नहेम्‍याह 13:13 - नेवाः बाइबल

¹³ देगःया धुकू स्‍वयेत जिं पुजाहारी शेलेम्‍याह, व्‍यवस्‍थाया स्‍यनामि सादोक व लेवी पदायाहयात जिम्‍मा बिया। जक्‍कूरया काय् व मत्तन्‍याहया छय् हानानयात इमि ग्‍वाहालिमि ल्‍यया। छाय्‌धाःसा इमित विश्‍वास बहःपिं मानय् याइगु अले थः दाजुकिजापिनिगु दथुइ इनेगु इमिगु ज्‍या खः।

नहेम्‍याह 13:13 ပူးပေါင်းရင်းမြစ်များ

२ राजा 12:15

ज्‍या याइपिं मनूतय्‌त ज्‍याला बीपिन्‍के इमिसं ल्‍याःचाः मकाः। छाय्‌धाःसा इमिसं विश्‍वास यायेबहः जुयाः ज्‍या याइगु खः।

२ राजा 12:16

दोषबलि व शुद्ध जुइगु बलिं वःगु धिबा परमप्रभुया देगलय् हइ मखु, व पुजाहारीतय्‌गु हे जुइगु।

२ राजा 22:7

तर इमित ब्‍यूगु धिबाया ल्‍याःचाः इमिके काये मते। छाय्‌धाःसा इमिसं विश्‍वास यायेबहः जुयाः ज्‍या यानाच्‍वंगु दु।’”

नहेम्‍याह 10:12

जक्‍कूर, शरेबियाह, शबन्‍याह,

नहेम्‍याह 10:38

झिब्‍वय् छब्‍व मुंगु इलय् हारून वंशयापिं पुजाहारी छम्‍ह लेवीतनापं दइ। थुकथं मुंगु झिब्‍वय् छब्‍वयागु नं झिब्‍वय् छब्‍व लिकयाः उपिं लेवीतय्‌सं जिमि परमेश्‍वरया देगःया धुकुतिइ हयेगु याइ।

नहेम्‍याह 11:22

बानीया काय् व हशब्‍याहया छय् उज्‍जी यरूशलेमय् च्‍वंपिं लेवीतय् नायः खः। आसाप वंशयापिं मत्तन्‍याह व मीयका इमि पुर्खात खः। उपिं आसापया सन्‍तान परमेश्‍वरया देगःया सेवाया निंतिं भजन हालेगु जिम्‍मा काःपिं खः।

नहेम्‍याह 12:35

अले तुरही ज्‍वनातःपिं छपुचः पुजाहारीत व जोनाथनया काय् व शमायाहया छय् जकरिया। (वया पुर्खात आसाप कुलयापिं मत्तन्‍याह, मीकाया व जक्‍कूर खः।)

नहेम्‍याह 12:44

उबलय् देगलय् छाःगु देछा तइगु धुकू स्‍वयेत मनूत तल। देछात, न्‍हापांगु अन्‍न व फलफुल व झिब्‍वय् छब्‍व नं अन तइगु खः। जःखःया शहर लिक्‍कयागु बुँ व क्‍यबपाखें व्‍यवस्‍थाकथं पुजाहारी व लेवीतय्‌त दयेमाःगु देछा मुनेगु ज्‍या नं उपिं मनूतय्‌त लःल्‍हात। यहूदायापिं सकल मनूत पुजाहारीत व लेवीत खनाः लय्‌ताः।

नहेम्‍याह 3:30

वया नापसं, शेलेम्‍याहया काय् हनन्‍याह व सालापया खुम्‍हम्‍ह काय् हानूनं मेगु छगू ब्‍व दय्‌कल। इमि नापसं बेरेक्‍याहया काय् मशुल्‍लामं थःगु कोथाया न्‍ह्यःनेयागु ब्‍व दय्‌कल।

नहेम्‍याह 7:2

जिं जिमि किजा हनानीनापं किल्‍लाया कप्‍तान हनन्‍याहयात यरूशलेमय् शासन यायेगु जिम्‍मा बिया। व मेपिं मनूत स्‍वयाः तसकं विश्‍वास याये बहःम्‍ह व परमेश्‍वरया ग्‍याःभय काइम्‍ह खः।

नहेम्‍याह 8:4

एज्रा थज्‍याःगु हे ज्‍याया निंतिं हे दय्‌कूगु छगू सिँयागु दबुलिइ दन। वयागु जवपाखे मत्तित्‍याह, शेमा, अनायाह, उरियाह, हिल्‍कियाह व मासेयाह दनाच्‍वंगु दु। वयागु खवपाखे पदायाह, मीशाएल, मल्‍कियाह, हाशूम, हशबदाना, जकरिया व मशुल्‍लाम दनाच्‍वंगु दु।

लूका 12:42

अले वय्‌कलं धयादिल – “भिंम्‍ह व विश्‍वास याये बहःम्‍ह च्‍यः सु जुइ? गुम्‍हय्‌सित वया मालिकं मेपिं च्‍यःतय्‌त ठीक ठीक इलय् नके त्‍वंकेगु ज्‍या बियाः इमि नायः याना तइ, व हे जुइ।

प्रेरित 4:35

वःगु धिबा प्रेरिततय्‌त बी हइगु, अले माःमाःपिं विश्‍वासीतय्‌त इनाबीगु।

प्रेरित 6:1

उगु इलय् चेलात अप्‍वः ददं वन। न्‍हियान्‍हिथं नसा इनाबीबलय् ग्रीक भाय् ल्‍हाइपिं यहूदीतय्‌सं इमि भाःत मदुपिं मिसातय्‌त वास्‍ता मयाः धकाः हिब्रू भाय् ल्‍हाइपिं यहूदीत नाप कचकच याना हल।

प्रेरित 6:3

अय्‌जूगुलिं दाजुकिजापिन्‍सं, छिपिं मध्‍ये नांजाःपिं, आत्‍मां जाःपिं व बुद्धिं जाःपिं न्‍हय्‌म्‍ह मनूयात ल्‍ययादिसँ। अले इमित नयेत्‍वनेगु ज्‍याय् तयाबी।

१ कोरिन्‍थी 4:2

विश्‍वास यायेबहःपिं च्‍यःत खः धकाः जिमिसं क्‍यनेमाः।

१ तिमोथी 1:12

जिगु ज्‍याय् जितः शक्ति बियादीम्‍ह झी प्रभु येशू ख्रीष्‍टयात जिं सुभाय् बी, छाय्‌धाःसा वय्‌कलं जितः विश्‍वास यानाः थःगु ज्‍या याकेबियादिल।

१ तिमोथी 3:10

बांलाक जाँचय् याये धुंकाः तिनि इमित मण्‍डली ग्‍वाहालि याकेबीमाः।