नहेम्‍याह 1:5 - नेवाः बाइबल

⁵ “हे परमप्रभु स्‍वर्गयाम्‍ह परमेश्‍वर, तःधंम्‍ह व मानय् यायेमाःम्‍ह! छि थःगु खँ न्‍यनीपिं व थःत माया याइपिं मनूतलिसें दयामायाया बाचा पूवंकादीम्‍ह खः।

नहेम्‍याह 1:5 ပူးပေါင်းရင်းမြစ်များ

१ राजा 8:23

प्रार्थना यात, “हे परमप्रभु! हे इस्राएलयाम्‍ह परमेश्‍वर! च्‍वय् स्‍वर्ग व क्‍वय् पृथ्‍वीइ छि थें जाःम्‍ह मेम्‍ह सुं हे ईश्‍वर मदु। छिं थः मनूतलिसें थःगु तःधंगु दयामाया या बाचा पूरा यानादी, गुपिन्‍सं दुनुगलंनिसें छिगु खँ न्‍यनाः जीवन हनी।

१ इतिहास 17:21

अले छिगु जाति इस्राएल थें ज्‍याःगु जाति मेगु छु जाति दु धकाः? उद्धार यायेत परमेश्‍वर थः हे झाःगु पृथ्‍वीइ मेगु छुं जाति दु ला? छिं मिश्रं थः मनूतय्‌त त्‍वःतकाः थःगु नां तःधंकादिल, छिं अजू चायापुगु ज्‍या क्‍यनादिल अले इमिगु लँय् दंपिं जाति जातियात ख्‍यानाः छ्वयादिल।

एज्रा 1:2

“फारसयाम्‍ह जुजु कोरेसं थथे धयादी– ‘परमप्रभु स्‍वर्गयाम्‍ह परमेश्‍वरं पृथ्‍वीयागु फुक्‍क राज्‍य जितः बियादीगु दु। वय्‌कलं हे जितः यहूदाया यरूशलेमय् वय्‌कःया निंतिं छगू देगः दय्‌केत उजं बियादीगु दु।

नहेम्‍याह 2:4

जुजुं जिके न्‍यन, “छन्‍त छु माल?” अले जिं स्‍वर्गयाम्‍ह परमेश्‍वरयात प्रार्थना यानाः

नहेम्‍याह 4:14

अले जिं अनयागु फुक्‍क अवस्‍था स्‍वये धुंकाः भारदारत, हाकिमत व सकलें मनूतय्‌त थथे धया, “इपिं खनाः ग्‍याये मते। तःधंम्‍ह व मानय् यायेमाःम्‍ह प्रभुयात लुमंकि। अले थः दाजुकिजापिं, काय्‌म्‍ह्याय्‌पिं, कलाः व छेँया निंतिं लडाइँ या।”

नहेम्‍याह 4:8

अले इमिसं यरूशलेमय् हमला यायेगु व अन गोलमाल जुइका बीगु ग्‍वसाः ग्‍वल।

नहेम्‍याह 9:32

“उकिं हे जिमि परमेश्‍वर, छि तःधंम्‍ह, बल्‍लाम्‍ह, मानय् यायेमाःम्‍ह व दयामायाया बाचा पूवंकादीम्‍ह परमेश्‍वर खः। अश्‍शूरया जुजुपिनिगु इलंनिसें थौं तक जिमिसं, जिमि जुजुपिं, जिमि हाकिमत, जिमि पुजाहारीत व जिमि अगमवक्तात, जिमि पुर्खात व छिकपिनि फुक्‍क मनूतय्‌सं गुलि दुःख फयागु दु व लुमंकादिसँ।

भजनसंग्रहया सफू 47:2

दक्‍वसिबय् तःधंम्‍ह परमप्रभुलिसे झी ग्‍यायेमाः, वय्‌कः पृथ्‍वी न्‍यंकया तःधंम्‍ह जुजु खः।

भजनसंग्रहया सफू 76:8

हे परमेश्‍वर, मभिंगु ज्‍या यानाच्‍वंपिन्‍त सजाँय बीत व पृथ्‍वीइ क्‍वत्‍यय्‌का च्‍वनेमाःपिन्‍त बचय् यायेत स्‍वर्गं थःगु न्‍याय न्‍यंकेत दनादीबलय् पृथ्‍वी ग्‍यानाः सुम्‍क च्‍वन। सेला

भजनसंग्रहया सफू 89:2

छिगु सदां दयाच्‍वनीगु दया माया अले छिगु विश्‍वास याये बहःसू आकाश थें थातं च्‍वनी धकाः जिं स्‍यू।

भजनसंग्रहया सफू 89:3

छिं धयादिल, “जिं थःम्‍हं ल्‍ययाम्‍हनापं बाचा चिनागु दु, थः दास दाऊदलिसे पाफयागु दु,

भजनसंग्रहया सफू 89:8

हे दक्‍व शक्ति दुम्‍ह परमप्रभु परमेश्‍वर, छि थें ज्‍याःम्‍ह सु दु धकाः? हे परमप्रभु, फुक्‍क खँय् छि विश्‍वास याये बहःम्‍ह खः।

प्रस्‍थान 20:6

जितः माया याइपिं व जिगु आज्ञा मानय् याइपिन्‍त धाःसा वया द्वलंद्वः पुस्‍ता तकं जिं दया माया याये।

व्‍यवस्‍था 7:12

छिमिसं थुपिं नियम बांलाक न्‍यनाः मानय् यात धाःसा परमप्रभु छिमि परमेश्‍वरं छिमि पुर्खालिसें यानादीगु मायाया बाचा पूवंकादी।

व्‍यवस्‍था 7:21

छिपिं इपिं खनाः ग्‍याये मते, छाय्‌धाःसा छिमिगु दथुइ च्‍वनाच्‍वंम्‍ह परमप्रभु छिमि परमेश्‍वर तःधंम्‍ह व ग्‍यानपुसे च्‍वंम्‍ह परमेश्‍वर खः।

व्‍यवस्‍था 7:9

परमप्रभु हे छिमि परमेश्‍वर खः धकाः सीकाति। वय्‌कः विश्‍वास याये बहःम्‍ह परमेश्‍वर खः। सुनां वय्‌कःयात माया याइ व वय्‌कःया आज्ञा मानय् याइ वया द्वलंद्वः पुस्‍ता तक थःगु बाचा पूवंकादी अले इमित दयामाया याना हे च्‍वनादी।