नहेम्‍याह 11:1 - नेवाः बाइबल

¹ इस्राएलीयापिं नायःत यरूशलेमय् च्‍वन। मेपिं मनूतय्‌सं चिट्ठा तयाः झिम्‍हय् छम्‍ह मनू पवित्र शहर यरूशलेमय् वना च्‍वनेत ल्‍यल। मेपिं मनूत मेमेगु शहर व गामय् च्‍वन।

नहेम्‍याह 11:1 ပူးပေါင်းရင်းမြစ်များ

१ इतिहास 26:13

चिधिकःपिं व तःधिकःपिं सकसिनं थथःगु पुर्खाया परिवारकथं छगू छगू ध्‍वाखाया निंतिं चिट्ठा तल।

१ इतिहास 8:28

थुपिं सकलें थथःगु परिवारया मू मनूत खः। वंशावलीइ इमिगु नां च्‍वयातःगु दु। इपिं सकलें यरूशलेमय् च्‍वंपिं खः।

१ इतिहास 9:1

थुकथं सकल इस्राएलीतय्‌गु नां इस्राएलया जुजुपिनिगु इतिहासय् दुगु वंशावलीया धलखय् च्‍वल। यहूदायापिं मनूतय्‌त थःगु विश्‍वासघातं यानाः बेबिलोनय् ज्‍वना यंकल।

१ इतिहास 9:2

ज्‍वना यंकूगु थासं लिहां वयाः थथःगु शहरय् दुगु थथःगु सम्‍पत्तिइ दकलय् न्‍हापां च्‍वंपिं इस्राएलीत, पुजाहारीत, लेवीत व देगलय् सेवा याइपिं मनूत खः।

१ इतिहास 9:3

यरूशलेमय् च्‍वंवःपिं यहूदा, बेन्‍यामीनी, एफ्राइम व मनश्‍शेया कुलयापिं थुपिं खः –

नहेम्‍याह 10:34

“जिपिं पुजाहारीत, लेवीत व मनूतय्‌सं व्‍यवस्‍थाय् च्‍वया तः थें परमप्रभु जिमि परमेश्‍वरयागु वेदीइ छ्वय्‌केत दँय्‌दसं क्‍वःछिनातःगु इलय् पालंपाः परिवार परिवार यानाः जिमि यागु देगलय् सिँ हयेत चिट्ठा तयागु दु।

नहेम्‍याह 11:18

पवित्र शहरय् च्‍वनिपिं लेवीत मुक्‍कं २८४ म्‍ह दु।

नहेम्‍याह 4:22

उबलय् जिं थथे धया, “छिपिं सकलें थः च्‍यःतनापं चान्‍हय् यरूशलेम दुने हे च्‍वनेमाः। अथे यात धाःसा मनूतय्‌सं चान्‍हय् पाः च्‍वनेगु ज्‍या याये फइ अले न्‍हिनय् दय्‌केगु ज्‍या याये फइ।”

भजनसंग्रहया सफू 122:5

अन न्‍यायया सिंहासन दु, दाऊदया वंशया सिंहासन अन दु।

भजनसंग्रहया सफू 122:6

यरूशलेमया शान्‍तिया निंतिं प्रार्थना या, “छन्‍त माया याइपिं याउँक च्‍वनेदयेमा।

हितोपदेश 16:33

झीसं थथःम्‍हं थःगु खँ क्‍वःछिना जुये, तर परमप्रभुं हे फुक्‍क खँ क्‍वःछिनादी।

यशैया 48:2

छिमिसं थःपिं पवित्र शहरया नागरिक खः धकाः धाइ अले इस्राएलया परमेश्‍वरयाके भलसा तइ। वय्‌कःया नां दक्‍व शक्ति दुम्‍ह परमप्रभु खः।

यशैया 52:1

दँ, दँ, हे सियोन! छं बल व शक्तियात लं थें फ्‍यु! हे पवित्र शहर, यरूशलेम, थःगु महिमां जाःगु वसः फ्‍यु। थनिंनिसें म्‍हय् चिं मतःपिं व अशुद्धपिं छन्‍थाय् दुहां वइ मखु।

मत्ती 27:53

येशू सिनाः म्‍वाना वये धुंकाः इपिं थःपिन्‍त थुनातःगु थासं दनाः पवित्रगु शहरय् वन। अले यक्‍व हे मनूतय्‌थाय् खनेदय्‌कः वन।

मत्ती 4:5

शैतानं हानं वय्‌कःयात पवित्रगु शहरय् यंकल, अले देगः च्‍वकाय् यंकाः थथे धाल –

प्रेरित 1:24

अले इमिसं थथे प्रार्थना यात – “मनूतय्‌गु नुगलय् दुने च्‍वंगु खँ स्‍यूम्‍ह प्रभु, थुपिं निम्‍हय् गुम्‍हय्‌सित छिं ल्‍ययादिया, जिमित क्‍यनादिसँ।

प्रेरित 1:26

अले इमिसं चिट्ठा तल, चिट्ठा मतियासयात लात। थथे मतियासनापं यानाः आः झिंनिम्‍ह प्रेरित खात।

यहोशू 18:10

अले यहोशूं शीलोय् परमप्रभुया न्‍ह्यःने इमिगु निंतिं चिट्ठा तल। अले अन हे यहोशूं इस्राएलीतय्‌त इमिगु भाग भागकथं देश इनाबिल।