नहेम्‍याह 13:21 - नेवाः बाइबल

²¹ जिं इमित थथे धयाः ख्‍याच्‍वः बिया, “छिपिं छाय् चान्‍हय् चान्‍हय् शहरया पखाः लिक्‍क च्‍वनाच्‍वनागु? छिमिसं हाकनं थथे यात धाःसा जिं छिमित सजायँ बी।” उखुन्‍हुंनिसें इपिं शबाथ खुन्‍हु वयेगु त्‍वःतल।

नहेम्‍याह 13:21 ပူးပေါင်းရင်းမြစ်များ

एज्रा 7:26

छिमि परमेश्‍वरयागु व्‍यवस्‍था व जुजुयागु कानून पालन मयाइपिं न्‍ह्याम्‍ह हे जूसां वयात स्‍यानाछ्वयाः वा देशं पितिनाछ्वयाः वा धन-सम्‍पत्ति जफत यानाः वा कुनाः सजाँय बीमाः।”

नहेम्‍याह 10:32

“दँय्‌दसं जिमि परमेश्‍वरया देगलय् खर्च यायेत जिपिं सकसिनं ४ ग्राम वहः बी।

नहेम्‍याह 13:15

उबलय् शबाथ खुन्‍हु यहूदायापिं मनूतय्‌सं दाखयात तिस्‍यानाच्‍वंगु व अन्‍न मुंकाः दाखमद्य, दाख, यःमरि व मेमेगु किसिमयागु कु गधाया म्‍हय् तयाच्‍वंगु जिं खना। इमिसं थुपिं फुक्‍क मीत यरूशलेमय् शबाथ खुन्‍हु हइगु जुयाच्‍वन। उकिं उखुन्‍हु नयेगु नसा म्‍यूगुलिं जिं इमित ख्‍याच्‍वः बिया।

नहेम्‍याह 13:20

छकः निकः थीथी कथंया सामान मीपिं बन्‍जातय्‌सं यरूशलेमया पिने हे चा छ्याये माल।

१ पत्रुस 2:14

तःधंम्‍ह हाकिम हे थजुइमा। मभिंगु ज्‍या यानाजुइपिन्‍त सजाँय बीत व भिंगु ज्‍या यानाजुइपिन्‍त हनेत परमेश्‍वरं हे इमित छ्वयाहयादीगु खः।