नहेम्‍याह 10:36 - नेवाः बाइबल

³⁶ “जिमिगु परिवारय् न्‍हापां बूम्‍ह काय् परमेश्‍वरया व्‍यवस्‍थाय् क्‍वःछिनातःथें परमप्रभु जिमि परमेश्‍वरया देगलय्, अन सेवा याइपिं पुजाहारीतय्‌थाय् छाये हये। थुकथं हे सा द्वहंया न्‍हापाम्‍ह मचा व फैच्‍वलय्‌चा न्‍हापांम्‍ह मचा जिमिसं छाये।

नहेम्‍याह 10:36 ပူးပေါင်းရင်းမြစ်များ

२ इतिहास 31:5

अथे आज्ञा जुइवं इस्राएलयापिं मनूतय्‌सं थःगु अन्‍न, न्‍हूगु दाखमद्य, जैतूनया चिकं, कस्‍ति व बुँइया फुक्‍क कथंया न्‍हापां सःगु बिल। इमिसं थःके दुगु फुक्‍क खँया झिब्‍वय् छब्‍व नं हल।

नहेम्‍याह 12:44

उबलय् देगलय् छाःगु देछा तइगु धुकू स्‍वयेत मनूत तल। देछात, न्‍हापांगु अन्‍न व फलफुल व झिब्‍वय् छब्‍व नं अन तइगु खः। जःखःया शहर लिक्‍कयागु बुँ व क्‍यबपाखें व्‍यवस्‍थाकथं पुजाहारी व लेवीतय्‌त दयेमाःगु देछा मुनेगु ज्‍या नं उपिं मनूतय्‌त लःल्‍हात। यहूदायापिं सकल मनूत पुजाहारीत व लेवीत खनाः लय्‌ताः।

नहेम्‍याह 13:5

उकिं वं तोबियायात छकू तःकूगु क्‍वथा छ्यलेत ब्‍यूगु जुयाच्‍वन। न्‍हापा व क्‍वथाय् अन्‍नबलि, धुपाँय् व देगःया सामान अले लेवीत, म्‍ये हालीपिं व देगलय् पिवाःतय्‌गु निंतिं झिब्‍वय् छब्‍व अन्‍न, न्‍हूगु दाखमद्य, चिकं व पुजाहारीतय्‌गु निंतिं देछात तइगु खः।

प्रस्‍थान 13:2

“न्‍हापां बूम्‍ह इस्राएली काय्‌मचायात जिगु निंतिं फ्‍या। न्‍हापां बूम्‍ह मिजंमचा जिम्‍ह हे जुइ। छिमिसं न्‍हापां बूम्‍ह मिजंम्‍ह पशुयात नं जिगु निंतिं फ्‍या।”

प्रस्‍थान 23:19

“छिमिगु बुँइ सःगु दक्‍वसिबय् भिंगु न्‍हापांगु फल परमप्रभु थः परमेश्‍वरया छेँय् हजि। “च्‍वलय्‌चिया मचायात वया मांयागु दुरुइ दय्‌के मते।”

प्रस्‍थान 34:19

“न्‍हापां बूपिं फुक्‍क काय्‌मस्‍त जिम्‍ह खः। अले सा द्वहं व फैच्‍वलय्‌तय् न्‍हापां बूपिं बाजात नं जिम्‍ह खः।

मलाकी 3:10

जिगु छेँय् नयेगु नसा न्‍ह्याबलें दयाच्‍वनेत फुक्‍क झिब्‍वय् छब्‍व धुकुतिइ हजि। थ्‍व खँय् जितः जाँचय् याना स्‍व, स्‍वर्गया लुखा चाय्‌काः छिमिथाय् छिमिगु धुकुतिइ तयेथाय् मदय्‌क आशिष छ्वयाहइ कि महइ?” दक्‍व शक्ति दुम्‍ह परमप्रभुं धयादी।

गन्‍ती 3:13

छाय्‌धाःसा न्‍हापां बूपिं फुक्‍कं जिम्‍ह खः। मिश्रय् न्‍हापां बूपिं फुक्‍कसित स्‍यानागु दिं इस्राएलया न्‍हापां बूपिं मनूत व पशुतय्‌त जिं थःगु हे निंतिं अलग तया। इपिं फुक्‍कं जिम्‍ह खः। जि परमप्रभु खः।”

गलाती 6:6

वचन स्‍यना काःम्‍हय्‌सिनं स्‍यंम्‍हय्‌सित छुं न छुं बी हे माः।

व्‍यवस्‍था 12:6

अन हे छिमिसं थःगु होमबलि, बलित, झिब्‍वय् छब्‍व, अले पवित्रगु देछा, भाकलया देछा व थः यःछि बलि अले सा द्वहं, फैच्‍वलय्‌या न्‍हापां बूम्‍ह मचा यंकेगु या।