नहेम्‍याह 13:22 - नेवाः बाइबल

²² अले जिं लेवीतय्‌त थःत शुद्ध यायेत व शबाथयात पवित्र तयेत वनाः ध्‍वाखाय् पिवाः च्‍वनेत आज्ञा बिया। हे जिमि परमेश्‍वर, थ्‍व नं जिगु निंतिं लुमंका तयादिसँ। अले छिगु दया मायां जितः दया यानादिसँ।

नहेम्‍याह 13:22 ပူးပေါင်းရင်းမြစ်များ

२ राजा 20:3

“हे परमप्रभु, जिं दुनुगलंनिसें छिगु विश्‍वासबहः जुयाः छिगु सेवा यानागु खँ लुमंकादिसँ। जिं छितः यःगु ज्‍या हे यानावयाच्‍वनागु दु।” अले हिजकिया ह्वाँय्‌ह्वाँय् ख्‍वल।

२ राजा 23:4

जुजुं दकलय् तःधंम्‍ह पुजाहारी हिल्‍कियाह, पुजाहारीत व लुखा पिवाःतय्‌त परमप्रभुया देगलय् दुगु बालद्यः, अशेरा द्यःमय्‌जु व आकाशया नगुतय्‌गु लागि दय्‌कूगु थलबल ज्‍वना वा धकाः उजं बिल। वं उपिं फुक्‍क थलबलयात यरूशलेमया पिने, किद्रोनया ब्‍यासिइ यंकाः छ्वयेकाबिल अले नौ बेथेलय् यंकल।

२ इतिहास 29:24

अनंलि पुजाहारीतय्‌सं उपिं दुगुचात स्‍यात, अले इस्राएलया फुक्‍क मनूतय्‌गु निंतिं प्रायश्‍चित यायेत उकिया हि शुद्ध जुइगु बलिकथं वेदीइ प्‍वंकल। छाय्‌धाःसा जुजुं इस्राएलया फुक्‍क मनूतय्‌गु निंतिं होमबलि व शुद्ध जुइगु बलि छायेगु आज्ञा ब्‍यूगु खः।

२ इतिहास 29:27

उकिं हिजकियां होमबलि वेदीइ छायेगु आज्ञा बिल। होमबलि छायेगु ज्‍या शुरु जूबलय् मनूतय्‌सं परमप्रभुयात प्रशंसा यायां म्‍ये हाल, अले तुरही पुइपिन्‍सं तुरही, बाजं थाइपिन्‍सं दाऊद जुजुं न्‍हापा छ्यःगु थें ज्‍याःगु बाजंत थात।

२ इतिहास 29:30

जुजु व वया हाकिमतय्‌सं लेवीतय्‌त दाऊद जुजु व अगमवक्ता आसापं च्‍वःगु भजन हालाः परमप्रभुया प्रशंसा यायेगु आज्ञा बिल। उकिं इमिसं लय्‌लय्‌तातां प्रशंसाया म्‍ये हाल अले थःगु छ्यं क्‍वछुकाः परमेश्‍वरयात आराधना यात।

नहेम्‍याह 12:10

येशूअ योयाकीमया बौ, योयाकिम एल्‍यासीबया बौ, एल्‍यासीब योयादाया बौ,

नहेम्‍याह 12:30

पुजाहारी व लेवीतय्‌सं विधिकथं थःत शुद्ध याय् धुंकाः इमिसं मनूत, ध्‍वाखात व पखाः शुद्ध यात।

नहेम्‍याह 13:14

हे जिमि परमेश्‍वर, जिगु थ्‍व ज्‍या जिगु भिंया निंतिं लुमंका तयादिसँ। अले जिं जिमि परमेश्‍वरया देगःयागु व उकिया सेवाया निंतिं थुलि विश्‍वास बहःम्‍ह जुयाः छु यानागु दु उकियात हुयाछ्‌वयादी मते।

नहेम्‍याह 13:31

हानं जिं सिँया देछा हयेगु व न्‍हापा सःगु अन्‍न हयेगु ई क्‍वःछिना बिया। हे जिमि परमेश्‍वर, जिगु भिंया निंतिं जितः लुमंकादिसँ।

नहेम्‍याह 5:19

“हे जिमि परमेश्‍वर, जिं थ्‍व जातिया निंतिं यानागु फुक्‍क ज्‍या जिगु भिंया निंतिं लुमंका तयादिसँ।”

भजनसंग्रहया सफू 130:7

हे इस्राएल, परमप्रभुयाके थःगु आशा तया च्‍वँ, छाय्‌धाःसा परमप्रभु सदां दयाच्‍वनीगु दया माया दुम्‍ह व उद्धार यानादीम्‍ह खः।

भजनसंग्रहया सफू 5:7

छिगु तःधंगु दयां यानाः जि धाःसा छिगु छेँय् दुहां वये। जिं छिगु पवित्र देगलय् पुलिं चुयाः छितः भागियाये।

भजनसंग्रहया सफू 51:1

हे परमेश्‍वर! जितः दया यानादिसँ। छाय्‌धाःसा छि सदां दया यानादीम्‍ह खः। जिगु पाप हुयाछ्वयादिसँ! छाय्‌धाःसा छि सदां मदिक्‍क माया यानादीम्‍ह खः।

यशैया 38:3

“हे परमप्रभु, जिं दुनुगलंनिसें छिगु भक्त जुयाः छिगु सेवा यानागु खँ लुमंकादिसँ। जिं छितः यःगु ज्‍या हे यानावयाच्‍वनागु दु।” अले हिजकिया ह्वाँय्‌ह्वाँय् ख्‍वल।

यशैया 49:23

छंगु निंतिं जुजुपिं बौ थें अले इमि रानीपिं सुसाकुसा याइम्‍ह मां थें जुइ। इपिं छंगु न्‍ह्यःने बँय् भ्‍वसू वइ। इमिसं छंगु तुतिया धू फ्‍यइ। अनंलि छं थुइकि जि हे परमप्रभु खः, जिके भलसा तइपिं लाजय् लाइ मखु।”

यशैया 55:7

दुष्‍ट मनुखं थःगु लँपु व अधर्मी मनुखं थःगु बिचाः त्‍वःतेमा, अले इपिं परमप्रभुयाथाय् लिहां वयेमा, वय्‌कलं हे इमित दया यानादी। झी परमेश्‍वरपाखे इपिं लिहां वयेमा, अले वय्‌कलं इमित पूरा क्षमा यानादी।

२ कोरिन्‍थी 1:12

जिमिसं मछाः मजुसे धायेफु – थ्‍व संसारय् जक मखु छिमिगु न्‍ह्यःने नं जिमिसं मभिंगु मतिइ मतसे ज्‍याखँ याना जुया। जिमिसं थथे थःगु हे ज्ञानं मखु, बरु परमेश्‍वरं बियादीगु दया मायां दया याये फुगु खः।

व्‍यवस्‍था 5:12

“परमप्रभु परमेश्‍वरं धयादीगु थें विश्रामबार हनेमाः। अले उकियात पवित्र याना तयेमाः।