नहेम्‍याह 10:29 - नेवाः बाइबल

²⁹ मिलय् जुयाः थथे धकाः पाफल, परमेश्‍वरया दास मोशापाखें बियादीगु परमेश्‍वरया व्‍यवस्‍थाकथं जुये अले इपिं परमप्रभुयागु फुक्‍क आज्ञा, बिधि व नियम बांलाक मानय् याये।

नहेम्‍याह 10:29 ပူးပေါင်းရင်းမြစ်များ

२ राजा 10:31

तर येहूं दुनुगलंनिसें परमप्रभुया व्‍यवस्‍था पालन मयाः। इस्राएलयात पाप याकूम्‍ह यारोबामया पापं व लिहां मवः।

२ राजा 23:3

जुजुं थांया लिक्‍क दनाः “जि परमप्रभुया ल्‍यू वने, वय्‌कःया आज्ञा, विधि व नियम तनमन बियाः पालन याये अले थ्‍व सफुलिइ च्‍वयातःगु खँ पूवंके धकाः बाचा चिल।” फुक्‍क मनूतय्‌सं नं थथे धकाः हे बाचा चिल।

१ इतिहास 9:2

ज्‍वना यंकूगु थासं लिहां वयाः थथःगु शहरय् दुगु थथःगु सम्‍पत्तिइ दकलय् न्‍हापां च्‍वंपिं इस्राएलीत, पुजाहारीत, लेवीत व देगलय् सेवा याइपिं मनूत खः।

२ इतिहास 34:31

जुजु थःगु थांया लिक्‍क दन। अले वं परमप्रभुया न्‍ह्यःने परमप्रभुया ल्‍यू वनेगु अले वय्‌कःया बिधि, आज्ञा व नियम तनमन बियाः पालन यायेगु, अले उगु सफुलिइ च्‍वयातःगु फुक्‍क बाचा पालन यायेगु बाचायात न्‍हूकथं चित।

२ इतिहास 6:16

“आः हे परमप्रभु, इस्राएलयाम्‍ह परमेश्‍वर, छिं जिमि बाः दाऊदयात बियादीगु थ्‍व बचं नं पूरा यानादिसँ, ‘छं थें छिमि काय्‌पिन्‍सं नं जिगु आज्ञा पालन यात धाःसा छिमि परिवारय् इस्राएलया जुजु जुइत न्‍ह्याबलें मनू दयाच्‍वनी।’

नहेम्‍याह 13:25

जिं इमित हक्‍काः सराः बिया, जिं छुं मनूतय्‌त दायाः अले इमिगु सँ पुया। अले जिं इमित जिपिं व जिमि काय् म्‍ह्याय्‌पिन्‍सं आवंलि गुबलय् नं मेगु जातिलिसे ब्‍याहा याये मखु धकाः परमेश्‍वरया नामय् पाफय्‌का।

नहेम्‍याह 7:46

देगलय् सेवा याइपिं- सीहा, हसूपा व तब्‍बाओत,

नहेम्‍याह 8:2

उकिं न्‍हय्‌गूगु लाया न्‍हापांगु दिंखुन्‍हु एज्रां मनूत मुंगु थासय् व्‍यवस्‍थाया सफू हल। अन मिसा मिजं व न्‍यनाः थुइके फुगु उमेर जुइ धुंकूपिं सकल मनूत दु।

नहेम्‍याह 8:3

ध्‍वाखाया दुने लाःगु चुकय् सुथंनिसें बहनि तक एज्रां तःसलं व्‍यवस्‍था ब्‍वनाः न्‍यंकल अले मनूतय्‌सं न्‍हाय्‌पं बियाः न्‍यन।

नहेम्‍याह 9:2

इमिसं थःपिन्‍त मेपिं विदेशीतपाखें अलग तल। थथःगु थासय् च्‍वनाः इमिसं थथःगु पाप व थः पुर्खातय्‌गु मभिंगु ज्‍या मानय् यात।

नहेम्‍याह 9:38

“थुपिं फुक्‍क कारणं जिपिं इस्राएलीतय्‌सं च्‍वयाः थ्‍व बचं बी। अले जिमि नायः, लेवी व पुजाहारीतय्‌सं थुकी सही छाप तयाबी।”

भजनसंग्रहया सफू 105:45

थः मनूतय्‌सं थःगु व्‍यवस्‍था पालन यायेमा धकाः व थःगु फुक्‍क खँ इमिसं न्‍यनेमा धकाः परमेश्‍वरं थथे यानादिल। हल्‍लेलूया!

भजनसंग्रहया सफू 119:106

छिगु धार्मिक विधि पालन याये धकाः जिं पाफयागु दु, अले उकियात जिं पक्‍का यानागु दु।

भजनसंग्रहया सफू 8:1

हे परमप्रभु, जिमि प्रभु। संसार न्‍यंक छिगु नां गुलि तःधं। छिगु महिमा आकाशय् थ्‍यंगु दु।

भजनसंग्रहया सफू 8:9

हे परमप्रभु, जिमि प्रभु, छिगु नां संसार न्‍यंक गुलि तःधं।

यशैया 14:1

परमप्रभुं याकूबया घरानायात दया यानादी, वय्‌कलं इस्राएलयात हाकनं छकः थः मनूकथं ल्‍ययाः इमिगु थःगु हे देशय् पलिस्‍था यानादी, अन पिने वःपिं मनूत इपिंनापं मिलय् जू वइ अले याकूबया घरानानापं मिलय् जुयाच्‍वनी।

यर्मिया 26:4

“छं इमित धा, ‘परमप्रभुं थथे धयादी – छिमिसं जिगु खँ ध्‍यान बियाः मन्‍यन धाःसा, जिं छिमिगु न्‍ह्यःने तयाबियागु जिगु व्‍यवस्‍था पालन मयात धाःसा

यर्मिया 34:15

नकतिनि छिपिं पस्‍ताय् चाल। छिपिं सकसिनं थःगु जातियापिं दास दासीयात स्‍वतन्‍त्र यानाबिया जिगु मिखाय् छु भिंगु खः व यात। जिगु नां दुगु देगलय् जिगु न्‍ह्यःने छिमिसं छगू बाचा चित।

इजकिएल 36:27

अले जिगु आज्ञा पालन याकेत व जिगु नियमत बांलाक मानय् याकेत, जिं जिगु आत्‍मा छिमिके तयाबी

लेवी 20:26

छिपिं जिगु निंतिं पवित्र जुइमाः, छाय्‌धाःसा जि परमप्रभु पवित्र खः। अले जिं छिमित थः मनूत यायेत मेगु जातितपाखें अलग तयागु खः।

मलाकी 4:4

“जिं होरेब पर्वतय् सकल इस्राएलीतय्‌गु निंतिं जिम्‍ह दास मोशायात बियागु विधि व नियम दुगु व्‍यवस्‍थायात लुमंकी अले उकियात बांलाक मानय् या।

गन्‍ती 5:21

पुजाहारीं सराःया पाफय्‌काः व मिसायात थथे धायेमाः – “परमप्रभुं थ्‍व सराः लाइगु लखं छंगु प्‍वाथय् दुहां वनाः छंगु प्‍वाः मनावय्‌का बीमा अले छंगु मचाछेँ ध्‍वग्‍गीका बीमा। परमप्रभुं थथे यानादीमा, मिसाम्‍हयसित व्‍यभिचारया निंतिं सजाँय बीबलय् मेपिं मनूतय्‌सं वयात सराः बी अले ब्‍वःबी। इमिसं लिपाया इलय् सुयातं सराः बीबलय् वयागु नां दसुकथं छ्यली।

यूहन्‍ना 1:17

व्‍यवस्‍था मोशायागुपाखें बियादिल, येशू ख्रीष्‍टयागुपाखें धाःसा परमेश्‍वरया दया माया व सत्‍य दत।

यूहन्‍ना 15:14

जिगु आज्ञा मानय् याःसा छिपिं धात्‍थें हे जिमि पासापिं खत।

यूहन्‍ना 7:19

छिमित व्‍यवस्‍था बियादीम्‍ह मोशा मखु ला? छिपिं छम्‍हय्‌सिनं हे नं थ्‍व व्‍यवस्‍था पालन याःगु मदु। अय्‌नं छिमिसं जितः छाय् स्‍यायेत स्‍वयाच्‍वना?”

प्रेरित 11:23

थथे व अन वयाः परमेश्‍वरं अन च्‍वंपिं विश्‍वासीतय्‌त बियादीगु आशिष खनाः तसकं लय्‌ताल। अले वं इमित मग्‍यासे दुनुगलंनिसें प्रभु नाप जुयाच्‍वनेमाः धकाः स्‍यनेकने यात।

प्रेरित 17:34

गुलिसिनं वयागु खँय् विश्‍वास यात। इपिं मध्‍ये अरियोपागसयाम्‍ह दुजः डियनुसियस धाःम्‍ह मनू व दामारिस धाःम्‍ह मिसा नं दु। थुपिं बाहेक इपिं नाप मेपिं नं दु।

प्रेरित 23:21

छिं इमिगु खँ न्‍यनादी मते, छाय्‌धाःसा पिइम्‍हं मयाक मनूतय्‌सं पावलयात मस्‍यातले छुं हे नयेत्‍वने याये मखु धकाः पाफयाः स्‍यायेत स्‍वयाच्‍वंगु दु। छिं ‘ज्‍यू’ धाइ धकाः इमिसं आशा यानाच्‍वंगु दु।”

रोमी 12:9

दुनुगलंनिसें छिमिसं धात्‍थेंगु माया या। मभिंगु फुक्‍कं त्‍वःताछ्व। छु छु भिंगु खः व हे जक क्‍वात्तुक ज्‍वनाति।

व्‍यवस्‍था 33:4

थ्‍व मोशां झीत ब्‍यूगु नियम खः, झीगु जातिया दकलय् मू वंगु सम्‍पत्ति।

व्‍यवस्‍था 5:1

मोशां सकलें इस्राएलीतय्‌त सःताः धाल, हे इस्राएल, थौं जिं छिमित कनेत्‍यनागु विधि व नियम न्‍यँ! उपिं सय्‌काः बांलाक मानय् या!

व्‍यवस्‍था 5:32

अथे जुयाः परमप्रभु छिमि परमेश्‍वरया आज्ञाकथं जुइत लुमंका ति। छिपिं जव खवं गन नं वने मते।