नहेम्‍याह 13:11 - नेवाः बाइबल

¹¹ उकिं जिं हाकिमतय्‌त हक्‍काः धया, “परमेश्‍वरया देगःयात छाय् वास्‍ता मयानागु?” अले जिं लेवीतय्‌त सःताः हाकनं इमिगु थथःगु हे ज्‍याय् तया।

नहेम्‍याह 13:11 ပူးပေါင်းရင်းမြစ်များ

नहेम्‍याह 10:39

इस्राएलीत व लेवीतय्‌सं देछाया अन्‍न, न्‍हूगु दाखमद्य व चिकं पवित्र थासय् छ्यलेगु थलबल दुगु धुकुतिइ हयेमाः। थ्‍व हे सेवा याइपिं पुजाहारी, देगलय् पिवाः च्‍वनिपिं व म्‍ये हालीपिं च्‍वनीगु थाय् खः। “जिमिसं थः परमप्रभु परमेश्‍वरयागु देगः बांलाक स्‍वये।”

नहेम्‍याह 13:17

अले जिं यहूदायापिं भारदारतय्‌त हक्‍काः धया, “शबाथयात अपवित्र यानाः छिमिसं थ्‍व छु यानागु?

नहेम्‍याह 13:25

जिं इमित हक्‍काः सराः बिया, जिं छुं मनूतय्‌त दायाः अले इमिगु सँ पुया। अले जिं इमित जिपिं व जिमि काय् म्‍ह्याय्‌पिन्‍सं आवंलि गुबलय् नं मेगु जातिलिसे ब्‍याहा याये मखु धकाः परमेश्‍वरया नामय् पाफय्‌का।

अय्‍यूब 31:34

मनूतय्‌सं छु धाइ धकाः वा थःथितितय्‌सं हेपय् याइ धकाः जि गुबलें ग्‍यानागु मदु, जि गुबलें सुम्‍क मच्‍वना अले छेँय् मच्‍वना।

हितोपदेश 28:4

व्‍यवस्‍था मानय् मयाइपिन्‍सं दुष्‍टतय्‌त तःधंकी, तर व्‍यवस्‍था मानय् याइपिन्‍सं इमिगु विरोध याइ।

१ शमूएल 2:17

उपिं ल्‍याय्‌म्‍हपिं मनूतय्‌गु पाप परमप्रभुया न्‍ह्यःने तसकं अप्‍वयावन छाय्‌धाःसा इमिसं परमप्रभुयात छायेहःगु बलितय्‌त तसकं क्‍वह्यंकल।