नहेम्‍याह 13:26 - नेवाः बाइबल

²⁶ जिं इमित धया, विदेशी मिस्‍तय्‌सं सोलोमन जुजुयात पाप याकेब्‍यूगु खः। व मेगु फुक्‍क जातियापिं जुजुपिं स्‍वयाः तःधं। परमेश्‍वरं वयात माया यानादिल, अले फुक्‍क इस्राएलयाम्‍ह जुजु ल्‍ययादिल। अय्‌नं वं थ्‍व हे पाप यात।

नहेम्‍याह 13:26 ပူးပေါင်းရင်းမြစ်များ

१ राजा 21:25

(परमप्रभुयात मयःगु मभिंगु ज्‍या यायेत थःत म्‍यूम्‍ह आहाब थें ज्‍याःम्‍ह मेपिं सुं हे मदु। थः कलाः ईजेबेलं ग्‍वाकूगुलिं वं अथे याःगु खः।

१ राजा 3:12

उकिं जिं छं धाःथें हे यानाबी। न्‍हापा सुयातं मदुगु व लिपा नं सुयातं मदइगु बुद्धि व थुइके फइगु मन जिं छन्‍त बी।

१ राजा 3:13

छं मफ्‍वंगु खँ नं जिं छन्‍त बी, अर्थात धन-सम्‍पत्ति व इज्‍जत। उकिं यानाः छंगु जिवंकाछि जुजुपिं मध्‍ये छ थें जाःम्‍ह सुं नं दइ मखु।

१ राजा 4:1

थुकथं सोलोमन जुजुं इस्राएल न्‍यंक शासन यात।

२ इतिहास 1:12

जिं छन्‍त बुद्धि व ज्ञान बी। जिं छन्‍त यक्‍व धन, सम्‍पत्ति, मान नं बी। छ स्‍वयाः न्‍हापायापिं जुजुपिन्‍के थुलि धन व थुलि इज्‍जत गुबलें मदु। अले छ स्‍वयाः लिपा जुजु जुइपिन्‍के नं थुलि धन व इज्‍जत दइ मखु।”

२ इतिहास 9:22

सोलोमन जुजुयाके पृथ्‍वीयापिं मेपिं जुजुपिन्‍के स्‍वयाः यक्‍व धन-सम्‍पत्ति व बुद्धि दु।

हितोपदेश 31:3

थःगु तागत मिसातय्‌गु निंतिं फुके मते, सुनां जुजुतय्‌त पतन याइ।

उपदेशक 7:26

व हे मिसा गुम्‍ह छगू स्‍वःतिपाँय् थें खः, वयात जिं सीगु स्‍वयाः नं खायुगु लुइका। वयागु नुगः जाः अले वयागु ल्‍हाः धाःसा सिखलं चिनातःगु थें खः। सु मनुखं परमेश्‍वरयात लय्‌ताय्‌की, व बचय् जुइ तर पापीयात वं स्‍वःतिपाँय्‌लय् क्‍यंकी।