नहेम्‍याह 13:1 - नेवाः बाइबल

¹ उखुन्‍हु हे मनूतय्‌त मोशाया सफू ब्‍वना न्‍यंकल। उकी सुं नं अम्‍मोनी वा मोआबी परमेश्‍वरयागु सभाय् गुबलें दुहां वने दइ मखु धकाः च्‍वयातःगु लुइकल।

नहेम्‍याह 13:1 ပူးပေါင်းရင်းမြစ်များ

२ राजा 23:2

अले जुजु परमप्रभुया देगलय् वन। वनापं यहूदायापिं मनूत, यरूशलेमयापिं मनूत, पुजाहारीत व अगमवक्तात, चिधंपिंनिसें तःधंपिं फुक्‍क मनूत दु। अले वं परमप्रभुया देगलय् लुयावःगु सफुलिइ च्‍वयातःगु फुक्‍क खँ इमित ब्‍वना न्‍यंकल।

नहेम्‍याह 13:23

उबलय् नं यहूदायापिं छुं मनूतय्‌सं अश्‍दोद, अम्‍मोन व मोआबयापिं मिस्‍तलिसे ब्‍याहा याःगु जिं खना।

नहेम्‍याह 2:10

इस्राएलयापिं मनूतय्‌गु भिं यायेत छम्‍ह मनू वःगु दु धयागु खँ न्‍यनाः होरेनी सन्‍बलत व अम्‍मोनी हाकिम तोबियाया ख्‍वाः खिउँल।

नहेम्‍याह 2:19

थ्‍व खँ न्‍यनाः होरोनी सन्‍बलत, अम्‍मोनी हाकिम तोबिया व अरबी गेशेमं जिमित गिजय् यात, अले जिमित क्‍वह्यंकाः थथे धाल, “थ्‍व छिमिसं छु यानाच्‍वनागु? छु छिमिसं जुजुलिसें विद्रोह यायेगु ला?”

नहेम्‍याह 4:3

वया लिक्‍कसं दनाच्‍वंम्‍ह अम्‍मोनी तोबियां धाल, “थुमिसं न्‍ह्यागु हे दय्‌का च्‍वंसां छम्‍ह ध्‍वँचा ल्‍वहंयागु उगु पखालय् गल धाःसा व दुनी।”

नहेम्‍याह 8:2

उकिं न्‍हय्‌गूगु लाया न्‍हापांगु दिंखुन्‍हु एज्रां मनूत मुंगु थासय् व्‍यवस्‍थाया सफू हल। अन मिसा मिजं व न्‍यनाः थुइके फुगु उमेर जुइ धुंकूपिं सकल मनूत दु।

नहेम्‍याह 9:3

स्‍वघौ तक परमप्रभु थः परमेश्‍वरया व्‍यवस्‍था सफू इमित ब्‍वनाः न्‍यंकल। अनंलि मेगु स्‍वघौ तक इमिसं थःगु पाप मानय् यायां परमप्रभु थः परमेश्‍वरया आराधना यानाच्‍वन।

यशैया 34:16

परमप्रभुया भ्‍वंथू स्‍व अले ब्‍वँ! उकी छम्‍ह नं तनावनी मखु। सुयातं निम्‍ह तिपुया निंतिं मगाःमचाः जुइ मखु, छाय्‌धाःसा वय्‌कःया म्‍हुतुं थथे धयादीगु दु, वय्‌कःया आत्‍मां इपिं सकसितं छथाय् मुंकादी,

यर्मिया 48:1

मोआबया बारे – दक्‍व शक्ति दुम्‍ह परमप्रभु, इस्राएलया परमेश्‍वरं थथे धयादी, “धिक्‍कार दु नेबोयात, छाय्‌धाःसा व नाश जुइ, किर्यातैमया बेइज्‍जत जुइ अले उकियात त्‍याकाकाइ, किल्‍लाया बेइज्‍जत जुइ अले व चुंचुं जुइ।

आमोस 1:13

परमप्रभुं थथे धयादी – “अम्‍मोनया मनूतय्‌सं तःक्‍व हे पापयात, जिं इमित सजाँय मब्‍यूसे त्‍वःते मखु! इमिसं थःगु सिमाना अप्‍वः दय्‌केत गिलादया प्‍वाथय् दुपिं मिसातय्‌गु प्‍वाः तरवारं फायाबिल,

गन्‍ती 22:5

वं यूफ्रेटिस खुसि लिक्‍क दुगु थःमनूतय्‌गु देश पतोरय् च्‍वंम्‍ह बओरया काय् बालामयाथाय् थथे धयाः दूतत छ्वत, “मिश्रं वःपिं मनूत वयाः देशया फुक्‍क थाय् त्‍वपुइ धुंकल। अले इपिं जिगु हे सिमानाय् वयाः बाय् च्‍वनाच्‍वंगु दु।

लूका 10:26

वय्‌कलं वयात लिसः बियादिल – “व्‍यवस्‍थाय् छु च्‍वयातःगु दु? छिं गथे यानाः ब्‍वनादिया?”

प्रेरित 13:15

व्‍यवस्‍थायागु सफू व अगमवक्तातय्‌गु सफू ब्‍वने धुंकाः थकालिपिन्‍सं इमित सःताः थथे धाल – “किजापिं, थ्‍व मनूतय्‌त छुं भिंगु खँ न्‍यंके मास्‍ति वःसा, धयादिसँ।”

प्रेरित 15:21

न्‍हापांनिसें शहर पतिकं धर्मशास्‍त्र स्‍यनीगु छेँय् विश्रामबार पतिकं मोशायागु व्‍यवस्‍था ब्‍वनाः न्‍यंका वयाच्‍वंगु दु।”