नहेम्‍याह 10:31 - नेवाः बाइबल

³¹ “उपिं मेगु जातियापिन्‍सं शबाथ खुन्‍हु वा मेगु पवित्र न्‍हिखुन्‍हु मी हःगु अन्‍न वा मेगु सामान जिमिसं न्‍याये मखु। न्‍हय्‌गूगु दँ पतिकं जिमिसं बुँइ अन्‍न पी मखु अले फुक्‍क त्‍यासा त्‍वःताबी।

नहेम्‍याह 10:31 ပူးပေါင်းရင်းမြစ်များ

२ इतिहास 36:21

यर्मियाया म्‍हुतुं पिहां वःगु परमप्रभुया वचन पूवनेत न्‍हयेदँ (७०) पुला मवंतले, झिजांमिजां दनाच्‍वंतले देशं थःगु विश्राम दँत हनाच्‍वन।

नहेम्‍याह 13:23

उबलय् नं यहूदायापिं छुं मनूतय्‌सं अश्‍दोद, अम्‍मोन व मोआबयापिं मिस्‍तलिसे ब्‍याहा याःगु जिं खना।

नहेम्‍याह 13:27

अले छु जिमिसं छिमिगु खँ न्‍यनेगु ला! अले विदेशी मिस्‍तलिसे ब्‍याहा यायेगु ला! झी परमेश्‍वरयात विश्‍वासघात यायेगु तसकं मभिंगु ज्‍या यायेगु ला!

प्रस्‍थान 12:16

न्‍हापांगु दिंखुन्‍हु व न्‍हय्‌न्‍हु खुन्‍हु परमप्रभुया आराधना यायेत पवित्र मुंज्‍या या। उखुन्‍हु छिमिसं नसात्‍वँसा दय्‌केगु ज्‍या त्‍वःताः मेगु छुं हे ज्‍या याये मते।

प्रस्‍थान 20:10

न्‍हय्‌न्‍हु खुन्‍हु धाःसा परमप्रभु छिमि परमेश्‍वरया विश्रामबारया दिं खः। थुखुन्‍हु छिमिसं छुं ज्‍या याये मते। छिमि काय् म्‍ह्याय्‌पिन्‍सं, छिमि दास-दासीं, छिमि पशुतय्‌सं व छिपिंनापं च्‍वनाच्‍वंपिं परदेशीं नं छुं ज्‍या मयायेमाः।

प्रस्‍थान 34:16

अले छिमिसं उपिं जातयापिं भौमचात हयाः इमिसं थः द्यःतय्‌गु पुजा याइबलय् छिमि काय्‌पिन्‍त नं अथे हे याकेबी।

यशैया 58:6

“अन्‍याय यानाः कुनातःपिन्‍त त्‍वःतकेगु व क्‍वत्‍यलातःपिन्‍त छुत्‍कारा यायेगु फुक्‍क जुवा त्‍वाःथलाबीगु जिं ल्‍ययागु अपसं थ्‍व हे मखु ला?

लेवी 16:29

“थ्‍व छिमिगु निंतिं न्‍ह्याबलेंया नियम खः। दँय्‌दसं न्‍हय्‌गूगु लाया झिन्‍हु खुन्‍हु छिमिसं छुं नये मते। अले छुं ज्‍या मयासें च्‍वनेमाः। थथे छिपिंनापं दुपिं पिनेयापिं मनूतय्‌सं नं यायेमाः।

लेवी 23:21

उखुन्‍हु छिमिसं छुं नं न्‍हिज्‍या याये मते। छिमिगु छगू पवित्र मुंज्‍या जुइमाः। छिमि लिपाया पुस्‍तां पुस्‍ता तकया लागि छिपिं न्‍ह्याथाय् च्‍वंसां थ्‍व न्‍ह्याबलेंया नियम खः।

लेवी 23:3

“‘खुन्‍हु तक छिमिसं ज्‍या या, न्‍हय्‌न्‍हु दुखुन्‍हु धाःसा झासु लनेगु विश्रामबार व पवित्र मुंज्‍या जुइ। उखुन्‍हु छिमिसं छुं नं ज्‍या याये मते। छिपिं न्‍ह्याथाय् च्‍वनाच्‍वंसां उखुन्‍हु छिमिसं परमप्रभुयात तःधंकेमाः।

मत्ती 6:12

अले जिमिगु अपराध क्षमा यानादिसँ, गथे जिमिसं नं जिमि अपराधीतय्‌त क्षमा यानाबियागु दु।

कलस्‍सी 2:16

उकिं आः सुनानं नयेत्‍वनेगु खँय्, नखःचखः मानय् यायेगु खँय्, अले अमै, पुन्‍हि व विश्रामबार मानय् यायेगु ला कि मयायेगु धयागु खँय् नियम दय्‌के मते।

याकूब 2:13

छाय्‌धाःसा परमेश्‍वरं न्‍याय यानादीबलय् दया माया मदुम्‍ह मनूयात दया माया यानादी मखु। दया माया दुपिं मनूतय्‌त दया माया हे क्‍यनादी।