब्‍वय् छब्‍व अन्‍न, न्‍हूगु दाखमद्य, चिकं व पुजाहारीतय्‌गु निंतिं देछात तइगु खः।

विलाप 1:10

वया शत्रुतय्‌सं वयागु दक्‍व मू मू वंगु ज्‍वलं लुतय् याःगु दु। मेगु जातियापिं मनूत, सुयात परमप्रभुं थःगु मुंज्‍याय् च्‍वनेत पनादीगु खः, इपिं वयागु पवित्र थासय् दुहां वंगु वं खन।

१ कोरिन्‍थी 1:11

छिपिं थःथवय् ल्‍वानाच्‍वन धयागु खँ जितः क्‍लोएया छेँयापिन्‍सं कंगु खः।