नहेम्‍याह 10:39 - नेवाः बाइबल

³⁹ इस्राएलीत व लेवीतय्‌सं देछाया अन्‍न, न्‍हूगु दाखमद्य व चिकं पवित्र थासय् छ्यलेगु थलबल दुगु धुकुतिइ हयेमाः। थ्‍व हे सेवा याइपिं पुजाहारी, देगलय् पिवाः च्‍वनिपिं व म्‍ये हालीपिं च्‍वनीगु थाय् खः। “जिमिसं थः परमप्रभु परमेश्‍वरयागु देगः बांलाक स्‍वये।”

नहेम्‍याह 10:39 ပူးပေါင်းရင်းမြစ်များ

२ राजा 7:10

इपिं सामरियाय् लिहां वल। अले ध्‍वाखाय् च्‍वंपिं पालेतय्‌त तःसलं धाल, “जिपिं अरामीतय्‌गु छाउनीइ वनाबलय् अन जिमिसं सुयातं मखना। जिमिसं सुं मनूयागु सः नं मताः। सल व गधात चिनातःगु दु। पालत अथें त्‍वःतातःगु दु।”

२ इतिहास 31:11

अले हिजकियां परमप्रभुया देगलय् धुकूत दय्‌केत आज्ञा बिल। अनंलि उपिं धुकूत दय्‌के सिधय्‌कल।

२ इतिहास 31:12

मनूतय्‌सं विश्‍वास यायेबहः जुयाः थथःगु भेटी व झिब्‍वय् छब्‍व शुद्ध याःगु देछा हल, उपिं फुक्‍क धुकूया हामा लेवी कोनन्‍याह खः, अले वया किजा शिमी वयात ग्‍वाहालि याइम्‍ह खः।

नहेम्‍याह 12:47

यरूबाबेलया पालय् व नहेम्‍याहया पालय् नं इस्राएलयापिं सकल मनूतय्‌सं देगलय् भजन हालीपिं व देगलय् पिवाः च्‍वनीपिनिगु लागि न्‍हियान्‍हिथं देछा बियाः ग्‍वाहालि याइगु खः। मनूतय्‌सं लेवीतय्‌त पवित्र देछा बीगु अले उकिं लेवीतय्‌सं क्‍वःछिनातःगु ब्‍व पुजाहारीतय्‌त बीगु खः।

भजनसंग्रहया सफू 122:9

परमप्रभु झी परमेश्‍वरया देगःया निंतिं जिं छंगु भिंया लागि प्रार्थना याये।

गन्‍ती 18:26

“लेवीतय्‌त धा, ‘जिं छिमिगु सर्बयया निंतिं इस्राएलीतय्‌सं बी हःगु झिब्‍वय् छब्‍व कयाः वपाखें नं छिमिसं परमप्रभुयात झिब्‍वय् छब्‍व देछाकथं छायेमाः।

गन्‍ती 18:30

“छं लेवीतय्‌त धाः, ‘छिमिसं दकलय् भिंगु ब्‍व छाल धाःसा व छिमिगु निंतिं खलाया अन्‍न व दाख तिस्‍सिगु सालं दाखमद्य थें ल्‍याः खाइ।

व्‍यवस्‍था 12:17

छिमिसं छिमिगु अन्‍न, न्‍हूगु दाखमद्य, जैतूनया चिकंया झिब्‍वय् छब्‍व वा सा द्वहं, फैच्‍वलय्‌या न्‍हापां बूम्‍ह पशु वा भाकलयागु न्‍ह्यागु नं देछा, थः यःछिं बलि वा मेगु देछा छिमिगु थथःगु शहर दुने नये मते।

हिब्रू 10:25

गुम्‍हं गुम्‍हय्‌सिगु संगतिइ मवनेगु बानी दइ, झीपिं धाःसा छथाय् मुनेगु त्‍वःते मज्‍यू। अज्‍ज ला प्रभु झायादीगु दिं न्‍ह्यःने वयेत्‍यंगु दु धकाः सीकाः थःथवय् साहस बीगु यायेमाः।