नहेम्‍याह 1:6 - नेवाः बाइबल

⁶ छिकपिनि दास इस्राएलीतय्‌गु निंतिं चान्‍हि छितः यानागु प्रार्थना न्‍यनेत छिं न्‍हाय्‌पं बियादिसँ, अले मिखा चाय्‌कादिसँ। जिपिं इस्राएलीतय्‌सं छिगु विरोधय् यानागु पाप जिं मानय् याये। जिमि पुर्खातय्‌सं पापयात जिं नं पाप यानागु दु।

नहेम्‍याह 1:6 ပူးပေါင်းရင်းမြစ်များ

१ राजा 8:30

छिकपिनि दास व छिकपिनि मनूत इस्राएलीतय्‌सं थ्‍व थाय्‌यात स्‍वयाः प्रार्थना याइबलय् जिमिगु बिन्‍ति न्‍यनादिसँ। थः च्‍वनादीगु थाय् स्‍वर्गय् जिमिगु बिन्‍ति न्‍यनादिसँ, अले जिमित क्षमा यानादिसँ।

१ राजा 8:47

इमित ज्‍वनाः यंकूगु देशय् इमिसं दुःख स्‍यूगुलिं थःगु मन हीकाः पस्‍ताय् चायाः ‘जिमिसं पाप यानागु दु जिमिसं द्वंकागु दु, मभिंगु ज्‍या यानागु दु धकाः’ छितः प्रार्थना यात धाःसा

२ इतिहास 28:10

आः छिमि यहूदा व यरूशलेमयापिं मिजंत व मिस्‍तय्‌त थः दास दासी दय्‌के मास्‍ति वः। अथे याःसा छु छिपिं नं परमप्रभु छिमि परमेश्‍वरया न्‍ह्यःने दोषी मजुइ ला?

२ इतिहास 29:6

झी पुर्खातय्‌सं विश्‍वासघात यानाः परमप्रभु झी परमेश्‍वरया मिखाय् मभिंगु ज्‍या यात। इमिसं वय्‌कःयात त्‍वःतल अले वय्‌कः च्‍वनादीगु थाय्‌या छुं वास्‍ता मया। इपिं वय्‌कःपाखें फस्‍वल।

२ इतिहास 6:40

“हे जिमि परमेश्‍वर, थःगु मिखा चाय्‌कादिसँ। अले थ्‍व थासय् जिमिसं यानाच्‍वनागु प्रार्थना ध्‍यान बियादिसँ।

एज्रा 10:1

एज्रा परमेश्‍वरया देगःया न्‍ह्यःने बँय् भ्‍वसुलाः ख्‍वख्‍वं पाप मानय् यानाः प्रार्थना यानाच्‍वंबलय् हे ग्‍वाः ग्‍वाः इस्राएली मिजं, मिसा व मस्‍त वयागु प्‍यखें मुन। इपिं नं ह्वाँय्‌ह्वाँय् ख्‍वल।

एज्रा 10:11

उकिं आः थः पुर्खाया परमप्रभु झी परमेश्‍वरया न्‍ह्यःने थथःगु पाप मानय् या। वय्‌कःया इच्‍छा पूवंकि अले विदेशी मनूतपाखें व छिमि विदेशी कलाःपाखें छिपिं ब्‍यागलं च्‍वँ।”

नहेम्‍याह 1:11

हे परमप्रभु, जिगु व छिगु नांयात हनाबना यायेत लय्‌ताइपिं छि दासतय्‌गु प्रार्थना न्‍यनादिसँ। थौं हे छिकपिनि थ्‍व दासयागु ज्‍या ताःलाकादिसँ। छिं जुजुयात जितः माया याइम्‍ह दय्‌कादिसँ।” उबलय् जि जुजुयात दाखमद्य बीपिनि नायः खः।

भजनसंग्रहया सफू 102:17

वय्‌कलं छुं मदुपिं मनूतय्‌गु प्रार्थना न्‍यनादी, अले इमिगु इनापयात हेला यानादी मखु।

भजनसंग्रहया सफू 106:6

जिमिसं थः पुर्खातय्‌सं याःगु थें हे पाप यानागु दु, जिपिं मभिंपिं व दुष्‍ट जुयागु दु।

भजनसंग्रहया सफू 130:2

हे प्रभु! जिगु बिन्‍ति न्‍यनादिसँ। दयाया लागि यानागु जिगु बिन्‍ति न्‍यनादिसँ।

भजनसंग्रहया सफू 32:5

अले जिं छिगु न्‍ह्यःने जिगु पाप मानय् याना। जिं जिगु मभिंगु ज्‍याखँ छिगु न्‍ह्यःने मसुचुका। जिं थःम्‍हं थःत धया, “जिं परमप्रभुया न्‍ह्यःने थःगु पाप मानय् याये।” अले छिं जिगु फुक्‍क पापया दोष क्षमा बियादिल। सेला

भजनसंग्रहया सफू 34:15

भिंगु ज्‍या याइपिन्‍त परमप्रभुं स्‍वयाच्‍वंगु दु, अले इमिगु प्रार्थना न्‍यनेत वय्‌कलं न्‍हाय्‌पं बियाच्‍वंगु दु।

भजनसंग्रहया सफू 55:17

सुथय्, न्‍हिनय्, बहनी जिं ततःसलं जिगु दुःख न्‍यंकाः प्रार्थना याये। अले परमप्रभुं जिगु सः न्‍यनादी।

भजनसंग्रहया सफू 88:1

हे परमप्रभु, जितः मुक्ति बियादीम्‍ह परमेश्‍वर! जिं चान्‍हि छितः ततःसलं बिन्‍ति यानाच्‍वनागु दु।

यशैया 6:5

अले जिं धया, “धिक्‍कार जितः! जि नाश जुइन। छाय्‌धाःसा जिगु म्‍हुतुं पिहां वःगु फुक्‍क खँ अशुद्ध खः। अले जि अशुद्ध म्‍हुतु दुपिं मनूतलिसें च्‍वंच्‍वनागु दु। तर जिं थःगु हे मिखां दक्‍व शक्ति दुम्‍ह परमप्रभु जुजुयात खनागु दु।”

विलाप 5:7

जिमि तापाःबाज्‍यापिन्‍सं पाप यात, आः इपिं मन्‍त। इमिसं याःगु अर्धमया फल जिमिसं भोगे यानाच्‍वना।

दानिएल 9:15

“हे परमप्रभु जिमि परमेश्‍वर, छिं थः मनूतय्‌त बल्‍लाःगु ल्‍हातं मिश्र देशं पित हयाः थौं तक नं थःगु निंतिं नां तयादिल। जिमिसं पाप यानागु दु, जिमिसं मभिंगु ज्‍या यानागु दु।

दानिएल 9:20

जिगु व थः इस्राएली दाजुकिजापिनिगु पाप नाला कयाः परमप्रभु जिमि परमेश्‍वरयात वय्‌कःया पवित्र पर्वतया निंतिं बिन्‍ति याना हे च्‍वना।

दानिएल 9:4

अले जिं थःगु पाप मानय् यानाः थः परमप्रभु जिमि परमेश्‍वरयात थथे प्रार्थना याना। “हे परमप्रभु, छि तःधंम्‍ह व मानय् यायेमाःम्‍ह खः, छितः माया याइपिन्‍त अले छिगु खँ न्‍यनीपिन्‍त छिं थःगु दयामायाया बाचा पूवंकादी।

दानिएल 9:5

जिमिसं पाप यानागु दु अले द्वंकागु दु। जिपिं मभिंपिं जुयागु दु अले विद्रोही जुयागु दु। जिपिं छिगु आज्ञा व नियमपाखें फहिला वनागु दु।

दानिएल 9:8

हे परमप्रभु, जिमि जुजुपिं, शासकत व पुर्खातय्‌सं छिगु विरोधय् वनाः पाप याःगुलिं जिपिं लज्‍याय् लाःगु दु।

लूका 18:7

अले छु, परमेश्‍वरं जक चान्‍हि थःके ग्‍वाहालि फ्‍वनाच्‍वंपिं थःम्‍हं हे ल्‍ययातःपिं मनूतय्‌त स्‍वयामदी ला? छु वय्‌कलं थः मनूतय्‌त ग्‍वाहालि यायेत लिबाकादी ला?

लूका 2:37

व चयप्‍यदँ दुबलय् तक भाःत मदय्‌कः हे च्‍वन। वं यक्‍व हे अपसं च्‍वनाः प्रार्थना यानाः परमेश्‍वरया सेवा यानाच्‍वंगु दु।

एफिसी 2:3

झीपिं नं छकः इपिं थें हे जुइ धुनागु दु, झीसं नं थःत यःथें यानाः मोजमज्‍जा याना जुइ धुन। थुकथं मेपिं थें झीपिं नं परमेश्‍वरयागु तं फये मालीपिं जुइ धुन।

१ तिमोथी 5:5

हाःनाः मदुम्‍ह भाःत मदय्‌ धुंकूपिं मिसां परमेश्‍वरयाके भरोसा तयाच्‍वनी। अले चां न्‍हिं परमेश्‍वरयात प्रार्थना यानाच्‍वनी।

२ तिमोथी 1:3

जिं जिमि तापाःबाज्‍यापिन्‍सं थें दुनुगलंनिसें परमेश्‍वरयागु ज्‍या यानाच्‍वनागु दु। प्रार्थना यायेबलय् जिं छन्‍त लुमंकाः चान्‍हिं परमेश्‍वरयात सुभाय् बियाच्‍वनागु दु।

१ यूहन्‍ना 1:9

अय्‌नं झीसं थःगु पाप मानय् यात धाःसा परमेश्‍वरं झीगु पाप क्षमा यानादी, अले झीगु मनय् च्‍वंगु फुक्‍क पाप नं च्‍वत्तुक हुयादी, छाय्‌धाःसा वय्‌कः भरोसा याये बहःम्‍ह व धर्मीम्‍ह खः।

१ शमूएल 15:11

“शाऊलयात जुजु यानाः जि तसकं पस्‍ताय् चाःगु दु, छाय्‌धाःसा व जिपाखें तापाक वंगु दु, अले वं जिगु आज्ञा मानय् याःगु नं मदु।” शमूएलयात छु धाये छु धाये जुल, अले वं चच्‍छि ख्‍वयाः परमप्रभुयात बिन्‍ति यात।