नहेम्‍याह 12:1 - नेवाः बाइबल

¹ शालतिएलया काय् यरूबाबेल व दकलय् तःधम्‍ह पुजाहारी येशूअनापं बेबिलोनं लिहांवःपिं पुजाहारीत व लेवीत थुपिं हे खः –

नहेम्‍याह 12:1 ပူးပေါင်းရင်းမြစ်များ

एज्रा 3:2

योसादाकया काय् येशूअ व वया थःथिति पुजाहारीत अले शालतिएलया काय् यरूबाबेल व वया थःथितिनापं मिलय् जुयाः परमेश्‍वरया मनू मोशाया व्‍यवस्‍थाय् च्‍वया तः थें होमबलि छायेत इस्राएलया परमेश्‍वरया वेदी दय्‌कल।

एज्रा 3:8

यरूशलेमय् परमेश्‍वरया देगलय् इपिं थ्‍यंकः वःगु निगूगु दँया निगूगु लाय् शालतिएलया काय् यरूबाबेल, योसादाकया काय् येशूअ, पुजाहारीत, लेवीत अले बेबिलोनं लिहांवःपिं सकसिनं ज्‍या शुरु यात। परमप्रभुया देगः दय्‌काच्‍वंगु ज्‍या स्‍वयेत निइदँ व व स्‍वयां च्‍वय्‌यापिं लेवीतय्‌त इमिसं ल्‍यल।

एज्रा 4:2

उकिं इमिसं यरूबाबेल व परिवार परिवारया नायःतथाय् वनाः धाल, “जिमित नं छिपिंनापं देगः दय्‌केब्‍यु छाय्‌धाःसा जिपिं नं छिमि परमेश्‍वरयात आराधना याइपिं खः। जिमित थन हःम्‍ह अश्‍शूरया जुजु एसरहदोनया पालंनिसें हे जिमिसं वय्‌कःयात हे बां बियावयाच्‍वनागु दु।”

एज्रा 5:2

इमिगु खँ न्‍यनाः शालतिएलया काय् यरूबाबेल व योसादाकया काय् येशूअं यरूशलेमय् परमेश्‍वरयागु देगः दय्‌केगु ज्‍या हाकनं शुरु यात। परमेश्‍वरया अगमवक्तातय्‌सं नं इपिंनापं च्‍वनाः इमित ग्‍वाहालि यात।

एज्रा 7:7

जुजु अर्तासास्‍तया न्‍हय्‌गूगु दँय् छपुचः इस्राएलीत बेबिलोनं यरूशलेमय् वल। उगु पुचलय् पुजाहारीत, लेवीत, देगलय् म्‍ये हालीपिं व देगलय् पिवाः च्‍वनिपिं व देगलय् सेवा याइपिं नं दुथ्‍याः।

नहेम्‍याह 11:36

यहूदाय् दुपिं छुं लेवीत बेन्‍यामीन कुलतय्‌गु गामय् वनाः अन हे च्‍वन।

नहेम्‍याह 12:10

येशूअ योयाकीमया बौ, योयाकिम एल्‍यासीबया बौ, एल्‍यासीब योयादाया बौ,

नहेम्‍याह 12:2

सरायाह, यर्मिया, एज्रा, अमर्याह, मल्‍लूक, हत्तूश,

नहेम्‍याह 7:7

इमि नायःपिं यरूबाबेल, येशूअ, नहेम्‍याह, अजर्याह, राम्‍याह, नहमानी, मोर्दकै, बिल्‍शान, मिसपेरेत, बिग्‍वै, नेहूम व बानाह खः।

हाग्‍गै 1:1

जुजु दारां राज्‍य यानाच्‍वंगु निगूगु दँया खुगूगु लाया न्‍हापांगु दिंखुन्‍हु, यहूदायाम्‍ह राज्‍यपाल शालतिएलया काय् यरूबाबेल व यहोसादाकया काय् दकलय् तःधंम्‍ह पुजाहारी यहोशूयाथाय् हाग्‍गै अगमवक्तापाखें परमप्रभुयागु थ्‍व वचन वल।

हाग्‍गै 1:12

अले शालतिएलया काय् यरूबाबेल व यहोसादाकया काय्, दकलय् तःधंम्‍ह पुजाहारी यहोशू व बेबिलोनं लिहांवःपिं फुक्‍कसिनं परमप्रभु इमि परमेश्‍वरया वचन व अगमवक्ता हाग्‍गैया बुखँयात मानय् यायेगु याना हल। मनूतय्‌सं परमप्रभु इमि परमेश्‍वरं वयात छ्वयाहयादीगु खँ सिल। अले मनूतय्‌सं परमप्रभुया भय काल।

हाग्‍गै 1:14

उकिं परमप्रभुं शालतिएलया काय् यहूदायाम्‍ह राज्‍यपाल यरूबाबेल व यहोसादाकया काय्, दकलय् तःधंम्‍ह पुजाहारी यहोशू व बेबिलोनं लिहांवःपिं मनूतय्‌त ग्‍वाकादिल। अले इमिसं वयाः दक्‍व शक्ति दुम्‍ह परमप्रभु थः परमेश्‍वरयागु देगः दय्‌केगु ज्‍या न्‍ह्याकल।

हाग्‍गै 2:2

“शालतिएलया काय् यहूदाया राज्‍यपाल यरूबाबेल, यहोसादाकया काय्, दकलय् तःधंम्‍ह पुजाहारी यहोशू व बेबिलोनं लिहांवःपिं फुक्‍क मनूतय्‌त थथे धा।

जकरिया 6:11

इमिसं ब्‍यूगु लुँ व वहलं छगू श्रीपेच दय्‌कि अले यहोसादाकया काय् दकले तःधंम्‍ह पुजाहारी यहोशूया छेनय् श्रीपेच पुइकाब्‍यु।