नहेम्‍याह 1:4 - नेवाः बाइबल

⁴ व खँ न्‍यनेवं जि फ्‍यतुनाः ख्‍वया। तःन्‍हु तक जि नुगः मछिंकाच्‍वना। जिं छुं नं मनया, जिं स्‍वर्गयाम्‍ह परमेश्‍वरयात प्रार्थना याना।

नहेम्‍याह 1:4 ပူးပေါင်းရင်းမြစ်များ

२ शमूएल 12:16

दाऊदं व मचाया निंतिं परमप्रभुयाके बिन्‍ति यात। व अपसं च्‍वन। अले थःगु छेँय् दुहां वनाः बँय् भ्‍वसुलाः चा छ्यात।

२ राजा 22:19

थ्‍व शहर व थनच्‍वंपिं मनूतय्‌त सराः लाइ अले उजाड जुइ धकाः देश व व थनच्‍वंपिं मनूतय्‌गु विरोधय् जिं धयागु खँ न्‍यनाः परमप्रभुया न्‍ह्यःने छ नुगः मछिंकाः क्‍वमिलु जुल। अले छं परमप्रभुया न्‍ह्यःने पस्‍ताय् चायाः ख्‍वख्‍वं, थःगु जामालं खुल। अथे जुयाः जिं छंगु प्रार्थना न्‍यनागु दु धकाः परमप्रभुं धयादी।

२ इतिहास 6:13

सोलोमनं छगू कँय्‌यागु दबू दय्‌काः तःधंगु चुकया दथुइ तःगु खः। व २.२ मिटर ताहाः, २.२ मिटर तब्‍या अले व १.३ मिटर तजाः। व उगु दबुलिइ वन अले सकसिनं खंक पुलिं चुयाः थःगु ल्‍हाः स्‍वर्गपाखे ल्‍ह्वन।

एज्रा 1:2

“फारसयाम्‍ह जुजु कोरेसं थथे धयादी– ‘परमप्रभु स्‍वर्गयाम्‍ह परमेश्‍वरं पृथ्‍वीयागु फुक्‍क राज्‍य जितः बियादीगु दु। वय्‌कलं हे जितः यहूदाया यरूशलेमय् वय्‌कःया निंतिं छगू देगः दय्‌केत उजं बियादीगु दु।

एज्रा 10:1

एज्रा परमेश्‍वरया देगःया न्‍ह्यःने बँय् भ्‍वसुलाः ख्‍वख्‍वं पाप मानय् यानाः प्रार्थना यानाच्‍वंबलय् हे ग्‍वाः ग्‍वाः इस्राएली मिजं, मिसा व मस्‍त वयागु प्‍यखें मुन। इपिं नं ह्वाँय्‌ह्वाँय् ख्‍वल।

एज्रा 9:3

थ्‍व खँ न्‍यनेवं जिं थःगु लं व गा खुना, छेनय् च्‍वंगु सँ व दाह्री पुया। अले तसकं वातां जुयाः फ्‍यतुना।

एज्रा 9:5

सन्‍ध्‍याया बां बीगु इलय् जि दना। जिगु लं व गा गूगु दु। अले पुलिं चुयाः परमप्रभु झी परमेश्‍वरपाखे थःगु ल्‍हाः ल्‍ह्वनाः

नहेम्‍याह 2:20

जिं इमित थथे लिसः बिया, “स्‍वर्गयाम्‍ह परमेश्‍वरं जिमित ताःलाकादी। जिपिं वय्‌कःया दासतय्‌सं शहर व पखाः हाकनं दय्‌केगु ज्‍या शुरु याये त्‍यनागु दु। अय्‌नं यरूशलेमया छुं नं भागय् वा सम्‍पत्तिइ छिमिगु अधिकार मदु।”

नहेम्‍याह 2:4

जुजुं जिके न्‍यन, “छन्‍त छु माल?” अले जिं स्‍वर्गयाम्‍ह परमेश्‍वरयात प्रार्थना यानाः

भजनसंग्रहया सफू 102:15

जाति जातियापिं मनूतय्‌सं परमप्रभुया नांयात च्‍वछाइ, अले पृथ्‍वीयापिं सकलें जुजुपिन्‍सं वय्‌कःया महिमायात तःधंकी।

भजनसंग्रहया सफू 136:26

स्‍वर्गयाम्‍ह परमेश्‍वरयात सुभाय् ब्‍यु, वय्‌कःया दया माया सदां दयाच्‍वनी।

भजनसंग्रहया सफू 137:1

बेबिलोनया खुसिया सिथय् च्‍वनाः सियोनयात लुमंकाः जिपिं ख्‍वया।

दानिएल 10:2

अबलय् जि दानिएल स्‍वँगू वाः तक दुखं च्‍वना।

दानिएल 2:18

बेबिलोनयापिं मेपिं ज्ञान दुपिं मनूतलिसें झीपिं नं सीम्‍वालेमा धकाः स्‍वर्गयाम्‍ह परमेश्‍वरयात दया यानाः व म्‍हगसया सुलाच्‍वंगु खँया अर्थ झीत उलाक्‍यनादिसँ धकाः प्रार्थना यायेत वं थः पासापिन्‍त इनाप यात।

दानिएल 9:3

उकिं अपसं च्‍वनाः भांग्रा फिनाः नउ बुलाः परमप्रभु परमेश्‍वरया न्‍ह्यःने प्रार्थना व दुनुगलंनिसें बिन्‍ति याना।

योना 1:9

“जि हिब्रू खः। अले पृथ्‍वी व समुद्र सृष्‍टि यानादीम्‍ह स्‍वर्गया परमेश्‍वरया सेवा याइम्‍ह खः” योनां लिसः बिल।

सपन्‍याह 3:18

“क्‍वछिनातःगु नखःचखःबलय् नुगः मछिंकीपिं व लज्‍याया बोझ क्‍वबीपिंत जिं मुंके।

रोमी 12:15

लय्‌ताय्‌त च्‍वंपिं नाप छिपिं नं लय्‌ता। अले ख्‍वया च्‍वंपिं नाप छिपिं नं ख्‍व।