नहेम्‍याह 12:44 - नेवाः बाइबल

⁴⁴ उबलय् देगलय् छाःगु देछा तइगु धुकू स्‍वयेत मनूत तल। देछात, न्‍हापांगु अन्‍न व फलफुल व झिब्‍वय् छब्‍व नं अन तइगु खः। जःखःया शहर लिक्‍कयागु बुँ व क्‍यबपाखें व्‍यवस्‍थाकथं पुजाहारी व लेवीतय्‌त दयेमाःगु देछा मुनेगु ज्‍या नं उपिं मनूतय्‌त लःल्‍हात। यहूदायापिं सकल मनूत पुजाहारीत व लेवीत खनाः लय्‌ताः।

नहेम्‍याह 12:44 ပူးပေါင်းရင်းမြစ်များ

१ इतिहास 23:28

लेवीतय्‌गु ज्‍या परमप्रभुया देगःयागु आराधनाया ज्‍याय् हारूनया सन्‍तानतय्‌त ग्‍वाहालि बीगु खः। चुक व कोथाया रेखदेख यायेगु, फुक्‍क पवित्र ज्‍वलं शुद्ध यायेगु, परमेश्‍वरया देगःयागु आराधनाया मे मेगु ज्‍या यायेगु,

१ इतिहास 26:20

परमेश्‍वरया धुकू व परमप्रभुयात छाःगु सामान तयेगु धुकूया जिम्‍मा इमि मेपिं लेवी पासापिनिगु खः।

१ इतिहास 9:26

प्‍यम्‍ह मू पिवाः च्‍वनिपिं मनूत नं लेवीत जुइगु। परमेश्‍वरयागु देगःया क्‍वथा व सम्‍पत्ति इमिगु जिम्‍माय् खः।

नहेम्‍याह 10:36

“जिमिगु परिवारय् न्‍हापां बूम्‍ह काय् परमेश्‍वरया व्‍यवस्‍थाय् क्‍वःछिनातःथें परमप्रभु जिमि परमेश्‍वरया देगलय्, अन सेवा याइपिं पुजाहारीतय्‌थाय् छाये हये। थुकथं हे सा द्वहंया न्‍हापाम्‍ह मचा व फैच्‍वलय्‌चा न्‍हापांम्‍ह मचा जिमिसं छाये।

हितोपदेश 8:34

जिगु खँ न्‍यनीम्‍ह, जिगु छेँय् वइम्‍ह, अले जिगु ध्‍वाखाय् न्‍ह्याबलें वयाच्‍वनीम्‍ह लय्‌ताये खनी।

यशैया 40:31

तर परमप्रभुयाके भलसा तइपिनिगु बल हाकनं न्‍हूगु जुइ। इपिं इमा थें च्‍वय् च्‍वय् ब्‍वया जुइ अले ब्‍वाँय् वनाः नं त्‍यानुचाइ मखु। इपिं न्‍यासि वनाः नं मूर्च्‍छा जुइ मखु।

गन्‍ती 3:10

छं हारून व वया काय्‌पिन्‍त पुजाहारी जुयाः सेवा यायेत ति। वने मत्‍यःपिं सुनानं नापलायेगु पालया सतिक वनेत स्‍वल धाःसा वयात स्‍यायेमाः।”

रोमी 12:7

सेवा याइगु वरदान दःसा सेवा हे यायेमाः। स्‍यनेकने यायेगु वरदान दःसा स्‍यनेकने हे यायेमाः।

व्‍यवस्‍था 18:8

वयाके थः छेँजःया सम्‍पत्ति मियाः वःगु ध्‍यबा दुसां वयात बलि ब्‍यूगु व देछाःगुपाखें बराबर भाग दइ।