नहेम्‍याह 12:8 - नेवाः बाइबल

⁸ लेवीत – येशूअ, बिन्‍नूई, कादमीएल, शरेबियाह, यहूदा व मत्तन्‍याह। थः ग्‍वाहालिमिपिंनापं सुभाय्‌या भजन हालेगु जिम्‍मा मत्तन्‍याहया खः।

नहेम्‍याह 12:8 ပူးပေါင်းရင်းမြစ်များ

१ इतिहास 9:33

म्‍ये हालीपिं व बाजं थाइपिं लेवीत गुपिं लेवीतय् परिवारया नायःत खः। इमिगु लागि अलग यानातःगु क्‍वथाय् च्‍वनीगु। इमिसं छुं नं ज्‍या याये म्‍वाः, छाय्‌धाःसा इमित चान्‍हय् नं न्‍हिनय् नं ज्‍या यायेत सःतिगु।

एज्रा 2:40

लिहांवःपिं लेवीतय्‌गु नां धलः थथे दु – येशूअ व कादमीएलया सन्‍तान (होदबियाया वंशपाखें) ७४ म्‍ह

एज्रा 3:2

योसादाकया काय् येशूअ व वया थःथिति पुजाहारीत अले शालतिएलया काय् यरूबाबेल व वया थःथितिनापं मिलय् जुयाः परमेश्‍वरया मनू मोशाया व्‍यवस्‍थाय् च्‍वया तः थें होमबलि छायेत इस्राएलया परमेश्‍वरया वेदी दय्‌कल।

नहेम्‍याह 11:17

मीयकाया काय् मत्तन्‍याह, मीयका जब्‍दीया काय् खः। जब्‍दी आसापया वंशयाम्‍ह खः। व प्रार्थनाय् सुभाय् बीपिनि नायः खः। वया ग्‍वाहालिमित मध्‍ये निगूगु थाय् काइम्‍ह बक्‍बुक्‍याह, अले शम्‍मूअया काय् व गालालया छय् अब्‍दा। व यदूतूनया परिवारयाम्‍ह खः।

नहेम्‍याह 11:22

बानीया काय् व हशब्‍याहया छय् उज्‍जी यरूशलेमय् च्‍वंपिं लेवीतय् नायः खः। आसाप वंशयापिं मत्तन्‍याह व मीयका इमि पुर्खात खः। उपिं आसापया सन्‍तान परमेश्‍वरया देगःया सेवाया निंतिं भजन हालेगु जिम्‍मा काःपिं खः।

नहेम्‍याह 12:24

लेवीतय्‌त पुचः पुचलय् ब्‍वथलातःगु दु। उपिं पुचःया नायःत हशब्‍याह, शरेबियाह, कादमीएलया काय् येशूअ खः। परमेश्‍वरया मनू दाऊद जुजुं ब्‍यूगु आज्ञा कथं परमेश्‍वरयात च्‍वछाइबलय्‌ व सुभाय्‌ बीबलय्‌ पालंपाः इमिगु चुलिंचू दनाच्‍वनीगु।

नहेम्‍याह 12:7

सल्‍लू, अमोक, हिल्‍कियाह व यदायाह। येशूअया पालय् पुजाहारीतय् नायःत व इमि ग्‍वाहालिमित थुपिं हे खः।

नहेम्‍याह 12:9

बक्‍बुक्‍याह व उन्‍नी व इमि ग्‍वाहालिमित धाःसा सेवाया इलय् इमिगु चुलिंचू दनिगु।

नहेम्‍याह 7:43

लेवीत- होदबिया व कादमीएलया वंशपाखें येशूअया सन्‍तान ७४ म्‍ह

नहेम्‍याह 7:48

लेबाना, हगाबा, शल्‍मै,

नहेम्‍याह 9:4

लेवीत येशूअ, बानी, कादमीएल, शबन्‍याह, बुन्‍नी, शरेबियाह, बानी व कनानीं लेवीतय्‌गु निंतिं दय्‌कूगु दबुया त्‍वाथलय् दनाः तसलं थः परमप्रभु परमेश्‍वरयात प्रार्थना यात।