नहेम्‍याह 10:30 - नेवाः बाइबल

³⁰ “जिमिसं थःम्‍ह्याय्‌पिं मेगु जातियापिं मनूतलिसें ब्‍याहा यानाबी मखु अथवा जिमि काय्‌पिनिगु लागि इमि म्‍ह्याय्‌पिं हये नं मखु।

नहेम्‍याह 10:30 ပူးပေါင်းရင်းမြစ်များ

२ राजा 23:25

दुनुगलंनिसें तनमन बियाः मोशायागु फुक्‍क आज्ञा पालन यानाः परमप्रभुपाखे अथे लिहां वःम्‍ह सुं नं जुजु योशियाह थें न्‍हापा वा लिपा दुगु मदुनि।

२ राजा 23:3

जुजुं थांया लिक्‍क दनाः “जि परमप्रभुया ल्‍यू वने, वय्‌कःया आज्ञा, विधि व नियम तनमन बियाः पालन याये अले थ्‍व सफुलिइ च्‍वयातःगु खँ पूवंके धकाः बाचा चिल।” फुक्‍क मनूतय्‌सं नं थथे धकाः हे बाचा चिल।

२ इतिहास 34:31

जुजु थःगु थांया लिक्‍क दन। अले वं परमप्रभुया न्‍ह्यःने परमप्रभुया ल्‍यू वनेगु अले वय्‌कःया बिधि, आज्ञा व नियम तनमन बियाः पालन यायेगु, अले उगु सफुलिइ च्‍वयातःगु फुक्‍क बाचा पालन यायेगु बाचायात न्‍हूकथं चित।

नहेम्‍याह 10:1

बचं भ्‍वँतय् सही याःपिं थुपिं हे खः – हकल्‍याहया काय् राज्‍यपाल नहेम्‍याह, सिदकियाह,

नहेम्‍याह 13:23

उबलय् नं यहूदायापिं छुं मनूतय्‌सं अश्‍दोद, अम्‍मोन व मोआबयापिं मिस्‍तलिसे ब्‍याहा याःगु जिं खना।

नहेम्‍याह 13:25

जिं इमित हक्‍काः सराः बिया, जिं छुं मनूतय्‌त दायाः अले इमिगु सँ पुया। अले जिं इमित जिपिं व जिमि काय् म्‍ह्याय्‌पिन्‍सं आवंलि गुबलय् नं मेगु जातिलिसे ब्‍याहा याये मखु धकाः परमेश्‍वरया नामय् पाफय्‌का।

नहेम्‍याह 13:30

थुकथं जिं इमित फुक्‍क मेगु जातितपाखें शुद्ध याना, अले पुजाहारीतय्‌त व लेवीतय्‌त थथःगु ज्‍याय् ल्‍यया।

नहेम्‍याह 5:12

इमिसं धाल, “जिमिसं लितबी, इमिके छुं काये मखुत। जिमिसं छिं धाःथें हे याये।” अले जिं पुजाहारीतय्‌त सःताः इमिगु न्‍ह्यःने भारदारत व हाकिमतय्‌त इमिगु थ्‍व बचंकथं ज्‍या यायेत पाफय्‌का।

भजनसंग्रहया सफू 119:106

छिगु धार्मिक विधि पालन याये धकाः जिं पाफयागु दु, अले उकियात जिं पक्‍का यानागु दु।

प्रस्‍थान 34:16

अले छिमिसं उपिं जातयापिं भौमचात हयाः इमिसं थः द्यःतय्‌गु पुजा याइबलय् छिमि काय्‌पिन्‍त नं अथे हे याकेबी।

व्‍यवस्‍था 29:11

छिमि मचाखाचात व कलाःपिं अले छिमि सिँ पालीपिं व लः क्‍वबिपिं छिमि छाउनीइ च्‍वनिपिं परदेशीत नं छिपिंनापं दु।

व्‍यवस्‍था 7:3

इपिंलिसे ब्‍याहा याये मते। छिमि म्‍ह्याय्‌पिं इमि काय्‌पिन्‍त बी मते, अले इमि म्‍ह्याय्‌पिं छिमि काय्‌पिनिगु लागि हये मते।