नहेम्‍याह 13:12 - नेवाः बाइबल

¹² अबलय् सकल यहूदीतय्‌सं हानं अन्‍न, दाखमद्य व चिकंया झिब्‍वय् छब्‍व धुकुतिइ हल।

नहेम्‍याह 13:12 ပူးပေါင်းရင်းမြစ်များ

२ इतिहास 31:4

पुजाहारीत व लेवीतय्‌सं परमप्रभुया व्‍यवस्‍थाया ज्‍या मन बियाः याये फयेमा धकाः जुजुं यरूशलेमय् च्‍वंपिं मनूतय्‌त पुजाहारीत व लेवीतय्‌त ल्‍यं दुगु भाग ब्‍यु धकाः आज्ञा बिल।

२ इतिहास 31:5

अथे आज्ञा जुइवं इस्राएलयापिं मनूतय्‌सं थःगु अन्‍न, न्‍हूगु दाखमद्य, जैतूनया चिकं, कस्‍ति व बुँइया फुक्‍क कथंया न्‍हापां सःगु बिल। इमिसं थःके दुगु फुक्‍क खँया झिब्‍वय् छब्‍व नं हल।

नहेम्‍याह 12:44

उबलय् देगलय् छाःगु देछा तइगु धुकू स्‍वयेत मनूत तल। देछात, न्‍हापांगु अन्‍न व फलफुल व झिब्‍वय् छब्‍व नं अन तइगु खः। जःखःया शहर लिक्‍कयागु बुँ व क्‍यबपाखें व्‍यवस्‍थाकथं पुजाहारी व लेवीतय्‌त दयेमाःगु देछा मुनेगु ज्‍या नं उपिं मनूतय्‌त लःल्‍हात। यहूदायापिं सकल मनूत पुजाहारीत व लेवीत खनाः लय्‌ताः।

लेवी 27:30

“‘थुकथं बुँयागु अन्‍न व सिमाया फलयागु झिब्‍वय् छब्‍व परमप्रभुयागु हे खः अले व परमप्रभुया निंतिं पवित्र खः।

मलाकी 3:10

जिगु छेँय् नयेगु नसा न्‍ह्याबलें दयाच्‍वनेत फुक्‍क झिब्‍वय् छब्‍व धुकुतिइ हजि। थ्‍व खँय् जितः जाँचय् याना स्‍व, स्‍वर्गया लुखा चाय्‌काः छिमिथाय् छिमिगु धुकुतिइ तयेथाय् मदय्‌क आशिष छ्वयाहइ कि महइ?” दक्‍व शक्ति दुम्‍ह परमप्रभुं धयादी।

मलाकी 3:8

“छु मनुखं परमेश्‍वरयात लुतय् याये फइ ला? अय्‌सां छिमिसं जितः लुतय् याःगु दु। “छिमिसं धाइ, ‘छिगु छु लुतय् यानागु दु?’ “झिब्‍वय् छब्‍व व बीमाःगु देछाय्‌।

व्‍यवस्‍था 14:22

दँय्‌दसं बुँइ सःगु फलया झिब्‍वय् छब्‍व अलग तयाति।